الموضوع: ساعدونى عقد عمل

المشاركة الأصلية كتبت بواسطة أحمد كمال

حتى لو زعلان على فراقك هيبقى من جواه فرحان ان ابنه وقف على رجليه و ما بقاش محتاج له و مطمئن عليك و انك راجل ملو هدومك مسافر و شغال

فعلا هو قالى كده بس انتا عارف برضو انتا متقدرش تخطى خطوه الا و هو مبارك فيها و من جوا مرضى و ده هدفى

المشاركة الأصلية كتبت بواسطة أبو صلاح

العقد 3 سنين كتير لانك ما تضمنش بكرة فيه ايه على الاقل لو جالك فرصة للافضل تعرف تتحرك او حصل لا قدر الله اي مشاكل غير متوقعة في العمل او زهقت وده بيحصل في اي شغل عادي
اخيار العربيات ده مش مشكلة الوضع اللي ماشي في معظم الشركات لو السيارة لخدمة العمل يعني شغل مواقع وتنقلات كل مصاريفها عليهم لكن لو دي ميزة ليك يعني مش خدمة للشغل يبقى بنزين وزيت عليك والباقي عليهم وخد بالك لو جديدة ما تقلقش صيانتها الدورية في التوكيل على الشركة والحوادث لا قدر الله التأمين بيغطيها (نظام افضل الف مرة من مصر)
12 الف سكن في مكة صراحة معرفش بس اكيد هتلاقي سكن بالسعر ده وطالما معاك عربية ما تقلقش حتى لو سكنت بعيد شوية بس عامة انت بتاخدهم اول لما بتوصل علشان الايجار هنا سنوي ومقدم
طبعا تأثيث الشقة يبقى مشروط في العقد يعني مش ييجي يديلك بدل السكن وتلبس انت في الحيط (التأثيث من الابرة للصاروخ)
المرتب ده بتاعك شامل كافة مصاريف حياتك
اهم حاجة التأمين ولازم يكون فئة عالية
تذاكر السفر ليك ولاسرتك عليه طبعا
شرط ال 6 شهور اطلب منهم انهم يزودوه في العقد عادي جدا
لكن لو عقدك سنوي كفاية 3 شهور
ولازم تعرف قيمة المكافأة دي كام كل سنة ولو في زيادات سنوية متفق عليها

نصيحة اوعى تتنازل اي حق من حقوقك لانك لو اتنازلت مرة او أجلت حق من حقوقك مش هتطوله بعد كده

كان في عضو معانا كان عامل موضوع وفيه ردود رائعة
بص عليه
http://www.nilemotors.net/nile/255793-a.html

هما 5 الف ريال دول هناك زى 5 الف جنيه هنا كده
اما لانسبه للعربيه فى هى من صميم شغلى انا مندوب تسويق
اما بند المكفائه السنويه و الاجازه و التذاكر مش عارف ليه
و هحط بند التجربه ده
اما التامين الصحى فا انا الفئه الف مش تخاف
وانا هخالى العقد سنوى افضل علشان اعلى المرتب و خصواصا انى مميز فى مجالى شويه فا اكيد ده بيكون ليه الافضليه
ربنا يخليك على مسعدتك يا رب

المشاركة الأصلية كتبت بواسطة col. Eng. Khaled

الله يفتح عليك

مشاعر الوالد أنا مقدرها جدا و حاسسها لإن إبني - إن شاء الله - سنتين تلاتة ممكن يكون زيّك

و من مدة بيمُر السناريو ده قدام عيني و ربنا يستر عليا لإن - إن شاء الله - بردو مش متخيّل ألاقي نفسي عقبة قدام مستقبله .

راضي والدك قدر المستطاع و إن شاء الله ربنا معاك .

اهم حاجه اسافر و هو راضى ده هدفى والله لو فيه نصيب
لان انا مقدرش اخطى خطوه من غير رضاه و اكيد هو هيبدى مصلحطى

المشاركة الأصلية كتبت بواسطة أبو صلاح

بص بالنسبة لتحويل العملة 5000 ريال = 8000 جنيه
لكن قيمة الريال هنا او القوة الشرائية تقريبا زي الجنيه
لو ربنا كرمك ومعاك زوجتك آخرك هتصرف 1500 ريال ويبقى كتير كمان
لو لوحدك بقى انت وظروفك على حسب طبيعة معيشتك
يعني أكلك فين في البيت ولا في الشارع ؟
ملابسك ومكوتك في البيت ولا مغسلة
نظفة الشقة بنفسك ولا حد ييجي ينظفهالك
الخ

طيب و لو لوحدى اصرف كام
هجيب حد ينظف و يغسل و يكوى و اكلى هيكون من بره
و لو العكس
بس بينى وبينك انا فاشل فى اى حاجه فى البيت