الموضوع: خطيبتى خانتنى...موقف صعب أتمنى المساعدة

المشاركة الأصلية كتبت بواسطة w-m-a

فى ايه يا جماعه الخير بالراحه شويه
وانت يا عم عنوانك مرعب
البنت صغيرة وساذجه ومتربيه كويس واول مرة تلاقى نفسها محل اعجاب
واعرف انها بنت عمك لما تسيبها بعد مده هيبقى شكلها ايه ؟
واللى هيجى بعدك هيظن فيكم انت وهى ايه ؟
صلى وفكر واتكلم معاها وقرر
ملحوظه للاخوة المشككين
لو خطبت واحده كانت مخطوبه رسمى انت عارف عملت ايه ؟ ولا
حصل ايه ؟

.................................................. ........................

اسف على الاطالة ولكن معلش اكتر حاجة اكرها هي الخيانة بين الازواج والزوجات

--------------------------
يرجي مراعاه الاداب العامه في الحوار وانتقاء الالفاظ لعدم تطبيق العقوبات

يرجي مراجعه قوانين المنتدي

4.16م
28/11/2011

م.ع.12

مفيش كلام ان احنا كمصريين دمنا حامي وفى الحاجات دي مش بننسي ولا هننسي بسهوله
فالبنت من الواضح انها لسه صغيره العقل و انها فى تصرفاتها طائشة فكده عقلها مش راسي و لسه مش ليها فى الجواز دلوقت ممكن تكون فرحانه انها مخطوبه وهيا صغيرة و لسه مش عرفت معني انها تحرص على الطرف التاني
واضح من الكلام انك متعلق بها والا مش كنت كتبت الموضوع وواضح كمان انك فى قراره نفسك عاوز سبب علشان تسامحها بيه وده لانك متعلق بها
ولكن ضع كل هذا جانبا وتعامل بالعقل فقط
المعطيات : بنت قريبتك (تثار هنا صله القرابه واحترام الاسرة) مرتبط بيها رسمي ( مخطوبين ) لمده 3 سنوات ( ليست بالهينه ) واتضح لك بالصدفه انها هوائية ( انها فى فتره الخطبه تطرب لسماع كلمات من اشخاص اخرين )

نصيحه من سمعتها زمان : خد اللى بتحبك مش اللى بتحبها
اللى بتحبك هتراعيك و تكون امينه علي بيتك و اللى انت بتحبها ممكن حبك يكون مغيب عن عينك عيوبها

الحل : اسئل نفسك شوية اسئله
1- هل تستطيع فعلا ان تتناسي الموقف وتتابع حياتك معها مع الاخذ فى الاعتبار انها غصب عنك سوف تكون محل شك فى بعض الاوقات
2- هل تطمئن علي انها تصون بيتك فتره غيابك بعد هذا الشرخ
3- هل تريدها فعلا الي درجه انك ممكن تعيش باقي حياتك تدور وراها

صديق بترتاحله ؟؟؟؟؟!!!!!! ترتاحله مين و الناس نايمين ..... بعد 12 بليل

أسألنى أنا على بترتاحله دى

قال بترتاحله قال .......

المشاركة الأصلية كتبت بواسطة dolly13

اولا كان الله فى عونك فى الموقف الصعب ده وارجو ان تتمسك سريعا
انا هاتكلم معاك بحكم انى سيدة وممكن رايى يفيدك . موضوع انك تكمل معاها ده اعتقد انه مش صواب لاسببب بسيطة
اولا انت معاها من 3 سنين يعنى هى عرفته بعد الخطوبة مش قبلها
معنى ان هى اللى بتتصل به بالكثرة دى انها هى اللى متعلقة بيه مش العكس
كونها تستغل الخط اللى انت جبته واللى انت دفعت ثمنه فى مكالمة رجل اخرفهذا دليل على استباحة مالك ووقتك لاعطائه لغيرك
كونها بنت عمك ولم تهتم لما يمكن ان يحدث لو انكشفت هذه العلاقة معناه انها غير مكترثة ومتسرعة فى تفكيرها
صدقنى هى بالنسبة لك صفقة خاسرة ولا تستحق ان تتمسك بها واعلم ان الله سيعوضك عنها خيرا

