الموضوع: كاسترول ايدج ولا ماجنيتك

المشاركة الأصلية كتبت بواسطة haitham10

الماجنتيك نص تخليقي ونص معدني .. وتركيبته بتحافظ عالمحرك في جميع درجات الحراره وجميع ظروف التشغيل ...

انا حطه وبصراحه فحمته حرق وهنزله علي 5 الالاف .... بس هو اسود بسرعه معرفش من الحرق ولا عشان دي اول مرة اجربه فبينضف مثلا انا حاليا 3 وعاوز انزله بس مهندس شافه وقالي يستني الفين كمان ونزله

عزيزى هيثم بك فعلا هوة زيت ممتاز جدا وبيحافظ بمكوناته على الموتور وكنت عامل زيك فى الاول وقولت هانزله على 5 الاف كيلو لانى كنت كل ما اروح عند حد بتاع زيت واوقله يكشف عليه وحتى لو لونه اسود يقولى لا شغال لسة ويسالنى حاطه بقالك قد ايه اقول 5 الاف مثلا الراجل يتخض ويفتكرنى بكذب عليه ويقولى غلط المهم انا فضلت اتابعه وبصراحة شوية كسل وبرضوا مع حرق ومكنة توين كام وشد وجرى خفت جدا لما سهيت عنه وكنت عامل حوالى 9500 كيلو وكشفت عليه لقيت ان لزوجته لسة عالية جدا مقارنة بشوية ممن الجديد اللى موجود فى الجركن بس فى الاخر نزلته وكان ممتاز جدا ولونه الاسود دليل على انه بينظف الموتور من جوة كويس اما بقى الصوت الحمد لله اذا كان فى المكنة القديمة او الحالية حسيت انه قلل الصوت ومرجعش يعلى تانى انت خليه وراقبه كل الف او الفين كيلو خسارة تنزله وهوة كويس تحياتى

المشاركة الأصلية كتبت بواسطة nice_bird

صح دا ناوي احط الزيت دا وانزلو ع 8000 الاف نضافه وهو يقعد ل 10000 فحضرتك ازاي هتنزلو ع 5000

هوة فعلا نظافة بس لو نزلته على 10 الاف هايبقى برضوا نظيف وابقى غير الفلتر مع كل مرة تغير زيت ده الاحسن والفلتر مش غالى تحياتى

المشاركة الأصلية كتبت بواسطة prisoner

عزيزى هيثم بك فعلا هوة زيت ممتاز جدا وبيحافظ بمكوناته على الموتور وكنت عامل زيك فى الاول وقولت هانزله على 5 الاف كيلو لانى كنت كل ما اروح عند حد بتاع زيت واوقله يكشف عليه وحتى لو لونه اسود يقولى لا شغال لسة ويسالنى حاطه بقالك قد ايه اقول 5 الاف مثلا الراجل يتخض ويفتكرنى بكذب عليه ويقولى غلط المهم انا فضلت اتابعه وبصراحة شوية كسل وبرضوا مع حرق ومكنة توين كام وشد وجرى خفت جدا لما سهيت عنه وكنت عامل حوالى 9500 كيلو وكشفت عليه لقيت ان لزوجته لسة عالية جدا مقارنة بشوية ممن الجديد اللى موجود فى الجركن بس فى الاخر نزلته وكان ممتاز جدا ولونه الاسود دليل على انه بينظف الموتور من جوة كويس اما بقى الصوت الحمد لله اذا كان فى المكنة القديمة او الحالية حسيت انه قلل الصوت ومرجعش يعلى تانى انت خليه وراقبه كل الف او الفين كيلو خسارة تنزله وهوة كويس تحياتى

والله منك استفيد .. يمكن عشان الزيوت المعدنية بتبقي تقيلة فطبيعي سهل الواحد يعرف درجة لزوجتها فيها ولا شطبت
اما الزيوت التخليقيه بتبقي خفيفه فيمكن دة الي عامل مزاولات معايا بس صوت الموتور بامانة صعبان عليا هحاول اجربه تاني بس شكلي مش هستني 4 الالاف عشان كدة هقلب جرار

يا جماعة هيا العربية بتاخد قد ايه زيت في الغيار مع الفلتر !

