ماهى افضل سياره دفع رباعى من حيث اقل استهلاك للوقود وما هو سعرها جديده

**Exporter** · 15-03-2012 01:05 PM

للمعلوميه:

افضل سياره دفع رباعى اوفروود فى الكون هى النيسان باترول و ده كلام خبراء الرمال

**S O P H O S** · 27-04-2012 08:44 PM

متابع ....

**ahmed_eng2001** · 28-04-2012 12:44 AM

المشاركة الأصلية كتبت بواسطة exporter

مع احترامى لحضرتك انك تقول ان الرانجلر اقوى عربية 4*4 فى العالم دى عباره المتنى كثيرا و كمان بتقول صالون فاخر بالرغم ان سقفها فيبر اصلا و هندسيا اضيق عربيه من الداخل و بالمقاسات و لو انت طويل شويه مش هتعرف تقعد فى الكنبه اللى ورا..

عيب اوى لما رانجلر 2011 تشد مع لاند كروزر 1994 و كمان ديزل (اللى هو سحبه متواضع) و الاند تكسب فى الاخر فى طريق الواحات

عيب اوى لما اشوف شيروكى غارزه و مش عارفه تفك الغرز (جراند شيروكى) فى وادى ام اللفاعى قبل الحيز ب 40 كيلو و اللى تيجى تنقذها تويوتا نص نقل موديل 1971

حضرتك بتتكلم كلام جامد جدا
الصحراء ليها اللاند كروزر

**khaled65** · 28-04-2012 11:34 AM

مع أحترامي لكلام حاضرتك و اضح أن الذي يسوق الشروكي لا يعرف يتعامل مع فتيس الغرز فهو أقوى فتيس غرز في كل الجيبات و أصل العربيات الجيب هو الشيروكي و بعد ذلك ظهرت كل العربيات و بعدين قارن بين سعر الشيروكي و اللاند كروزر في سنه الموديل

**beeronasr** · 28-04-2012 01:37 PM

انتوا كدة روحتوا بالسعر لبعيد اوى و اقوى عربيات 4x4 فى العالم و دى ميزانيات تانية خالص.
لصاحب الموضوع اللى عاوز 4x4 و استهلاك بنزين خفيف اقولة هات الداستر.
انا لسة جايبها من اسبوعين بس و دة بعد دراسة و مذاكرة السوق 8 شهور كاملين و بسافر كتير اوى على فكرة - العربية جميلة و استهلاكها فى البنزين و انا على سرعة 120 كان 8.2 لتر لكل 100 كيلو و دة استهلاك زى اللانسر بومة اللى كانت معايا قبلها - و العربية اتزانها حلو على فكرة لانى مشيت بيها فى ملفات العين السخنة و دى ملفات عاصية على فكرة و العربية الخفيفة و لا الوحشة تتكشف فيها - بجد العربية كويسة اوى و اللة .
و ربنا يوفقك ان شاء اللة فى اختياراتك.

**خالد** · 23-06-2012 12:36 PM

الحمد لله ربنا أكرمنى بالداستر 4*4 وليا سؤالين :
أحطلها بنزين نوعه أيه ؟ وياترى 92 يمشى ولا لأ ؟
يعنى أيه فتيس غرز وطريقة إستخدامه إزاى؟
مع خالص تحياتى

**beeronasr** · 24-06-2012 11:56 AM

يا باشا الداستر ماشية كويس اوى مع بنزين 92 - هو مكتوب على غطاء التانك 95 - 98 . بس موتورها يمشى تمام مع ال 92.
انت معندكش فتيس غرز بس عندك 4x4 system و دة جميل و حديث و هو اللى موجود فى ال Nissan X-Trail القرص (بكرة) فى التابلوة فيها 3 اختيارات دفع ثنائى - او اوتو (و دة العربية هى اللى بتختار نظامها) و الاختيار الثالث هو ال lock اللى هو ال 4x4 و دة فى حالة انك ماشى فى رمال او ما شابة و بيفصل بعد السرعة ما تعدى 80
و الف الف مليون مبروك على العربية و ربنا يديلك خيرها و يكفيك شرها

**خالد** · 28-06-2012 04:38 PM

ألف ألف شكر والله مش عارف أشكر حضرتك أزاى على المعلومات القيمة دى ، ربنا يباركلك ويزيدك من نعيمه وفضله
سؤال تانى كمبيوتر الرحلات بشغله أزاى ؟ أنا بدوس على الزرار الأسود فى التابلوه أمامى مش بيطلع غير رقمين مرة رقم الكم اللى العربية مشيتهم وتحته مكتوب الساعة ، ولما بدوس دوسة تانية بيطلع رقم كم تانى ! بقيت الحاجات مش عارف بتيجى أزاى ؟
مع خالص تحياتى

**bebo2000** · 28-06-2012 06:36 PM

الكمبيوتر بيشتغل من دراع المساحات ( اللى على اليمين )
هتلاقى زرار فى طرف الدراع زى بتاع الكلاكس اللى فى الدراع التاني هو ده بتاع كمبيوتر الرحلات

**خالد** · 28-06-2012 08:35 PM

المشاركة الأصلية كتبت بواسطة bebo2000

الكمبيوتر بيشتغل من دراع المساحات ( اللى على اليمين )
هتلاقى زرار فى طرف الدراع زى بتاع الكلاكس اللى فى الدراع التاني هو ده بتاع كمبيوتر الرحلات

شكراً جزيلاً والله ينور عليك هنزل أتابعها دلوقتى
مع خالص تحياتى

الموضوع: ماهى افضل سياره دفع رباعى من حيث اقل استهلاك للوقود وما هو سعرها جديده

LinkBack

أدوات الموضوع

عرض

-

-

المواضيع المتشابهه

هل استهلاك الاوبترا الاوتوماتيك للوقود عالى?

علبه الاسكاترا سعرها كام جديده نوبيرا

استهلاك الساجا للوقود ..

متوسط استهلاك الكورولا للوقود داخل القاهرة واداء كومبيورت الرحلات بعد تجربة دقيقة

ما الذي يجب فعله في حالة أن استهلاك السيارة للوقود عالي

الكلمات الدلالية لهذا الموضوع

المفضلات

المفضلات

ضوابط المشاركة