انا بفكر جديا فى الانتحااااااااااااااااااا اااااااار

**amrezzat82** · 30-11-2011 09:57 PM

يا هارد كل الناس بتمر بظروف زي كدة بالظبط و فى نا س أسوأ
ده حتى فى عهد الصحابة - أنت مش فاكر حديث الرسول " قال رسول الله - صلى الله عليه وسلم - : « لا يتمنين أحدكم الموت لضر أصابه، فإن كان لا بد فاعلا فليقل: اللهم أحيني ما كانت الحياة خيرا لي، وتوفني إذا كانت الوفاة خيرا لي » متفق عليه ."
و بصراحة أنت بتفكر كتير فيى المشاكل ديه المفروض تفكر شوية أزاي تطلع منها
يعنى أولا لازم تروح لجامع كبير زي السيدة زينب أو الحسين أو الرفاعي فى وقت ما فيهوش زحمة يعنى و أجتهد فى الدعاء لربنا لو مخنوق من البيت يعنى و مش عايز تعمل كده
تعلي صوت مقرىء كويس و تستمع قرآن لمدة دقائق و بفهم و تأمل حتحس براحة نفسية
أو ما يجيلك فكر سلبي بمنتهى البساطة بصوت مسموع لك أستعذ بالله من الشيطان

ممكن تاخد مضادت الإكتئاب من أغذية طبيعية زي الشيكولاتة أو حتى الأدوية
أسمع شوية لإبراهيم الفقي أو أحمد عمارة على اليوتيوب و أنت أكيد حتتغير شوية
ممكن تروح لطبيب نفسي
ممكن تروح المقابر لوحدك الصبح و فقط أنظر حولك و تأمل
بالنسبة للشغل مشاكله لا تنتهي و أجتهد أكتر و أنت حتلاقي شغل يعنى ممكن تحسن اللغة بجد و ممكن تحسن من طريقة لبسك لتناسب الشغل أكتر - تاخد دورات - تقرأ
بالنسبة للخطوبة - عادي جدا يا ما بيحصل- و تاخد فترة و بعدين حتحب عادي و تتحب و أكتر من الأول كمان

**abo_anas** · 30-11-2011 10:12 PM

شوف انا هنصحك نصيحه روح انتحر
ايوه الدنيا كلها مشاكل معاك وملخبطه والانتحار ده شكه دبوس مش هتحس بحاجه الا وقتها بس ، وبعدين هتخلص من وجع القلب اللى انت فيه ده، ومشاكلك هتنتهى مع الانتحار،،،

بس هتموت كافر ياحلو وهتفضل تتعذب بالطريقه اللى انتحرت بيها ليوم الدين،
اظن ساعتها هتقول دا عذاب الدنيا كان رفاهيه بالنسبه لعذاب الاخره
فووووووووووووووووووق كده وركز واستعيذ بالله من الشيطان
وانصحك لو تعرف تطلع عمره لبيت الله الحرام هناك هتحب الدنيا قوى وكمان هتحب الاخره قوى

**medo_msmsa** · 30-11-2011 10:15 PM

أعتقد ان مشكلتك انك معندكش ايمان ان ربنا كاتب ليك بكرة أحسن
انت بقالك سنة واحدة بس بتدور على شغل وكل السنة دي اساسا مش طبيعية وثرة وقلق وانت معندكش خبرة في ناس خبرة 10 سنين واتسرحوا من شغلهم.
بالنسبة لخطيبتك مش عارف اقولك ايه انت ادرى بالتفاصيل بس في مبدأ مهم ان لو في حد بيحب بجد المفروض ان مجرد تغيير في الحالة المزاجية او حبة عصبية او حتى انتظار لسنة من غير شغل ينهي العلاقة واضح انها اساسا مكانتش قوية.
عايز تقيم حالك بالنسبة لباقي خلق الله أبسط حاجة روح مستشفى جراحة ولا سرطان وشوف معاناة الناس عشان تعرف نعمة ربنا عليك
اخر حاجة ادعو الله أن يلهمك الصبر ويهب لك من أمرك رشداً ويرزق عملاً صالحاً ويخرج من هذه الدنيا مخرج صدق اللهم آمين

**Esam Mosaad** · 30-11-2011 10:55 PM

اولا انا بشكر كل الى فكر انوا يرد عليه والى حتى دخل قرى الموضوع وخرج يمكن الموضوع مش هيبقى مقتصر عليه ممكن يبقى هناك 3 او 4 كمان يا مسهل

