الموضوع: فى رأيكم تتصلح بكام ( حدثة )

المشاركة الأصلية كتبت بواسطة karim_monir

http://www.facebook.com/groups/295578580457513/
هنا عينة منشغل الورشة عندي
مافيش حاجة مابترجعش تاني :-)

نورت الموضوع استاذ كريم وانا بثق فى كلامك وشجعتنى على الفكرة والله

انا شوفت الجروب بس المشكلة عندى دلوقتى انى بدور على العربية نصنين لان ده الحل اللى امامى وتكلفتهم كام ...

هل عند حضرتك معلومة نقدر نجبهم منين وتكلفتهم كام ؟

المشاركة الأصلية كتبت بواسطة toola

انا قعدت شخصيا مع أحد السمكرية البيقطع العربيات ديه بره و هو كان سمكرى من السويس و ربنا كرمو و سافر, فأكيد هتلاقى سمكرية فى مصر ليهم ناسهم بره بس أكيد هيأخد عمولتو, الأهم انك تعرف الصح ايه عشان يقطعلك العربية صح (التقطيع يكون منين بضبط عشان تكون أسهل فى اللحام), عموما أنا مجربتش بس عربيتى اتباعت حوادث عشان يتعمل فيها كده , اعرف ان عربيات كتير فى بلدنا خصوصا الألمانى بيبقى متلحم, لكن التصليح فى مثل حالة العربية المعروضة مظونش انو هيضبط القوايم ولا الشاسيه

انا بدور على حد يجبهالى وفى شخص فالمنتدى قالى هرد عليك ولسه مردش

المشاركة الأصلية كتبت بواسطة khalid_adel

بص انا اعتقد انها لو جايبه شاسيه واستعدال بلاش عشان عمرها مابتظبط غير انها غير امنه تماما (بلدك في مطبات وحفر بتفك الشاسيه السليم مابالك الملحوم) وكمان دي اكيد فتحت ايرباج ولو كده يبقى لازم تجيب ايرباج جديد بالكنترول بتاعه بالحزامين كاملين يعني حوار تاني كمان
مش عارف بس مش حاسسها الصراحه
لو كانت عربيتك كان يبقى ليها حل لكن دي لسه على البر يبقى ايه لازمتها وجع القلب مع العربيه والصنيعيه وكده
انت صحيح يا كريم باشا عندك بيستعدل شاسيه وكده وقولنا برده رايك لو محتاجه استعدال بترجع زي ماكانت بنسبه اد ايه وايه الخطوره او العيوب من عمل استعدال للشاسيه ؟؟

والله استاذ خالد انا لحد الان منفذتش لكن هى مجرد فكرة والميزانيه متاحة لكن انا متوقف لحين تحديد التكلفه الكليه كام وبناء علية هنفذ فورا .. ودرجة أعتماديتها هتكون قد اية .. ومنكرش انى شوفت عربيات فالحرفين معموله بطريقة احترافية عالية .


ولو حد عنده خلفية النصنين يتكلفة كام ياريت يعرفنى


وشكرا ياشباب