مسافر السعوديه باذن الله ومحتاج نصائحكم

**MOUSTAFA_SAAD** · 11-11-2011 09:32 AM

السلام عليكم ورحمة الله وبركاته

ان شاء الله مسافر السعوديه بعقد عمل تبع مجموعة الفؤاد للمقاولات "فايز جميل زقزوق وشركاه "

مقر الشركه بمكه المكرمه بس شغلى حيكون محاسب موقع ولسه مش عارف الموقع بتاعهم فين بالظبط
طبعا حتوزع بعد لما اوصلهم هناك

دى او تجربه ليا ان شاء الله فى السفر بره مصر ومحتاج نصايح اخواتى فى المنتدى اللى سافروا فى شغل بره قبل كده ايه التجهيزات اللى المفروض اجهزها قبل مااسافر وايه اللى المفروض اخده معايا

ايه الغالى هناك والمفروض اشتريه من هنا
وايه الرخيص هناك وبلاش اخده معايا من هنا

اللاب توب بتاعى بفكر اسيبه لاختى واشترى واحد من هناك
المشكله انى حاسافر منفض خالص من الفلوس ومش حابقى حمل اشترى حاجه من هناك فى اول شهرين على الاقل وده اللى كان مخلينى بفكر اخده معايا
ياترى ممكن الاقى الحاجات دية رخيصه هناك سواء جديد او مستعمل واشترى واحد مستعمل بسعر رخيص

الموبايل بتاعى سامسونج جالاكسى فيت حاخده معايا طبعا علشان عليه كمان كل التليفونات فهل ممكن لم ارجع ان شاء الله الاقيهم بيجمركونى عليه

خطوط الموبايل بتاعتى فودافون وموبينيل حاوقفها من الشركه ولا خلاص حاتبقى راحت عليا ولا ايه
فيه اجراءات او اوراق المفروض اخلصها من هنا قبل ماسافر
انا عملت توكيل عام لوالدى علشان لو فيه حاجه محتاجه تخلص من مصر يعملها

شنطة السفر مش عارف اجيب ايه ومقاس كام والوزن المتاح ليا ايه
انا بشوف شنط نروللى 4 مقاسات اعتقد ان مقاس 3 اللى هو قبل الاخير مناسب ولا رايكم ايه

اخد هدوم كتير معايا من هنا ولا الهدوم هناك رخيصه وابقى اشترى من هناك
اخد شتوى ولا مش حاحتاجه والجو هناك حر

معلشى هى استفسارات كتير بس قلة الخبره مخليانى محتار

اخيرا ياريت كل واحد دخل الموضوع يدعيلى ان استريح هناك والوضع يكون كويس وان ربنا يقوينى على الغربه لانى بتقطع من جوايا من دلوقتى كل لما افتكر انى حاسيب ابويا واختى

**minicooper20** · 11-11-2011 09:56 AM

تروح و ترجع بالسلامه طبعا انتا حضرتك مسافر السعوديه انا لسه صديقى مسافر نفس الشركه هى الشركه جى ليها علاقه بالسوبر ماركت
على مالرجاله يرضو عليك انا عايزك تحدد التارجت بتاعك انتا مسافر ليه و هاتعمل ايه حط هدف قدام عينك رايح احوش فلوس و اخود خبره و صدقنى متنزلش الا زانتا معاك فلوس تعيشك فى مصر كويس لان مصر بقت صعبه اوى تروح و ترجع بالسلامه

**abd_el_7amid** · 11-11-2011 10:10 AM

اولا مبروك.. وربنا ييسر لك فى اطهر بقاع الارض
شوف يا سيدى
انت قاعد اد ايه هناك ؟؟ سنة و اجازة ولا اقل؟
على العموم ... اعمل توكيل عام للحاج و يفضل لو يشمل المعاملات البنكية
ممكن تاخد معاك عسا ابيض من مصر لو عايز... عشان هناك غالى.. ممكن الاكل عامة هيكون غالى شوية بس دا احتياجاتك اليومية .. فلازم هتشتريه من هناك
بالنسبة للموبايل مفيش اى مشاكل سافر و ارجع بيه عادى .. انا بارجع ب 2 او 3
بالنسبة للاب توب ... اسعار النت بوك بتبدا من 1000 ريال.. واللاب توب من 1800 تقريبا
وساعات برجع ب 2 لاب توب بس فى شنطة واحدة ومحدش بيشوف حاجة

بالنسبة للبس ... مكة برد بالليل فى الشتاء.... هات معاك لبس شتوى
لكن على العموم هتلاقى هناك لبس هندى و صينى اسعارهم عادية ومعقولة

بالنسبة لوزن شنطة السفر انا باسافر ب20 كيلو بس اعتقد ممكن اكتر خش على موقع مصر للطيران و شوف
ليك 10 كيلو على الطيارة مجانا

بالنسبة للخطوط سيبها شغالة لو كارت

واى استفسار اخر انا فى خدمتك
و السلام عليكم

**waelfarid** · 11-11-2011 10:22 AM

مرحبا بك ووفقك الله واعانك علي ماسوف تكتسبه من خبرات حياتية جديدة تماما عليك عموما حط في بالك كويس جدا ان معندهمش عزيز وانتبه لنفسك ولحاجتك كويس جدا وان من خرج من داره اتقل مقداره انا مش باخوفك بس بانبهك وربنا يوفقك