**Esam Mosaad** · 30-11-2011 11:20 PM

وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى

والله يا مستر سامح كتر خيرك بس الواحد فاض بيه واتخنق

كل الناس كده
دي مرحله سنيه بيعدي فيها كل الرجاله
تبدا من سن 16 سنه
وبتنتهي عند سن 60 سنه
الا في حاله واحده
لو حظك حلو وموت موته طبيعيه قبل ما توصل لل 60
ادعي
:)

كلام حضرتك بياكدلى فعلا وجهه نظرى ان الانتحار حاليا افضل من الانتحار بسن متقدم
بدل موصل بسن 30 وافكر انتحر ليه احنا فيها دلوقتى

ان بعد العسر يسر

وعندما يشتد الظلام ظلمة يطلع الفجر بنوره

انا مقدر حالتك النفسية

انت فى نعم الله بس انت مش حاسس بيها

انت متعرفش الخير فين

اكيد لما خطيبتك سابتك خير ليك بس انت مش عارف وفاكر انه شر

تذكر ان ربنا انعم عليك بالصحة والعيلة والعربية وحاجات كتير

بس الشيطان بيحاول يسود الدنيا فى عينيك

نصيحتى ليك حاول تتقرب من ربنا اكتر بانك تسمع دروس ترقق بيها قلبك

لان قلبك عليل ولازم تداويه او قاسي وعاوز يلين

ونعم بالله يا استاذ محمد
بس للاسف ان مفيش حاجه حلوه بتسمر معايا ومفيش وقت انى اعرف اضحك
انا مكنتش طالب اكتر من انى الاقى شغلانه بمرتب كويس
مطلتش عربيه ولا فيلا ولا منصب فى حزب
انا نفسى كنت بصبر الناس ومعرفش اصبر نفسى واقعد اقول الحمد لله ومعلش بس انا ليه راى تانى

ممكن انا الى اكون شر على كل الحجات ديه سواء خطبتى او شغلى عشان كدا ربنا بيبعدهم عنى !!

مش عارف اقولك ايه ربنا يصلح احوالنا جميعا

يارب بس جت متاخره شويه

انا مش هقولك رأيي في موضوعك علشان لو حكيتلك علي نفسي و اللي انا فيه ممكن متكملش و تنفذ فكرتك و ابقي انا السبب فيها :)
ربنا معاك

انا منتظر رايك على فكره بفارغ الصبر عشان ده هيدينى دفعه تشجيعيه لحسن ادعى عليك :d

لو كل الناس كانت بتفكر بالمنطق بتاعك ده
كان عدد سكان الارض لا يتجاوز عدد الاصابع

مش عارف صراحة اقولك ايه
انا مصدوم من كلامك ده جدا

وفي نفس الوقت حاسس بيك بس للاسف مش عارف اخفف عنك

انا متشكر لحضرتك انا حبيت احكى باختصار لانى لقيت لو حكيت القصه كلها ممكن تدخل فى مشاركتين ويبقى كلام كتير هيدايق اكتر
بصراحه الواحد مش عارف يعمل ايه

ممكن تشرب سيانيد
ممكن ترمي نفسك من سطح بيتكم
نام على شريط قطر
عدي الحدود واستنى دورية اسرائيلية
مممن حجات كتيرة قوي

بس تفتمر مشاكلك حتخلص كده وحترتاح ؟
انا شايف ان مصايبك حتبقى اكبر بكتير ، وحتقول ده اللي انا كنت فيه في الدنيا ده كان دلع

حضرتك فرحتنى فى الاول لان هوا ده الكلام الى كنت منتظره بس فى الاخر قلقتنى
بس عاوزك تدينى سبب واحد يخلينى افصل مستمر فى وجع القلب ده

سلام عليكم
انا عايز اوجه نظرك لكام نقطة و اقول لك اللي في ضميري , ممكن تلاقي فيهم كلام جاف و بارد و جامد , و ممكن تلاقيه كلام ما يدخلش في ذمتك بمليم , بس عموما اسمعني , و عقلك هو الحكم

اولا انا بشكر حضرتك على وقت وردك الجميل وممحولتك انك تساعدنى وترشدنى لاهداف مستحبه

* الرغبة في الانتحار, و استرجاع كل حاجة بتكرهها في حياتك و عدم الاكتراث او الاهتمام بأي حاجة و اهمال كل حاجة دي اعراض اكتئابية بتيجي للواحد نتيجة حاجات كتير منها الصدمات العاطفية و منها الوحدة و منها الاحساس بالعجز , و هي حاجات انا شايفها عندك .... و الواقع ان الاحاسيس دي بتدفع الانسان للتفكير في الانتحار في حين ان وضعه بيبقى لا يستحق ابدا حاجة زي دي (ده طبعا بغض النظر خالص عن الوازع الديني) , و هاقول لك على قاعدة في علم النفس بتقول ان الاكتئاب يسلب الايمان

