الموضوع: انا بفكر جديا فى الانتحااااااااااااااااااا اااااااار

السلام عليكم
اتمنى ان الجميع بخير ان شاء الله

انا تردد كتير قبل مكتب موضوع هنا لاسباب شخصيه ليه بجانب انى مكنتش عاوز ادوش اى حد معايا

انا بفكر جديا فى الانتحار

خطبتى رمتلى الدبله بعد 3 سنين حب وغرام وخطوبه سنه ومبقتش فاهم مين الصح بسبب مشاكل وعدم شغلى ونفسيتى الى بتنعكس على العلاقه مبينا واسلوبى وعصبيتى وغيره( ده كلامها )

مفيش شغل يعنى عاطل وحتى الواسطه مش نافعه لمده سنه تقريبا شكيت ان حد عملى عمل اه والله غيرت بدلتى غيرت السى فى غير تسريحه شعرى غيرت اسلوبى اتنازلت كتير مبقتش اروح بعربيه بقيت انزل الف على رجلى ........ الخ

مفيش اصحاب كل واحد بيقول يلا نفسى

مفيش فلوس

يعتبر عايش لوحدى

معدتش بهتم بصحتى ولا بنفسى بقيت قليل الكلام او معدوم

نفسيتى مدمره بسبب كل حاجه بتحصلى ومش مصدق ان ده فعلا بيحصل
بجانب حال البلد والى ببقينا فيه

مفتكرش ان فى فسوه واحده ممكن تخلينى ابتسم او احس ان فى امل

امال لو كنت بشرب مخدرات ولا كنت قليل الادب ولا بغضب ربنا كان هيحصل ايه
محدش يقولى هتموت كافر
محدش يقولى ده نصيبك وده حال ناس كتير مش انت لوحدك
ومحدش يقولى بص لنص الكبايه المليان والجانب المشرق للحياه

اقترحوا عليه موته حلوه
فكرت كتير انزل الميدان معايا يفطتين فيهم المخلص المفيد هوا اه مش هكون شهيد بس مش مشكله اهو على الاقل الواحد بيموت وهوا بيعمل حاجه مفيده واهو برضوا اشتهر
بس اراهن والله بمجرد نزولى الاعتصام هينتهى مش بعيد مجرد معمل اعتماد للموضوع المنتدى يقع
محدش يقولى قوم صلى ركعتين وادعى ربنا لانى حولت كتير اوى ومش حاسس بامل ومحدش يزعل منى بالسطر ده بالذات
انا بتكلم جد والله لو فى اسلوبى شويه تهريج فده من خنقتى

سلام عليكم
انا عايز اوجه نظرك لكام نقطة و اقول لك اللي في ضميري , ممكن تلاقي فيهم كلام جاف و بارد و جامد , و ممكن تلاقيه كلام ما يدخلش في ذمتك بمليم , بس عموما اسمعني , و عقلك هو الحكم

* الرغبة في الانتحار, و استرجاع كل حاجة بتكرهها في حياتك و عدم الاكتراث او الاهتمام بأي حاجة و اهمال كل حاجة دي اعراض اكتئابية بتيجي للواحد نتيجة حاجات كتير منها الصدمات العاطفية و منها الوحدة و منها الاحساس بالعجز , و هي حاجات انا شايفها عندك .... و الواقع ان الاحاسيس دي بتدفع الانسان للتفكير في الانتحار في حين ان وضعه بيبقى لا يستحق ابدا حاجة زي دي (ده طبعا بغض النظر خالص عن الوازع الديني) , و هاقول لك على قاعدة في علم النفس بتقول ان الاكتئاب يسلب الايمان