المشاركة الأصلية كتبت بواسطة haitham10

والله منك استفيد .. يمكن عشان الزيوت المعدنية بتبقي تقيلة فطبيعي سهل الواحد يعرف درجة لزوجتها فيها ولا شطبت
اما الزيوت التخليقيه بتبقي خفيفه فيمكن دة الي عامل مزاولات معايا بس صوت الموتور بامانة صعبان عليا هحاول اجربه تاني بس شكلي مش هستني 4 الالاف عشان كدة هقلب جرار

العفو يا فندم انا تحت امرم فى اى وقت انما بقى انت ادرى وحاسس اكتر بصوت الموتور لكن انت عارف بنحسبها ازاى اقولك الزيت ده بكام ب195 جندى ماشى حضرتك بقى لو بتمشى كتيير ممكن تغيره كل شهر مثلا يعنى او 3 اسابيع لو ماشى بمنطق انو ميكملش 5000 وينزل وهما اصلا بيقولوا يقعد لغاية 10 بس الاجواء هنا فى مصر كفاية عليها 7 الاف حلو بس الفكرة كلها متبقاش تكلفة احنا كلنا بنحاول ناخد احسن اداء باقل سعر لان المحروسة بلدنا بستهلك وبتهلك الاسفلت وربنا كريم وان شاء الله الصوت يتظبط وعايز اقولك على معلومة من تجربة شخصية العربية معايا بتبقى ليها مووود زينا بالظبط يعنى ساعات انزل الصبح ادورها الاقى صوتها عالى جدا حتى لو لسة مغير زيت وتجى تمشى بيها تحس ان عفشتها مدمرة ومش عايز تمشى تحب تشد مع حد متسعفكش خالص واوقات تانية والله احسن انها نعومة الدنيا فيها وعايز تاكل الاسفلت وانا اللى بلمها علشان ربنا يحفظنا الطرق بقت وحشة جدا ارجو تقبل مرورى واسف للاطالة تحياتى

العفو يا فندم انا تحت امرم فى اى وقت انما بقى انت ادرى وحاسس اكتر بصوت الموتور لكن انت عارف بنحسبها ازاى اقولك الزيت ده بكام ب195 جندى ماشى حضرتك بقى لو بتمشى كتيير ممكن تغيره كل شهر مثلا يعنى او 3 اسابيع لو ماشى بمنطق انو ميكملش 5000 وينزل وهما اصلا بيقولوا يقعد لغاية 10 بس الاجواء هنا فى مصر كفاية عليها 7 الاف حلو بس الفكرة كلها متبقاش تكلفة احنا كلنا بنحاول ناخد احسن اداء باقل سعر لان المحروسة بلدنا بستهلك وبتهلك الاسفلت وربنا كريم وان شاء الله الصوت يتظبط وعايز اقولك على معلومة من تجربة شخصية العربية معايا بتبقى ليها مووود زينا بالظبط يعنى ساعات انزل الصبح ادورها الاقى صوتها عالى جدا حتى لو لسة مغير زيت وتجى تمشى بيها تحس ان عفشتها مدمرة ومش عايز تمشى تحب تشد مع حد متسعفكش خالص واوقات تانية والله احسن انها نعومة الدنيا فيها وعايز تاكل الاسفلت وانا اللى بلمها علشان ربنا يحفظنا الطرق بقت وحشة جدا ارجو تقبل مرورى واسف للاطالة تحياتى

فعلا موضوع العربية ليها مووود ده انا بحس نفس الكلام ساعات بحس العربية عايز تجري وناعمه وملهاش حل وساعات بحس انها بتمشي بالعافية و العفشة ناشفة وكل حالتها حاله

أخيراُ غيرت الزيت حطيت كاسترول ماجنيتك ب 195 ج وكان معاه فواحه وللاسف ملقتش الفلتر الاصلي بس الراجل قالي عندو نوع كوري بيقعد 15 الف ومعاه ضمان (طبعا مش فاهم انا ضمان يعني هيعمل ايه ) الفلتر ب 25 وطبعا خليت الراجل ينظفلي الفلاتر بالهواء (فلتر الهواء طلع كمية تراب كبيرة) وكمية الزيت التي تم وضعها 3.5 لتر

دي صور الفلتر




ودا جركن الزيت

انا معاكم طبعا في موضوع المود دة فعلا بس الموضوع دة بدأ ينتهي شوية مع استعمالي للماجنتيك ولما ركبت الترموستات بحاول اشوف طبعها الجديد ايه
ومرة تانية بشكرك يا بريزنر علي المشاركة والافادة وطبعا انا غرضي في الاخر الافضل ثم الاوفر زي كل الناس واكيد انا مش غاوي تقليب زيت كل شوية نوع انا كنت مرتاح في الشل .. ويمكن بفكر في شل الازرق زي الماجنتيك كدة بس مبلاقيهوش اصلا

عموما علي ضمانتكم الخاصه لو حصل حاجه انا تقريبا مشيت عليها 500 ك من ساعة ماكتبتلكم اني عاوز انزله ومش مستحمله .... وكمان يومين هعمل 800 تانيين يعني هعدي 4000 بيه ومنقصش الحمدلله


ومبروك يا نايس علي الزيت وابقي قولنا الجديد الي لاحظته وكنت بتستخدم ايه قبلها

انا كنت جبت الجركن دة بس كان عليه كاس عالم كدة وجواه لعبه اطفال بتفضل تصدع الواحد .. هل دة كدة ولا الي انا جبته كان قديم