فعلا كلام حضرتك مظبوط ده اكتئاب والمشكله الاكبر انى عارف ان ده اكتئاب وكونى عارف انوا كتئاب بيصعب عليه الامر اكتر لانى بحس بيإس

انا نفسي مريت بالأعراض دي في يوم من الايام زمااااااااااااااان بعد صدمة مزدوجة (عاطفيا و دراسيا) في فترة كان اهلي فيها في ضائقة مالية خانقة , و فعلا كنت بافكر بنفس الطريقة اللي بتتكلم بيها ايامها , و الحمد لله ايامها انقذني الوازع الديني و الايمان بالقدر خيره و شره , و فيييييييييين بعدها بفترة اكتشفت ان اللي انا كنت فيه ده كان اكتئاب :) , و سبحان الله , اقدر اقول دلوقت ان ربنا الحمد لله عوضني عاطفيا و عمليا بعدها و بالتدريج , مش بسهولة ولا على طول , لكنه حصل , و حاليا رغم اني مش باسخر من نفسي ايامها , الا اني برده لما بافتكر الايام دي مش بازعل :)

والله انا ديما بقول ان الى بيحصل ده خير مش شر بس ارجع واقول هل كل حاجه حوليه شر عشان كدا ربنا بيبعدها ممكن اكون انا الشر ليها
انا بتمنى فعلا انها تبقى فتره ويكون الى جى افضل
بس للاسف الحاله النفسيه الى انا فيها مش مخليانى اعرف اخد اى قرار او فعلا صح

و ورينا نفسك و اثبت لنا انك احسن من كده يا بطل , مش بتقول انك تستحق احسن ؟ اثبت :)

للاسف محدش بيدى فرصه انى اثبت شىء
انا والله الحمد عندى افكار كتير حلوه وتجارب عملتها بنفسى ونجحت بس مش هيا الشىء الى انا عاوزه فطبيعى مش هتسمر فيها
اكيد لاما اشوف واحد اشتغل فى شركه بترول لمجرد واسطه وانى لو فكرت اشتغل فى شركه بترول ابقى مخالف لشرع الله وحرام لان مينفعش واحد ملهوش واسطه او قريب فى شركه اشتغل فى شركه بترول
بلاها شركات البترول للاسف معيش واسطه تخلينى اشتغل فى بنك ول احتى حد يشوفلى اى شركه سيلز او مندوب لازم انا بنفسى وده مش عيب ولا حرام ولا غلط بالعكس ده الصح
بس حتى الشركات ليها عامل كبير انها تجبلى اكتئاب لما تنزل شركه وتلاقى الاتش ار يقولك هنبقى نكلمك مره واتنين وعشره واكون انا صح وبرضوا مفيش نصيب
طب لحد امتى مش هيبقى فى نصيب لحد امتى ربنا مش كاتبلى حاجه واحده حلوه
انا مش عندى بس اكتئاب انا عندى احباط وياس وعدم ثقه فى النفس

بالبلدي اكتر , انت عندك دنيا و اخرة , حتى لو الدنيا باظت منك (و ده مش حقيقي ان شاء الله و عن تجربة ) , فما تبوظش الاخرة كمان على نفسك ... خليك ناصح يعني :)

زمان كنت مؤمن بنظريه اتغيرت دلوقتى وهيا
ان الى ربنا بيجازيه فى الدنيا يبقى اكيد ربنا بيحبه

وانا بشكر حضرتك على النصايح بس ان احولت كتير فعلا اعمل كدا وفشلت وحولت وفشلت وحولت وفشلت

**Amr Axel** · 30-11-2011 11:21 PM

قول الحمد الله ع اي حال
اللي يشوف بلوة غيره تهون عليه بلوته
عارف انت فكرتني بقصة بسيطة سمعتها قبل كده