انا نفسي مريت بالأعراض دي في يوم من الايام زمااااااااااااااان بعد صدمة مزدوجة (عاطفيا و دراسيا) في فترة كان اهلي فيها في ضائقة مالية خانقة , و فعلا كنت بافكر بنفس الطريقة اللي بتتكلم بيها ايامها , و الحمد لله ايامها انقذني الوازع الديني و الايمان بالقدر خيره و شره , و فيييييييييين بعدها بفترة اكتشفت ان اللي انا كنت فيه ده كان اكتئاب :) , و سبحان الله , اقدر اقول دلوقت ان ربنا الحمد لله عوضني عاطفيا و عمليا بعدها و بالتدريج , مش بسهولة ولا على طول , لكنه حصل , و حاليا رغم اني مش باسخر من نفسي ايامها , الا اني برده لما بافتكر الايام دي مش بازعل :)

* حاليا انت شايف ان وضعك سيء , و شايف نفسك كإنسان تستحق ما هو افضل و انك مغبون و مظلوم في كل المجالات , مش كده ؟ انا هاتفق معاك من غير ما اعرفك , لكن عايزك تفكر ان كان فيه انسان بتمشي حياته في خط مستقيم طالع لفوق باستمرار , ولا كلنا حياتنا فيها منحنيات طالعة و نازلة , و القصص اللي من النوعية دي كتير جدا !

هاقول لك روشتة صغيرة اتمنى انها تفيدك:
1- اعرف ان اللي انت حاسس بيه ده اكتئاب و لاحظ اعراضه في نفسك , و اعرف انك طبيب نفسك و مافيش مخلوق غيرك هايقدر يصلح حالك

2- انت شايف ان وضعك هو وضع اقل بكتير من اللي تستحقه , بيني و بينك , انت عليك انك تثبت كده , بس بدل ما تحارب في كل الجبهات مرة واحدة و طبعا هاتتهزم فيهم كلهم لأنك مش سوبرمان :) , حيد كل الجبهات و ركز بشدة في واحدة بس (و يفضل انها تكون الجبهة العملية لأنها هاتعينك على باقي الجبهات) , و ورينا نفسك و اثبت لنا انك احسن من كده يا بطل , مش بتقول انك تستحق احسن ؟ اثبت :)

3- بلاش تقعد لوحدك و تفكر و حاول على قد ما تقدر انك تبعد اصلا عن القعدة لوحدك لأن ده بيدعم الاكتئاب , و لو بتسمع اغاني ابعد تمااااااااااااااااما عن اغاني النكد لأنها بتزوده برده

4- حاول تختلط بالناس في اي تجمع سواء خيري او عملي او اي تجمع من اي نوع (المهم ما يكونش على الشر) , و لو حتى منتدى على الانترنت زي هنا , شاركهم افكارك و احلامك و ثقافاتك و مهاراتك و اتعرف عليهم و اعرف عنهم و اتعلم منهم , هاتفرق معاك كتير

5- اعرف ان ثباتك في موقف زي ده هايفيدك , ازاي ؟ رقم واحد انك في المستقبل ان شاء الله هاتلاقي ثباتك الانفعالي و احتمالك في مواجهة مواقف مشابهة اعلى بكتير , لأنك طبعا مريت بضغط نفسي اعلى و عديت , صدقني دي بجد عن تجربة , و رقم اتنين ان ربنا بيبتليك و عليك التزام الصبر , في الحالة دي انت بتؤجر على كل لحظة صبرت فيها , يعني تقريبا على كل حياتك , و اعرف ان كل امر المؤمن خير ان اصابته سراء شكر و ان اصابته ضراء صبر زي ما ورد في الحديث الشريف , فانت كسبان رغم حزنك و ضيقك ده :)

6- بصورة تجريدية صرفة , هل تظن انك بالانتحار هاتستريح ؟ اللي مش مؤمن ان فيه ثواب و عقاب و جنة و نار بيقول لما انتحر هارتاح , انت بقى لما تنتحر هاتروح فين ؟ :) لا يا باشا كتب عليكم القتال :)
بالبلدي اكتر , انت عندك دنيا و اخرة , حتى لو الدنيا باظت منك (و ده مش حقيقي ان شاء الله و عن تجربة ) , فما تبوظش الاخرة كمان على نفسك ... خليك ناصح يعني :)

ربنا يوفقك :)