الموضوع: للدرجة دى احنا بقينا وحشين كده...

المشاركة الأصلية كتبت بواسطة sab3aawy

يا عم الضرب فى الميتحرام، هو يعنى انتم متصورين ان احنا عايشين فى يوتوبيا، ماهو طبيعى طالما ان صالات القمار والمراقص والبارات مفتوحة ان فيه ناس بتشتغل فيها ، وطبيعى ان طالما لها زبون هتفتح، اليوتوبيا حلم فلسفى لم يتحقق منذ بداية التاريخ البشرى ولن يتحقق، كل مجتمع فيه الطيب والخبيث وإلا فإنه لن يكون مجتمع متوازن، اما كونهم فشلوا فى جدول الضرب فبرضه مسألة لها تفسير، لأن دول غالبا هم فشلة الجامعات، ونظرا لأنهم لم يفلحوا فى اى شئ آخر ذهبوا الى تلك الأماكن متصورين ان المؤهل الوحيد للعمل هو انهم يكونوا ناس منحلين، ولم يستوعبوا فكرة ان المنحلين على فقا مين يشيل لكن هذة الأماكن تطلب ناس منحلين وفى نفس الوقت متعلمين، على فكرة انا اكثر من مرة قابلت ناس تدير مثل هذة الأماكن ومش عايز اقول لكم على الأرقام الخرافية اللى هم بيتكلموا عليها باعتبارها (فكة) ، وبالتالى هم لا يقبلون إلا الأفضل تعليما ومظهراواداءا للعمل لديهم ،ناهيك طبعا عن انه لازم يكون مدى ضميره وخلفيته الدينية اجازة للعمل فى هذة الأماكن، لكن هذا وحده لا يكفى بدون مؤهلات تعلميمة وادائية

لو كان كل فاشل فى حياته يستطيع النجاح فى اعمال سقاية الخمور وألعاب القمار والقوادة لتحول نصف البشر على الكرة الأرضية الى قوادين، لكن حتى هذة المهن لها مؤهلاتها التى لا تتوافر لأى شخص

فعلا الضرب في الميت حرام بس ده كان من غيظتي
لكن مش كل اللي بقدموا على الوظائف المحترمة دي من الفشلة دا فيهم ناس من كليات القمة لكن ده عشان الانحلال الاخلاقي اللي الناس بقت عايشه فيه كل اللي الواحد فيهم بيفكر فيه هيقبض كام و هيسهر ببلاش و مش بعيد يتعرف على كام واحد أو حتى واحدة
دا لو الوظيفة دي مش محتاجة مؤهلات خالص كان اكرم لكل فاشل فيهم انه يقعد في بيته يعني كان ايه اللي ها يحصلوا ما طول عمره عايش على قفا غيره و كان العواطلية هايزيدوا واحد يعني لا كان هايموت من الجوع و لا الناس هاتعيره بالفشل
احنا صحيح مش عايشين في اليوتوبيا لكن احنا ما زلنا في مش هاقول بلد لكن على الاقل مجتمع مسلم و الاوضاع الغلط اللي حوالينا دي احنا اللي رسخناها و ثبتناها في بلدنا لان كل ده ماكنش ممكن يمشي غير عن طريق الناس اللي شغالين في المجالات القذرة دي
في بلد ريفية جنب طنطا لينا فيها قرايب و كنت بشوف فيها محل بيبع خمرة و قعدت العن في اللي سايبين الاوضاع دي و مرخصينها علني و مسغرب الكلام ده في الريف لكن كان غيظي اكبر من اللي باع نفسه و قاعد يبيع الخمور طول الليل"من ورا القفص الحديد" و حسيت ساعتها ان ذنبه زي ذنب غيره في الموضوع و ان طول ما في ناس كده يبقى هايفضل الفساد و الانحلال اللي احنا فيه قايم
مش عاوز اطول اكتر من كده لاني مبقوق و هانفجر

انا متفق معاك سبعاوى كلامك يدل على شخصيتك المحترمه جدااا و المثقفه كلامك كله جميل وانا راى الى يلاقى شغلانه قذره زى دى هو الى بيدور عليها مش رزق ربنا سبحانه وتعالى ارسله لان ربنا عمره ميعرفك طريق الشر وده راى شخصى بلاش حد يزعل