كان فيه راجل حالته كرب بمعني كرب في كل حاجة معهوش فلوس مش لاقي شغل مش هقولك مش عارف يتجوز مش عارف حتي يخطب المهم الراجل ده من كتر فقره مش بياكل غير الفول النابت و مرة واحدة في اليوم كمان كل يوم يقعد في البلكونة ياكل و يرمي القشر في الشارع تحت باب البيت
المهم اخر ما زهق من همه قال انا هروح انتحر و و هو نازل و ع باب البيت لقي منظر غريب جداااااا
لاقي راجل هدومه مقطعة بيلم قشر الفول النابت اللي صاحبنا بيرميه و ينضفه من التراب وبياكله و بيقول الحمد الله يا رب اني لقيت قشر الفول اكله
صاحبنا عرف انه غلطان و عرف انه في نعمه انه لاقي حتي ياكل و حمد ربنا ع نعمته و رجع تاني و و لم ييأس و فضل يكافح و اشتغل و اتجوز و بقي غني :)

شوفت بقي كرم ربنا ؟؟ يا راجل ده ربنا بيرزق النملة المهم اننا نقول الحمد الله ع اي شئ محدش عارف الخير فين و ربنا مخبي لكل واحد خير بس كل حاجة ليها ميعاد معين بتيجي فيه المهم اننا منستعجلش و نخلي عندنا امل في ربنا سبحانه و تعالي

موضوع الخطوبة ميهمكش منه ليا واحد صاحبي خطب 7 مرات و فسخ و مييأسش :)
ده نصيب كل واحد في الدنيا ديه بيفضل يدور ع نصه التاني لحد ما يلاقيه لكن امتي ربنا وحده هو اللي عارف امتي و ازاي :)

اهم حاجة انك لا تيأس و تطور من نفسك لنفسك

بكرة لما ربنا يفكها عليك هتضحك ع الايام ديه

و بالتوفيق ان شاء الله

المهم بقي انا عايز اخد لفة بالهوندا الــ400 ههههههه

**SheNo0o** · 30-11-2011 11:35 PM

مجرد انك تفكر كده يبقا انت ايمانك ضعيف التفكير نفسه ف الانتحار صعب الواحد يوصله مهما وصل بيه الحال
انا اعتبر ظروفي قريبه منك تمام ف حاجات كتييير جدا ومفيش شغل وحاجات كتير قريبه وبرغم ده كله عمري في حياتي مهما ضلمت ما فكرت ف الانتحار ومهما ضلمت عن كده عمري في حياتي ما اطرح الفكرة ولو بقليل
وعلي فكرة انا شفت ف حياتي اوقات اسود من دي كمان لما كنت عامل حادثه وكنت بتمني اني اكون متت لاني وقتها اتقالي اني مش همشي تاني وحوارات كتييييير

اتقي ربنا في كل النعم الي ربنا رزقك بيها واتقربله وصلي وده الكلام العادي الي الكل ممكن يقولهولك انت مش محتاج دكتور نفساني انت محتاج تشد حيلك وتقوي وتفتكر انك رااااااجل ذكر في البطاقه
ومفيش دنيا بتقف علي حد علي فكرة
الي ميحطكش عقد الماس او الماز ف رقبته تخنقه :] متلبسوش انت مداس والانسانه الي تتخلي عنك ف ظروف زي الي انت فيها دي يبقا تكسر وراها ميت قله وانت لسه كنت ع البر وبتسيبك وتتخلا عنك لو كنت اتجوزتها كانت عملت فيك ايه
اتق الله واتقرب منه وادعيله والجاله وصلي صلي كتير وناجي ربنا بالي ف قلبك اكيد والله هيخرجك من الي انت فيه
ملحوظه انا مش مواظب ع الصلاه متقطع بس عن تجربه والله ربنا بيتقبل دعاءك حتي لو مش بتصلي متواصل بيتقبل الي طالع من قلبك عيط ما بين ايدين ربنا واترجاه وتعبت ومش عايز اكملك اهم حاجه يامعلم انسي الفكرة احسنلك واسترجل واشرب بيريل وعيش حياتك زي ما تكون وحاول واعمل الي عليك ف انك تغير منها للاحسن وربنا معاك يارب ويكرمك ويصلحلك الحال ويهديك ويرزقك السكون والهدايه ومتفكرش ف الي بتفكر فيه ده

-

-

الموضوع: انا بفكر جديا فى الانتحااااااااااااااااااا اااااااار

LinkBack

أدوات الموضوع

عرض

-

-

-

-

المواضيع المتشابهه

بفكر جديا ً اجيب محبوبتي الجديدة :))))

بفكر جديا اني ابيع

بفكر جديا في تركيب تكييف للباليووو

بفكر اجيب نوبيرا جديا

بفكر جديا اشتري ياريس

الكلمات الدلالية لهذا الموضوع

المفضلات

المفضلات

ضوابط المشاركة