ولكن ..............
ارجو ان تتوخى الحذر فى التعامل مع المشكلة لانها اولا واخيرا ابنة عمك ولا ترضى لها الاذية

حاول ان تلمح لعمك فقط بجزء من المشكلة
اتفق معها على انهاء الامر بدون شوشرة وتصرف معها برجولة وشهامة لا لشئ الا لتشعر هى فى المستقبل بالرجل الذى فقدته وتندم على تصرفها معك طول عمرها وربما يساعدها هذا على تعديل مسار حياتها فى المستقبل
تقبل مرورى

+111111111111111111

هذا هو الرأى ...... الله ينور

اياك ان تكون تبحث على الاعذار لتسامحها بها

كن رجلا واحترم ذاتك ولا تسمح لاحد ان يدنس شرفك وكبريائك

المشاركة الأصلية كتبت بواسطة mohamed_rhem

لا اتفق مع الاخوة اللي قالوا اديها فرصه تانيه

لانه خلص عرفت انه اكتشف اللامر لان ده اصعب مرحلة

ولو استمرت حيبقي عيني عينك واذا كان عاجبك ترضي

ولو قطعت علاقتها بينك و بين نفسك لا يمكن تغفرلها وحياتك حتبقي شك

وجحيم لو اتكلمت مع حد لو هزرت مع حد

ولا تغفل انها حتكون عرفت رد فعلك بالاضافه انها مش حتعملك اعتبار (متزعلش مني) لانك ببساطه في نظرها الحبيب التي تحترمه وتخاف علي مشاعره

ثانيا اعتبر انها بنت عمك وبس

وعرفت حتدفن راسك في الرملة وتعمل متعرفش حاجه وتقول يتعرف بعيد عني و مكنش انا مشكلة

لاء والف لاء اتكلم مع عمك برا وبرواقه وفهمه ان الموضوع ده بينك وبينه

ويتصرف فيه بدون شوشرة وتفهمه ان مينفعش تتجوزها وهو عمك وكبير العيلة

ونصيحه بجد اخويه

فترة الخطوبة ده اهم مرحله مينفعش تخطب واحدة واسمحلي يعني تدي فرصه لحد تاني انه مجرد يلفت نظرها مش تحبه في الاخر

الغلطه غلطتك لانك مهتمتش بيها وسيبت غيرك يهتم ويقرب في الوقت اللي انت كنت فيه بعيد

صدقني انهي الموضوع وانت الكسبان مهما كان تألمك مهما كانت النتائج

حتكسب علي الاقل احترامك لنفسك

لان مفيش راجل يقبل علي نفسه كده

++++++++++++++100000000000000000000

اخى العزيز السلام عليكم ورحمه الله
انا سنى مقارب على الخمسين يعنى مش صغير ولذلك سوف انصحك نصيحه
ابعد وسافر لمده يومين ولاترد عليها وحاول تريح اعصابك واعمل استخاره لو الموضوع فيه خير ربنا يتممه
وقت ماترجع من السفر اطلب من خطيبتك ان تترك العمل فى المكان الموجود فيه زميلها وتبعد عن هذا الزميل.
اذا سمعت كلامك اذن هى شرياك والذى حدث كان لحظه طيش .
وكمل موضوع الزواج.

اود ان الفت النظر الى شى مهم وهو ان اخطر شى ان يجمع العمل زميالين فى مكتب واحد حيث ان زميلا العمل يكونان متواجدين مع بعض فتره اطول من الفتره التى تقضيها مع زوجها فى المنزل وياخذون راى بعض فى اشياء يصعب تخيلها وتنشا بينهم الفه قد تقضى على الحياه الزوجيه لانه مع الزوج فى المنزل قد تحدث خلافات اما بسبب الاولاد او المصروف ولكن مع زميل العلم فلاخلاف على شى وتشاهد الوجه الحسن فقط