بص يا vwlover
-انت الاول تظبط اساسيات الكهربا فى العربية و كمان الكنترول بتاعها
-لو لقيت لسة الموضوع دة
يبقى تشوف بوابة الحقن و تشيك عليها و لو قدرت احسن الاول تفك و تنضف كويس اوى
-لو لسة مستمرة
هاتبقى محتاجة تتغير
رقم العضوية : 4773
تاريخ التسجيل : 23Jan2008
المشاركات : 31
النوع : ذكر
الاقامة : alex
السيارة: vw golf
السيارة[2]: vw polo
الحالة :
السلام عليكم يا جماعة,انا بتكلم عن مشكلة بتقابل كل مالكى البولو والابيزا ال 1000 سى سى وهى لما بتشغل التكييف وانت ماشى على الاول والتانى العربية بتنتش جامد وخصوصا لو انت واقف فى اشارة يبقى الوضع زى العسل,فى كون ان انا لما بركب الاوبل الاسترا اى هى 1200 سى سى وبشغل التكييف مبتعملش كدة مع ان حجم العربية اكبر من كفاءة الموتور فاية يا جماعة رايكم فى المشكلة دى وازاى نتغلب عليها ودة طبعا ما بيغيرش نظرتى للعربية البولو الى هى قنبلة فولكس بعد الجولف فى الشد والسحب والمناورة والتحمل,مستنى ردودكم,سلام
رقم العضوية : 4001
تاريخ التسجيل : 07Jan2008
المشاركات : 2,074
الحالة :
بص يا vwlover
-انت الاول تظبط اساسيات الكهربا فى العربية و كمان الكنترول بتاعها
-لو لقيت لسة الموضوع دة
يبقى تشوف بوابة الحقن و تشيك عليها و لو قدرت احسن الاول تفك و تنضف كويس اوى
-لو لسة مستمرة
هاتبقى محتاجة تتغير
رقم العضوية : 4773
تاريخ التسجيل : 23Jan2008
المشاركات : 31
النوع : ذكر
الاقامة : alex
السيارة: vw golf
السيارة[2]: vw polo
الحالة :
شكرا يا seat loverعلى ردك بس احب اقولك ان كهربة العربية مظبوطة والكنترول تمام,انت حسستنى ان الكلام دة بيحصل فى عربيتى بس مع ان كل عربية بولو او ابيزا بركبها وتكون 1000 سى سى مكيفة بيحصل فيها الكلام دة,والناس كلها الى معاها ال 1000 سى سى بتشتكى من الموضوع دة فالموضوع دة مش فى عربيتى بس دة فى كل البولو والابيزا ال 1000 سى سى,بس فى حاجة انا لما اعدى ال 60 كيلو واشغل التكييف كل الكلام دة بيختفى تماما,شكرا على ردك مرة تانى.
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
مفيش حل
اما كنت لما اجي اطلع , اطفي الكومبريسور لحد ما اجمع سرعتي و اشغله تاني
و كانت خطيبتي (اللي هي مراتي المبجلة حاليا) تتريق عليها و تقول ايه الكاسيت اللي احنا راكبينه ده
دلوقتي معانا لانسر 2002 كاملة اوتوماتيك وهي هي مراتي لاقيتها مرة من نفسها كده بتقوللي (تصدق ....البولو حاساها احسن من العربية دي )
فرحت قوييييييييييييييييييييييي يي :)
رقم العضوية : 4001
تاريخ التسجيل : 07Jan2008
المشاركات : 2,074
الحالة :
يعنى انا مش فاهم انت يهمك نوصل لحل لمشكلتك ولا يهمك اكتر تعميم مشكلتك
هل العربية دى (البولو 99) معاك من الزيرو ؟
هل تعرف تاريخ الشغل فيها ؟
نوع الكنترول يونت اية ..واتركب امتى ؟
نوع وحدة الحقن المتركبة عندك اية .. واخر مرة للكشف عليها امتى ؟
ال rpm حالاتة اية ..سلانسية و غيارات + تكييف ؟
ظبط كمبيوتر للعربية اخر مرة امتى ؟ وفين ؟
اخبار فلتر البنزين و البوجيهات اية ؟
اخبار كل مكونات التكييف اية من اول الفلتر للسربنتينة للكمبروسور اية ؟
واخيرا بتحط بنزين كام ؟
رقم العضوية : 4773
تاريخ التسجيل : 23Jan2008
المشاركات : 31
النوع : ذكر
الاقامة : alex
السيارة: vw golf
السيارة[2]: vw polo
الحالة :
يا استاذ seat lover شكرا على ردك بس احب اوضحك حاجة صغيرة انا مش بكلمك عشان توصلى لحل مشكلة العربية عفوا يعنى ولا انا بعمم المشكلة فعلا لان هى اصلا عامة مش فى عربيتى بس واظن ان انت سيتاوى وعارف الكلام دة,اولا انا ركبت عربيات كتير كتير بولو 1000 سى سى فى مصر ونفش المشكلة هى هى ,وركبت برة كتير بردة من اول ال 1000 سى سى الى 2600 سى سى special order فى فيينا,يعنى انا مش اول مرة اركب بولو,وكلمت واحد مهندش صاحبى فى توكيل فولكس فى اسكندرية على الطريق الصحراوى قالى ان دة عادى لان الموتور 1000 سى سى والمشكلة دية بتبدا تخف فى المواتير الى فوق 1600 سى سى,اما بخصوص عربيتى ,عربيتى استيراد ولسة معمول عليها تشيك كامل وكل حاجة تمام الحمد للة,وبخصوص البنزين انا بحط دلوقتى 92 عشان الغلو,بس انا مابقللش من معلوماتك ولا من خبرتك انا بتعجبنى مواضيعك جدا جدا جدا وبستفيد منها,كفاية ان انت سيتاوى وانا بولوهاتى يعنى ولاد عم,وفى تقدم دائما يا سيتاوى,على فكرة انا شفت سيات ابيزا برة موديل 94 فيها موتور 2400 سى سى مع ولد نمساوى,شكرا على ردك ومستنى المزيد
رقم العضوية : 44
تاريخ التسجيل : 18Apr2007
المشاركات : 503
النوع : ذكر
الاقامة : الرحاب- القاهرة
السيارة: Suzuki Jimny 2009, PT Cruiser 2005
السيارة[2]: Pajero NM 2001
الحالة :
I had the same problem when i was using 90 Octan, but as the price of the 92 reached the 90 I'm using 92 and the problem is far lighter now.
But there is no complete disapearance of it with a 1000cc engine.
di 1000cc we 86Nm ya vwlover. Kattar kherha
:) حازم حـزه :)
المفضلات