الغيار l في الفتيس متي يستخدم؟

**boomboomzoro** · 27-08-2012 09:52 AM

السلام عليكم و رحمه الله و بركاته
الحمد لله من فضل ربنا جبت الإكس في الفول أوبشن
وبما إنها أول تجربه مع السوبارو برجاء الأفاده من المتخصيين حول الآتي
متي يستخدم الوضع L في الفتيس
فائده الزر الخاص ب AWD ON/Off
العربيه عمليه بما تحمله الكلمه من معني إيجابي و سلبي "كل المهم موجود بإتقان و لا توجد بها أي مظاهر ترف" ...وده أعتقد أنه مش هيريح كتير من الناس اللي بتقارنها مع مثيلاتها
بالمناسبه أنا جربت القاشقاي و السبورتاج.

**akmm** · 27-08-2012 11:23 AM

متابع . ..... والف مبروك .

**eslamsubaru** · 27-08-2012 04:36 PM

أولا مبروك عليك العربية .. ربنا يحميهالك و يكفيك شرها.

زرار ال AWD on/off ده بيخلى العربية يا اما تبقى دفع رباعى مستمر وده طبعا على وضع on و الوضع التانى بتكون العربية فيه دفع أمامى فقط ...
نصيحة طول م أنت سايق جوه البلد فى الزحمة خلى العربية دفع أمامى فقط علشان استهلاك البنزين يقل معاك , لانك مش هتحس باى ميزة للدفع الرباعى فى الزحمة
خلى الدفع الرباعى فى السفر على الطرق السريعة علشان الثبات بتاع العربية و كمان خليه فى ال off road لو ليك فى السفارى و كده..

**medoghaly** · 27-08-2012 07:52 PM

الف مبروك علي العربية ما شاء الله عربية حلوة و زرار awd بتاع الدفع الرباعي علي ال on يشتغل

**salama7181** · 18-09-2012 04:00 AM

مليون مبروك على ال xv و ياريت تقولى رأيك فيها بعد ما تكون ركبتاه شوية عشان انا برضه عاشق ليها بس خايف منها عشان نازلة 1600 فى مصر بس مع انها برة 2000 سى سى.
ياريت تتكرم و تقولى ايه العيوب اللى فيها دة لو كان فيها عيب.
و ربنا يحافظلك عليها و يكفيك شرها

**vivalamoza** · 18-09-2012 01:32 PM

اخبار ال xv معاك اية حتى الان ؟

**lanos2004** · 18-09-2012 01:39 PM

استخدم l وانته طالع من جراج سيتى ستارز

**MohammedAladel** · 19-09-2012 07:51 PM

ألف مبروك على العربية الجميلة شفتها مرة واحدة عندنا فى المنيا

سبق وسألت قبل كدا عن الفرق بين awd وال فور باى فور والناس قالوا إن الأولانى اللى هو دفع رباعى مستمر ومينفعش تفصل الدفع رباعى تخليه أمامى بس كلام حضرتك أثبت العكس

طيب يا جماعة الإمبريزا برضه ينفع تفصل فيها الدفع الرباعى وتخليه أمامى

وعايز أعرف إيه فكرة فصل الدفع ووصله إيه الميكانيزم فى كدا هل مثلا شبيه بنظام الكمبرسور بتاع التكييف كدا فى طريقة توصيله عن طريق الكلاتش الكهربائى ؟؟

**khalid_adel** · 20-09-2012 01:59 AM

بص هو موضوع انك تفصل الدفع الرباعي ده جديد على سوبارو واكيد عملوه مخصوص للا اكس في عشان لما حطولها ماتور 1600 وهي المفروض اقل حاجه 2000 فعملو كده عشان الناس متشتكيش من انها بطه اوي في المشي في المدينه والله اعلم برضه ده اعتقاد مش اكيد
ال awd وفي سوبارو بالذات اول من عملت symmetrical all wheel drive
وده ان الدفع الرباعي متناسق يعني يسمح بتوزيع النسب لكل جانب (يمين وشمال او قدام وورا) وده عشان الثبات العالي في كل الظروف سواء على سرعه او عدم الغرز تماما
ال 4*4 دي بتبقي عربيه جيب خلفي اساسا ولما تشغل ال 4*4 بتبقي دفع كلي
وعامة ادوات الجر بتبقي كورونه خلفي وكبالن امامي واللي بيعمل التوزيع او المدبر لده كله هو الفتيس بواسطه كنترول العربيه