خطيبتى خانتنى...موقف صعب أتمنى المساعدة

**msafa** · 01-12-2011 10:08 AM

معلش انا مقدرتش اقرا كل الردود بس ده رأيي
------------------------------------------------------------

المشكلة انها هي اللي كانت بتكلمه يعني كان ممكن يكون هو بيشاغلها وبيتصل بيها وبيقولها كلام حلو وبتسمعه وبتبسط بيه وخلاص لكن هي اللي بتتصل بيه.
عارف لو حاجة قديمة وخلصت كنت اقولك انسي وسامح لان ربنا بيسامح، لكن فاضل 3 شهور وتتجوزوا كانت هتقطع معاه امتي؟ والمفروض ان البنت قبل الجواز مابتبقاش فاضية لحاجة وعندها مليون حاجة تشغلها.
انا مش شايف انها حاجة صح انك تكمل معاها، واختيار انك تنسحب بهدوء وتتحمل الملامة وتروح تقول لاهلها انا اسف مش هاقدر اسعدها او انك تقرر انك تقول لاهلها علشان يخلوا بالهم من تصرفاتها ده راجع ليك وعلي حسب عمك واخواتها هيتعاملوا ازاي لو عرفوا

**M.Elgergawy** · 01-12-2011 10:46 AM

المشاركة الأصلية كتبت بواسطة prisoner

ايه ده ياريس انت بتقول ايه مانا قولتلك قبل الكده بس انت اللى هربت زى موضوع المانجااااااااااااااااااا ااااااا فاكر والا اسيح

ههههههههههه كده تمام بس انا مكنتش اعرف انك ليك في الاستميشن يا حبي
انا وانت وصاحب الموضوع ونشوف راااابع اكيد هنلاقي واحد من المشاركين او حتى المشاهدين دا الموضوع واخد اكبر نسبة مشاهدة ونلعب بولة جاااامدة والكوز يجبلنا مانجا هههههههههه

**tam77** · 01-12-2011 11:36 AM

لازم تسيبها حتى لو هتخسر أهلك كلهم لآن محدش باقى أبوها وأمها هيموتو وأنتا الى هتشيل الطين
وبعدين البنات على أفا من يشيل وأفتكر كويس أن دى هتكون أم للأولادك وبناتك هتربيهم الزاى
صدق الناس الى نصحوك
لآن السنين مهما فاتت عمرك ماهاتنسا الى حصل وأستعن بالله

**Eng_hatemfathy** · 01-12-2011 11:48 AM

اخى الكريم
متابع من الامس لكن مش عارف ارد لانى كنت متراقب من الحكومه وطبعا خايف اضحك من ردود الاخ احمد كمال لانى فى الموضوع الماضى الخاص بالاخ اللى مخاصم مراته اتنكد عليا بسبب الموت من الضحك فى نص الليل والعاقل من اتعظ بماضيه
وهنا مربط الفرس فمن خلال تجربتى الشخصية وتجارب اناس قريبين جدا اى موضوع زواج اوله مشاكل زيادة اخرته طلاق ولو بعد دستة عيال
هناك زواجات تمت خوفا من ضياع ما دفع فى التجهيز والالتزام بنص المهر اوكله والالتزام بالقايمة ولو مفيش مسمار او لوح خشب جه والنتيجه الخسارة بتكون اكبر وخاصة مع وجود الاولاد والنفقه والحضانه واللازم منه
وهناك زواجات قامت على الشفقه وفى الاخر بدل ما يبقى فراق بعد خطوبه او بالكتير كتب كتاب يبقى بعد بناء او حتى اطفال
والقاعدة التى لا تتغير اللى اوله كدب اخره .......
والعاقل من اتعظ بغيره وايه الدافع اللى يجبرك على الدخول فى مخاطره غير مأمونة العواقب وخاصة بعدما اتضح كل هذا منها ومن امها ومن ابوها -يعنى فاضل مين فى صفك وانت لسه على البر وموقفك قوى وبنتهم غلطانه وفضايحها سابقاها -طب لما تلبس وتدخل القفص هيعملوا فيك ايه
وبصراحه وعن تجربه ايضا لما بيكون بيت بالمنظر ده بيقى الزوج مش مسموح ليه يأدب مراته او يأمرها او ينهاها بحجه عمك موجود يا ولد انت ملكش كبير ولا ايه وطبعا انسان يبدو عليه متربى ومتعلم زى حضرتك ملوش فى البلطجه ونظام ..... عمى على اللى يتشددله وهديها باللى فى .... لحد ما تتربى
فالمشكله انك هتوصل لمرحله تخسر فيها رجولتك ومش بس كده كمان ولادك هيكونوا خارج السيطره والكلام والتربيه هيكونوا كلام جدو وتيته وماما والرد الطبيعى لما تعترض انه يتقال يعنى مين اللى رباك مش احنا -النهارده مش عجباك تربيتنا للعيال
ومش هيكون قدامك لو حاولت ساعتها انك تشترى نفسك غير انك زى الباشا تسيب الجمل بما حمل وتنسى العيال وتقاطع العيله لان دايما الاعمام مع البنت وانها الضعيفه وانت اللى مفترى لان ملكش اللى يدافع عنك وابوها ما شاء الله هيكسب كل عمامك ومش بعيد حد فيهم يهينك لان الموضوع ساعتها مش نسايب -لأ دول عمامك وانت سورى فى الكلمه قليل الادب وبترد على عمامك والنتيجة خسارة غير محدودة ماديا وقطيعة رحم واهانه
ايه اللى جابرك على كده -اتعظ من غيرك خيرا من الندم بعد فوات الاوان-طظ فى الفلوس وفى الجوازة وفى النسب اللى بدايته غلط

