الموضوع: اللى عملته صح ولا غلط

نفس اللى حصل معايا بالضبط !!
حصلت معايا مرة وأتخبطت وكانوا شوية عربجية راكبين تريسيكل اللى هوة بصندوق ده ، وخبطللى الجنب ونزلت فوجئت بشوية صنايعية عربجية هما اللى غلطانين وبيركبوك أنت الغلط ، بكلمهم بمتهى الأدب لقيت عربجية بتتكلم !! أستعوضت ربنا وأتكلمت بهدوء جداً ولسه همشى لقيت الأرض أنشقت عن واحد صنايعى أبن بلد وعامل زى بتوع كمال الأجسام مسكهم كان هيبهدلهم فلموا نفسهم بسرعة وكانوا زى القطط وقاللى معلش بسيطة ومشيت !! بس كنت زعلان من نفسى أنى معرفتش أرد عليهم !! بس الثواب عند الله
وكتير عربيات بتريح عليا أو تخبط خبطات خفيفة ( بوسة يعنى ) أتعودت ماأنزلش أصلاً من العربية وبكلمه من المرايا وخلاص وبمشى وبهدى أعصابى ! ولما برجع البيت ببص عليها وأقول قدر الله وماشاء فعل وخلاص !
الخلاصة : معظم الشعب ده 90% منه له سلوكيات وطباع غريبة جداً لن تجدها فى أى شعب من الشعوب المحترمة ، وتقريباً كده مفيش أخلاق خااااالص ، فتستعوض ربنا ( لو خبطات خفيفة) وبرضه تتصرف بمنتهى الهدوء ، ولو خبطات جامدة برضه بمنتهى الهدوء بس تعمل محضر وتاآخد إجراءاتك
وأنت كده أتصرفت صح وربنا يسترها معانا كلنا

المشاركة الأصلية كتبت بواسطة أحمد كمال

لسه خابط عربية من اسبوع و انا الغلطان نزلت جري اقول له انا اسف انا الغلطان و هاصلحها على حسابي

و الراجل شايط فيا برضه

في الاخر باقول له ممكن تهدا ...... يقول لي مش عايزني ازعق؟ قلت له لأ !!!!!!! مانا هاصلحها اعمل لك ايه يعني ؟؟؟؟؟؟؟

والله أنت راجل محترم
خالص تحياتى وتقديرى