**MOUSTAFA_SAAD** · 11-11-2011 11:00 AM

المشاركة الأصلية كتبت بواسطة minicooper20

تروح و ترجع بالسلامه طبعا انتا حضرتك مسافر السعوديه انا لسه صديقى مسافر نفس الشركه هى الشركه جى ليها علاقه بالسوبر ماركت
على مالرجاله يرضو عليك انا عايزك تحدد التارجت بتاعك انتا مسافر ليه و هاتعمل ايه حط هدف قدام عينك رايح احوش فلوس و اخود خبره و صدقنى متنزلش الا زانتا معاك فلوس تعيشك فى مصر كويس لان مصر بقت صعبه اوى تروح و ترجع بالسلامه

الشركه شغلها فى المقاولات
هدفى طبعا ان ربنا يسهل واقدر اكون نفسى لان فى مصر هنا لو قعدت 100 سنه مفيش فايده
انا رايح هناك على مبلغ بسيط بس عندى امل ان لما خبرتى تزيد الامور هناك تتحسن مع الوقت لكن هنا محلك سر

المشاركة الأصلية كتبت بواسطة abd_el_7amid

اولا مبروك.. وربنا ييسر لك فى اطهر بقاع الارض
شوف يا سيدى
انت قاعد اد ايه هناك ؟؟ سنة و اجازة ولا اقل؟
على العموم ... اعمل توكيل عام للحاج و يفضل لو يشمل المعاملات البنكية
ممكن تاخد معاك عسا ابيض من مصر لو عايز... عشان هناك غالى.. ممكن الاكل عامة هيكون غالى شوية بس دا احتياجاتك اليومية .. فلازم هتشتريه من هناك
بالنسبة للموبايل مفيش اى مشاكل سافر و ارجع بيه عادى .. انا بارجع ب 2 او 3
بالنسبة للاب توب ... اسعار النت بوك بتبدا من 1000 ريال.. واللاب توب من 1800 تقريبا
وساعات برجع ب 2 لاب توب بس فى شنطة واحدة ومحدش بيشوف حاجة

بالنسبة للبس ... مكة برد بالليل فى الشتاء.... هات معاك لبس شتوى
لكن على العموم هتلاقى هناك لبس هندى و صينى اسعارهم عادية ومعقولة

بالنسبة لوزن شنطة السفر انا باسافر ب20 كيلو بس اعتقد ممكن اكتر خش على موقع مصر للطيران و شوف
ليك 10 كيلو على الطيارة مجانا

بالنسبة للخطوط سيبها شغالة لو كارت

واى استفسار اخر انا فى خدمتك
و السلام عليكم

الف شكر ليك
انا عملت توكيل عام فيه المعاملات البنكيه

وان شاء الله مدة العقد سنتين المفروض انزل بعدها
بس ححاول ان شاء الله انزل بعد سنه

المشاركة الأصلية كتبت بواسطة waelfarid

مرحبا بك ووفقك الله واعانك علي ماسوف تكتسبه من خبرات حياتية جديدة تماما عليك عموما حط في بالك كويس جدا ان معندهمش عزيز وانتبه لنفسك ولحاجتك كويس جدا وان من خرج من داره اتقل مقداره انا مش باخوفك بس بانبهك وربنا يوفقك

عارف الكلام ده كويس
ربنا يستر

**minicooper20** · 11-11-2011 11:18 AM

العقد بيتاعك كام سنه وهل فيه زياده سنويه و هل المبيت و الاكل عليكو لا عليهم

**walidzakzok** · 11-11-2011 11:56 AM

لو طلعت على مبلغ قليل انسى انك تزيد ...السعودية نظام الكفالة فيها بهدلة

**M.Moustafa** · 11-11-2011 01:07 PM

باشا لو مفهاش مشاكل يا ريت تقولنا انت طالع على مبلغ قد ايه وايه المميزات اللي هيدوهالك يعني هل مرتب اساسي بس وبعد كده بدل سكن وانتقال ولا هما هيوفرولك عربية وسكن.

كمان التامين الطبي اخباره ايه، واخيرا انا عايش في جدة هبعتلك تليفوني على الخاص كلمني لو عندك اي استفسار ممكن اساعدك وكمان لما تيجي كلمني عشان لو في حاجة نظبطهالك ان شاء الله.

**dramir1** · 11-11-2011 01:19 PM

ربنا يكرمك ويعملك اللي فيه الخير...ولا تنسى صلاة الاستخاره..

**pro_samir** · 11-11-2011 01:22 PM

ربنا ييسرلك الحال يا مصطفي

بس فعلا متروحش علي وضع مش مستاهل إلا لو شايف ان هيبقي في فرصه فعليه لتحسين وضعك مش مجرد عشم

مش عايز احكي تجارب علشان محبطكش بس لازم تراعي كده من البدايه علي الأقل علشان متضيعش وقت

الموضوع: مسافر السعوديه باذن الله ومحتاج نصائحكم

LinkBack

أدوات الموضوع

عرض

مسافر السعوديه باذن الله ومحتاج نصائحكم - انشر الموضوع فى :

-

-

-

-

-

-

-

المواضيع المتشابهه

افيدونى افادكم الله انا مقبل على شراء استرا كوزمو باذن الله ومحتاج استشارة

إن شاء الله مسافر مطروح ومحتاج نصايحكوا........

باذن الله سأستلم اللوجان غدا فما هى نصائحكم عند الأستلام

الكلمات الدلالية لهذا الموضوع

المفضلات

المفضلات

ضوابط المشاركة