الموضوع: للدرجة دى احنا بقينا وحشين كده...

يا باشا انا اعرف جامعيين كتير مبيعرفوش يكتبوا صح
سواء عربي او انجليزي

شبه أميين يعني !

المشاركة الأصلية كتبت بواسطة sss

اكتر خبر فور دمي النهاردة بس عزائي ان دول اصلا عالم ...... ولا بلاش
اللي متخرج من الجامعة بعد ما طلع عين اهله في تربيته عشان يروح يشتغل في القمار و الكباريهات ميستحقش غير ان جدول الضرب يتراجع عليه يوميا من القريب و الغريب و اللي ماشي في الشارع كمان

يا عم الضرب فى الميتحرام، هو يعنى انتم متصورين ان احنا عايشين فى يوتوبيا، ماهو طبيعى طالما ان صالات القمار والمراقص والبارات مفتوحة ان فيه ناس بتشتغل فيها ، وطبيعى ان طالما لها زبون هتفتح، اليوتوبيا حلم فلسفى لم يتحقق منذ بداية التاريخ البشرى ولن يتحقق، كل مجتمع فيه الطيب والخبيث وإلا فإنه لن يكون مجتمع متوازن، اما كونهم فشلوا فى جدول الضرب فبرضه مسألة لها تفسير، لأن دول غالبا هم فشلة الجامعات، ونظرا لأنهم لم يفلحوا فى اى شئ آخر ذهبوا الى تلك الأماكن متصورين ان المؤهل الوحيد للعمل هو انهم يكونوا ناس منحلين، ولم يستوعبوا فكرة ان المنحلين على فقا مين يشيل لكن هذة الأماكن تطلب ناس منحلين وفى نفس الوقت متعلمين، على فكرة انا اكثر من مرة قابلت ناس تدير مثل هذة الأماكن ومش عايز اقول لكم على الأرقام الخرافية اللى هم بيتكلموا عليها باعتبارها (فكة) ، وبالتالى هم لا يقبلون إلا الأفضل تعليما ومظهراواداءا للعمل لديهم ،ناهيك طبعا عن انه لازم يكون مدى ضميره وخلفيته الدينية اجازة للعمل فى هذة الأماكن، لكن هذا وحده لا يكفى بدون مؤهلات تعلميمة وادائية

لو كان كل فاشل فى حياته يستطيع النجاح فى اعمال سقاية الخمور وألعاب القمار والقوادة لتحول نصف البشر على الكرة الأرضية الى قوادين، لكن حتى هذة المهن لها مؤهلاتها التى لا تتوافر لأى شخص

اخرتها صالات قمار

يعنى خريج الجامعه بقى بيحل محل البلطجى والبودى جارد عجبت لك يا زمن

الاهل يطفحوا الدم عشان يتخرح ابنهم محاسب وف الاخر ميلقيش شغلانه غير انه محاسب فى صاله قمار مثلا

عليه العوض ومنه العوض احسن انهم سقطوا فى جدول الضرب عشان محدش يشتغل

المشاركة الأصلية كتبت بواسطة wsamir

ياجماعة انا حاسس ان مصرواى بيفبرك اخبار

بص هو انا حاسس ان الخبر نصه متفبرك

يعنى الخبر لحد 260 جامعى سقطو فى امتحانات صاله القمار انا مصدقه جدا لأن فعلا الشغلانة مش سهلة كما يتصور البعض ومحتاجة واحد يلعب بالبيضة والحجر وعينية فى وسط راسه وفى نفس الوقت متعلم وبيعرف يتكلم كويس ويتعامل مع زبائن اثرياء، من الآخر محتاجة نصاب شيك

لكن حكاية جدول الضرب دى ممكن تكون واسعة شكوية

انا متفق معاك يا سبعاوي باشا
صحيح كتير ميعرفوش جدول الضرب
بس كل حاجه نسبة وتناسب
يعني مش للدرجة دي ...

عموما ربنا يجازيهم ويهديهم