**romioramy** · 01-12-2011 12:16 PM

انت في موقف صعب جدا و عايز تمهل في التفكير و إتخاذ القرار :-

أولا : الخيانة ليست خيانة عظمى و لا حاجة و يمكن تدارجها هي خلي بالك صغيرة و ممكن إنساقت وراء كلام حنين من زميل ليها و في نفس الوقت حضرتك منشغل عنها تماما و طبعا مش لاقي وقت تتكلم معاها و ده سبب رئيسي و هام جدا معاها .

بس في نقطة في غاية الأهمية .. لو حضرتك هتفضل بعد الجواز عايش معاها و بتفكر في هذه النقطة الخيانة فبصراحة إتفق معاها انها هيا اللي تبدء الرفض و تقول مش عايزة اجوزه ده علشان تحاول تكسب عمك و قرايبك .

و لكن ممكن تحتويها لو لسة بتحبها و عايزها بس خلي بالك ده بعد ما تتأكد تماما انها كانت نزوة و عدت و لسة بتحبك .
فبلاش تكبر المواضيع و فكر كويس و حاول توضع لها وقت مخصص لها دائما و إغمرها بكلام حنين و حبك لها فالجانب الرومانسي مثل الوردة دائما لازم ترويها و إذا إنشغلت عنها ماتت منك .

و ممكن تكون هي ميالة ليك و بتحبك بس بتحب الكلام الحنين برده و الإهتمام ده حاجة مهمة جدا للستات و لكن متفاوتة شوية بنهم نظرا لظروف و شخصية كل واحدة .

و بصراحة ربنا معاك انت في موقف لا تحسد عليه تماما .

و ماتنساش تصلي إستخارة في الأول ده الأهم و الله المستعان و يهديك لصالح القرار.

**lomn** · 01-12-2011 12:56 PM

أسف على التأخير ياشباب....وتانى هاشكركم على كل التحميس القوى ده..........طلعتوا كل الغل اللى كان جوايا:)

أنا كلمت عمى أول إمبارح وقلتله انا مش مقتنع بالكلام اللى هى قالته..قالى طب عايز إيه يابنى قلتله الموضوع مش هاينفع يكمل قالى طب ماتجيلى...قلتله بكره أجيلك إن شاء الله.
رحتله وقعدت معاه وكان معايا الورق طبعا...قالى إنت لسه برده بتفكر بالسوء ده!!!!!!! قلتله عمى أنا عشت طول عمرى حاطك فوق دماغى ولسه لحد دلوقتى لكن لازم تسمعنى ورحت موريله الورق...قالى انا عارف كل حاجة قلتله لا حضرتك ماتعرفش حاجة..طبعا وشه إحمر وقالى قصدك إيه؟؟قلتله ياعمى الرسائل من 7 الصبح وحتى 12 باليل والمكالمات بين الرسائل وبسعات بتقعد بالساعة..تجى هى تضحك على كل الرجالة ديه وتقولنا كانت بتحل مشكلة؟؟؟؟طبعا بصلى ووشه إحمر ومش عارف يرد لقيت مراة عمى قالتلى احنا بنتنا محترمة وانت مش واخدها من الشارع...قلتلها ياطنط انا لما جيت أتجوز إختارت ليه بنت عمى علشان أنا إنسان غيور زيادة وشكاك زيادة ومش من النوع اللى بينام ومراته بره البيت بتشترى خضار...وعلى هذا الأساس إخترت بنت عمى ولكن هى اللى حططنا فى الموقف ده وانا أسف جدا علشان أقول أنا لو عشت معاها هعيشها أسود أيام عمرها عمرى ماهثق فيها تانى ولا هتحس معايا بالأمان ولو كنا هانخرج دلوقتى فده هايكون أقل الخسائر لو خرجنا بعد الجواز....وكان نفسى أقولهم أنا معايا رجالة نايل موتورز واقفين تحت لو تحب تيجى تسألهم :)
لما إتأكد إن الموضوع خلص من ناحيتى راح ندى البنت وقالها هاتى الحاجة !!!! ولقيتها جايبة الشبكة وعمالة تعيط...طبعا كنت هاضعف بس لقيت نفسى يابقى راجل فى الموقف ده وإلا فلا...رحت خدت الشبكة وقلتلهم أنا أسف جدا إن النهاية جت بالشكل ده وأتمنى من الله ومنك ياعمى إنى لو إحتجتك فى حاجة قلقيك جمبى...قالى خد حاجتك يامحمد وربنا يوفقك...رحت ماشى :) وطبعا كانت تغمرنى حالة من السعادة والحزن فى نفس الوقت قد إيه عمى خلى الموضوع سهل وقد إيه حسيت إنى جرحته..حياة عدت الثلاث سنين راحت .بس الحمد لله وطبعا الشبكة لسه فى العربية مش عارف أقول لإمى إيه :)بس هاطر أحكيلها بالتفصيل النهاردة وأقولها الموضوع خلص بدون أى شوشرة وبلاش تعملى مشاكل وأكيد هايبقى فى تليفون مع عمى علشان نظبط كلام الناس وكده...............وبكده ياشباب يبقى إنتهت قصتىى وأشكركم على كل اللى إنتوا عملتوه معايا وساعتونى ولاد وبنات بجد رجالة نايل موتورز...أجدع ناس
وأشكر الإدارة مع إنى معرفش إيه موضوع كشف هويتى ديه..........لكن شكرا للإستاذ كريم

