الموضوع: خطيبتى خانتنى...موقف صعب أتمنى المساعدة

المشاركة الأصلية كتبت بواسطة dolly13

اولا كان الله فى عونك فى الموقف الصعب ده وارجو ان تتمسك سريعا
انا هاتكلم معاك بحكم انى سيدة وممكن رايى يفيدك . موضوع انك تكمل معاها ده اعتقد انه مش صواب لاسببب بسيطة
اولا انت معاها من 3 سنين يعنى هى عرفته بعد الخطوبة مش قبلها
معنى ان هى اللى بتتصل به بالكثرة دى انها هى اللى متعلقة بيه مش العكس
كونها تستغل الخط اللى انت جبته واللى انت دفعت ثمنه فى مكالمة رجل اخرفهذا دليل على استباحة مالك ووقتك لاعطائه لغيرك
كونها بنت عمك ولم تهتم لما يمكن ان يحدث لو انكشفت هذه العلاقة معناه انها غير مكترثة ومتسرعة فى تفكيرها
صدقنى هى بالنسبة لك صفقة خاسرة ولا تستحق ان تتمسك بها واعلم ان الله سيعوضك عنها خيرا

ولكن ..............
ارجو ان تتوخى الحذر فى التعامل مع المشكلة لانها اولا واخيرا ابنة عمك ولا ترضى لها الاذية

حاول ان تلمح لعمك فقط بجزء من المشكلة
اتفق معها على انهاء الامر بدون شوشرة وتصرف معها برجولة وشهامة لا لشئ الا لتشعر هى فى المستقبل بالرجل الذى فقدته وتندم على تصرفها معك طول عمرها وربما يساعدها هذا على تعديل مسار حياتها فى المستقبل
تقبل مرورى

احترم السيدة العاقلة ..... و ارفع القبعة للسيدة الحيادية التي لا تنحاز لبنات جنسها انحياز اعمى ......

المشاركة الأصلية كتبت بواسطة mohssenrashed

معلش حضرتك عامل حساب لعمك اكيد هو في مقام والدك و طبعا لازم تقدره. بس السؤال لو انت اللي كنت خنتها كانت هتعمل ايه؟ و انت الوحيد اللي هتعرف تجاوب السؤال ده.

كان عمه هينفخه على 130 زي كاوتش التريلا

المشاركة الأصلية كتبت بواسطة lomn

ربنا يباركلكم إنكم ردتوا عليه وحسستونى إن فى حد جمبى بيفكرلى لإنى انا مخى إتشل وحاسس إنى تايه...هى عمالة تتصل بيه من الصبح رديت عليها فضلت تعيط وتحلفى إنها مفيش بنها وبنه حاجة وانها مجرد صديق بتستريحله مش أكتر (ياخبتى) وحلفتلى إنها مش هاتعمل كده تانى وإنها مش متخيلة إننا نسيب بعض وإنها تكون لحد تانى (المشكلة إنى لحد دلوقتى أنا كمان مش متخيل) وطلبت منى السماح وإنها مستعدة تعمل أى حاجة علشان أرجع ثقتى فيها وإنها هاتقدر مع الوقت تنسينى الموضوع ده وترجعلى ثقتى فيها...أنا هاجمتها وقلتتلها أنا مش هاعرف أعيش معاكى بواثق فيكى وحياتك كلها هاتبقى غم لإنى عمرى مهصدق لا فى الطلعة ولا فى النزلة ولا لو لوحدك فى البيت...وإنى هاقول لعمى وهو يتصرف....أول ماقلت كده إنهارت وحسيت إنها بتموت المسكلة إنها فى الشغل يعنى هو قاعد جمبها دلوقتى...لسه لحد دلوقتى مش عارف أنا اللى متأكد منه إنى لو قلت لعمى بعد الثلاث سنين خطوبة داخل خارج أكل وشرب وهزار وضحك أنا من ساعة مخطبتها وانا عمى دخلنى بيته كأنى إبنه من كتر ثقته فيه وقد هو عارف إنى محترم لما بيبقى عايز حاجة من بيقولى قوم هاتها زى ميه مثلا يعنى أكنى إبنه الولد الثالث ومامتها نفس القصة إدونى كل الصلاحيات الكاملة....بعد كل ده أقولهم أنا هامشى وكمان علشان بنتكم خانتنى...أنا متخيل إن ممكن عمى يروح فيها بجد أو مراته...هبقى هديت بيت كامل وأذيت ناس بحبهم علشان نفسى وراحتى مع إنى مليش ذنب والله.....وده مش مثالية دى حياه عشتها واتربيت عليها...هاتسألونى هاقلكم لو مش نفس الظروف ولو مش بنت عمى انا كنت رمتها ولافكرت فيها لحظة تانية ولو بكت 100 سنة لإنى مقتنع بإن مادام فيه حد قدر يقنعها النهاردة يبقى أكيد فى بكرة ويمكن ساعتها يكون فى أولاد ولاينفع الندم.

مجرد صديق بترتاح له ؟؟؟؟؟ يا حلاوة ..... و هي اللي بتكلمه و بالساعات و ليل نهار ....... باشا ..... ما ينفعش خالص تكمل مهما كان التمن ..... نهائي .......


و قول لعمك انا مش قادر اكمل و حاسس انها زي اختي و اي كلام في عبسلام و خلاص ........ و استحمل التهزيق و احتسبه عند الله سترة مسلمة في الدنيا ليسترك الله في الاخرة