استهلاك البولو 1000 سى سى فى الصفيحة

**original** · 14-07-2008 08:19 PM

320 كيلو فى الصفيحة تبأا مشكلة إيه؟؟؟؟
ضبط الكهربا وللا الكمبيوتر؟

**MEDO80** · 14-07-2008 08:38 PM

امال هيا اصلا بتعمل كام في الصفيحة ال 20 لتر؟

**ramyfawzy** · 14-07-2008 08:52 PM

لامؤاخذة...............
هيا فين المشكلة ؟؟؟
320 كيلو في الصفيحة
يعني 320/20 = 16 =====> يعني اللتر الواحد يمشيك 16 كيلومتر
ما شاء الله طبعا
تبيع العربية ديه يا مان؟؟؟؟

رامي (ابو احمد)

**mohamed ibiza** · 15-07-2008 02:37 AM

يا جماعة افهموا الراجل الاول بس العربية اصلا بتعمل اكتر من 400 كيلو في الصفيحة الابيزا بتعمل 450 كيلو في الصفيحة يبقي البولو زيها اكيد عندك مشكلة

**original** · 15-07-2008 07:54 AM

على كلام الكتالوج مع معاذ تعمل 408 كم فى الصفيحة
http://www.nilemotors.net/Nile/showthread.php?t=9876

**original** · 15-07-2008 08:01 AM

أنا فولتها وسافرت 480 كم رايح جاى حطيت فى الأخر 30 لتر يبقى 20لتر يعملو 320 كيلو ودى مش أول مرة أحسبهالها!! دايما تدينى نفس النتايج
لو حسبنا 30 لتر يعملو كام لو بتعمل 408 فى الصفيحة هتدينا 612 كيلو!!
إن شاء الله هروح النهارده للميكانيكى وأشوف المشكلة فين..
مع العلم إنى مش بحط غير بنزين 92
بوجيهات بوش ألمانى 3 شمعة
الموتور هادى وكويس جدا
زيت موبيل 1

**original** · 16-07-2008 02:00 PM

رحت للميكانيكى كشف عليها بالكمبيوتر وشاف إن فى مشاكل بسيطة متسجلة على كمبيوتر العربية بس مالهاش علاقة بالإستهلاك ومسحها وبعد كده نضف بوابة الكربيراتير الإلكترونى بمادة النضافة الأمريكانى رحت جبتهاله بس قرص على الموتور جامد أوى وهوا بينضف لدرجة إن الموتور بعد كده بأا يعمل حركة غريبة كأنه زعلان بيعلا ويوطى باستمرار لوحده كأنه بيعيط وبعد كده دخل على الكمبيوتر تانى بس بسبب مادة النضافةحصلت مشكلة فى البوابة الإلكترونى إن الموتور بأا عالى والبوابة مش بترجع للسلانسيه أقل من 10 rpm بسرعه وساعات بتفضل عند 20وحاولت أقنعه إن المادة دى أكيد نشفت مفصلات البوابة مقتنعش وأللى لازم أغير البوابة!! يعنى الكربيراتير الإلكترونى!! إتصدمت وقلت يارتها فضلت تاكل بنزين زى ما أنا معتقد!! قلتله هشوفه جديد وأبأا أجيلك تانى!! روحت وأنا متعكنن وقولت ياريتنى مارحت أصلا.. بس برده أنا كنت متأكد إن المادة نشفت المفصلات بتاعت البوابة قمت فكيت العمة وحطيت نقط زيت على مفصلات البوابة وبعد كده دورتها العربية إرتاحت جدا ورجعت هاديه زى ماكانت ولزيادة التأكيد فكيت كابل البطارية بالليل ووصلته الصبح عشان الكمبيوتر يمسح الأخطاء اللى عليه!! والحمد لله