**mohammedsaid** · 01-12-2011 01:01 PM

المشاركة الأصلية كتبت بواسطة lomn

أسف على التأخير ياشباب....وتانى هاشكركم على كل التحميس القوى ده..........طلعتوا كل الغل اللى كان جوايا:)

أنا كلمت عمى أول إمبارح وقلتله انا مش مقتنع بالكلام اللى هى قالته..قالى طب عايز إيه يابنى قلتله الموضوع مش هاينفع يكمل قالى طب ماتجيلى...قلتله بكره أجيلك إن شاء الله.
رحتله وقعدت معاه وكان معايا الورق طبعا...قالى إنت لسه برده بتفكر بالسوء ده!!!!!!! قلتله عمى أنا عشت طول عمرى حاطك فوق دماغى ولسه لحد دلوقتى لكن لازم تسمعنى ورحت موريله الورق...قالى انا عارف كل حاجة قلتله لا حضرتك ماتعرفش حاجة..طبعا وشه إحمر وقالى قصدك إيه؟؟قلتله ياعمى الرسائل من 7 الصبح وحتى 12 باليل والمكالمات بين الرسائل وبسعات بتقعد بالساعة..تجى هى تضحك على كل الرجالة ديه وتقولنا كانت بتحل مشكلة؟؟؟؟طبعا بصلى ووشه إحمر ومش عارف يرد لقيت مراة عمى قالتلى احنا بنتنا محترمة وانت مش واخدها من الشارع...قلتلها ياطنط انا لما جيت أتجوز إختارت ليه بنت عمى علشان أنا إنسان غيور زيادة وشكاك زيادة ومش من النوع اللى بينام ومراته بره البيت بتشترى خضار...وعلى هذا الأساس إخترت بنت عمى ولكن هى اللى حططنا فى الموقف ده وانا أسف جدا علشان أقول أنا لو عشت معاها هعيشها أسود أيام عمرها عمرى ماهثق فيها تانى ولا هتحس معايا بالأمان ولو كنا هانخرج دلوقتى فده هايكون أقل الخسائر لو خرجنا بعد الجواز....وكان نفسى أقولهم أنا معايا رجالة نايل موتورز واقفين تحت لو تحب تيجى تسألهم :)
لما إتأكد إن الموضوع خلص من ناحيتى راح ندى البنت وقالها هاتى الحاجة !!!! ولقيتها جايبة الشبكة وعمالة تعيط...طبعا كنت هاضعف بس لقيت نفسى يابقى راجل فى الموقف ده وإلا فلا...رحت خدت الشبكة وقلتلهم أنا أسف جدا إن النهاية جت بالشكل ده وأتمنى من الله ومنك ياعمى إنى لو إحتجتك فى حاجة قلقيك جمبى...قالى خد حاجتك يامحمد وربنا يوفقك...رحت ماشى :) وطبعا كانت تغمرنى حالة من السعادة والحزن فى نفس الوقت قد إيه عمى خلى الموضوع سهل وقد إيه حسيت إنى جرحته..حياة عدت الثلاث سنين راحت .بس الحمد لله وطبعا الشبكة لسه فى العربية مش عارف أقول لإمى إيه :)بس هاطر أحكيلها بالتفصيل النهاردة وأقولها الموضوع خلص بدون أى شوشرة وبلاش تعملى مشاكل وأكيد هايبقى فى تليفون مع عمى علشان نظبط كلام الناس وكده...............وبكده ياشباب يبقى إنتهت قصتىى وأشكركم على كل اللى إنتوا عملتوه معايا وساعتونى ولاد وبنات بجد رجالة نايل موتورز...أجدع ناس
وأشكر الإدارة مع إنى معرفش إيه موضوع كشف هويتى ديه..........لكن شكرا للإستاذ كريم

اخيرررررررااااااااااااااا ااا
انسى بقى الفات وبص لقدام وموفق ان شاء الله