يا احمد بيه
يمكن انا قلتلك على اللي حصل معايا من ساعة لما خطبت لحد ما تجوزت
وكرم ربنا لا حدود له
ومهما تحسب ومهما تظبط مش هينفع
اعقلها وتوكل
انا اللي حصل معايا كالاتي
بدات سنة 2011 ومرتبي الحمد لله زاد ووصل لرقم ملايين الشباب مثلي ما يحلموش بيه
جت الثورة ملحقتش اتهنى بالزيادة تم تخفيض المرتبات إلى 30% (يعني بقيت اقبض 30% من مرتبي الاصلي)
شهر مارس قلت ما بدهاش وتوكلت على الله وخطبت وكل الفلوس اللي معايا جيبت بيها الشبكة (كانت شبه رمزية) وبدات اشتغل في الشقة واكمل فيها
وربنا الحمد لله سترها وكنت داخل جمعيات وكنت قربت اقبضها (على فكرة كنت مخطط اني اغير العربية بالفلوس اللي جاية)
كتبت كتاب في شهر 6
بعد كتب الكتاب ب 10 ايام بالظبط والله سيبت الشغل بعد خلاف مع صاحب الشركة
في الحالة دي تعمل ايه لو انت مكاني ؟ خصوصا ان ميعاد الدخلة اتحدد قبل نهاية العام يعن قامي اقصى حد 5 شهور
والله مراتي ساعتها عملت موقف كنت لا اتخيله مرضيتش واصرت انها متعرفش حد عندها في البيت اني عاطل علشان مايحصلش قلق
وكان فاضل في شقتي لسه الدهانات واطقم الحمامات والعفش والرفايع
ربنا كرم بعدها بقلوس والله ما اعرف ازاي جت
جمعيات من هنا ومن هنا واتلم الموضوع
واتجوزت وبرضه وانا عاطل
الحمد لله حاليا ربنا كرمني بوظيفة في السعودية
والحياة مستمرة على حلوها مرها
اللي عايز اقوله اوعى حد يبص على الماديات والله دي آخر حاجة تبص عليها
طالما معاك الاساس وهو الشقة حتى لو ايجار قانون جديد توكل على الله
يا احمد باشا ماعلش مش تدخل في خصوصياتك
بتصرف كام على عربيتك شهريا ممكن توفره وتمشي حالك ؟
بتصرف كام مصاريف شخصية ملهاش اي لازمة ؟
لو حسبتها هتلاقيها مبلغ كبير يفتح بيت مرتااااااح جدا
المفضلات