الموضوع: الى خبراء e46 الرجاء المساعدة بالتعديل

المشاركة الأصلية كتبت بواسطة rami2050

تسلم على الرد اخي والمعلومات الجيدة جدا
كلامك 100% بالنسبة لأنو مفيش 335 في ال 46 ولكن هو موجود في ال 90 و ال 92 بس يركب عليها

انا مش عايز ال ام 3 لأسباب قطع الغيار والتمن المرتفع بس ال 330 و 335 لو احتجت اعملو عمرة هلاقي قطع كتير ليه لأنو نفس ال 28 من جوه تقريبا والعفشة نفس عفشة ال 28
وس

نسيت اقول لحضرتك أن تسارع ال N54B30 من 0 - 100 كم/ثانيه فى غضون 5.6 ثانيه :)

و أيضا نسيت اقول لك إن بحلول عام 2010 لخطوط انتاج أمريكا و كندا لل 335 الكوبيه - و مع فئات ال 335 موديلات 2001 تم استبدال المحرك ال N54B30 Twin Turbo بأخر N55B30 Single Turbo بيصل إلى 322 حصان @ 5800 أر بى إم و عزم 450 نيوتن @ 1200 - 5000 أر بى إم و تسارع من 0 - 100 كم/ثانيه فى غضون 5.3 ثانيه على حد تذكرى.

حضرتك تقدر و بكل سهوله تشترى نظام ميكانيكا بمحرك ال M54B30 اللى هو بالأساس زودت به ال E46 330 و النظام الميكانيكى كامل اعتقد هيتكلف فى حدود 25000 - 30000 جنيه لأن العفشه فى بعض الأجزاء مختلفه بعض الشىء عن العفشه ال 6 سليندر العاديه المتواجده فى ال 30 - 325 - 328 على سبيل المثال و ليس الحصر الطنابير فى العفشه الخاصه بال 330 بتكون اكبر فيما يقارب طنابير ال M3 تمام.

بالنسبه إن حضرتك اردت شراء محركات ال E90 330 series هتكلفك سعر ازيد من ال M54B30 و إن اردت تشترى محرك ال N54B30 Twin Turbo أو ال N55B30 Single Turbo هتتكلف ما يساوى ثمن نظام الميكانيكا لل M3 لأنها محركات حديثه بسيارات موديلات حديثه و بالتالى فإن سعر ال E90 330 - 335 فى الخارج هتجده اكبر من سعر ال E46 M3 حتى و إن كانت حادثه ف هتجد سعر ال E90 330 - 335 حادثه مش بالقليل و بما إن حضرتك محتاج محرك فقط فى حالة إنك قررت تضع محرك لل E90 330 - 335 فالتاجر هيبحث عن سياره حادثه يكون المحرك بها فقط سليم بخلاف إن حضرتك ايضا هتتعب فى قطع الغيار لأنه حضرتك عدد الأشخاص اللى معهم E90 330 محدود و اللى معهم E90 335 twin turbo اعتقد يكاد يكون معدوم, هذه من ناحيه و من ناحيه ثانيه اعتقد إن ضفيرة ال E46 تختلف عن ضفيرة كهرباء ال E90 و بالتالى حضرتك هتضطر فى حالة إنك قررت تضع محركات ال E90 series 330 - 335 هتغير ضفيرة كهرباء السياره كلها بأخرى لل E90 و طبعا كل هذه تكلفه زائده عليك و فى النهايه لن تحصل على كفاءه ك كفاءة ال M3 و لن ينظر لسيارتك حتى و إن وضعت بها محرك 335 كما سينظر إليها و هى M3

محرك ال E46 M3 و اسمه S54B32

S54B32


سعة 3246 سى سى قدرة 343 حصان @ 7900 أر بى إم و عزم 365 نيوتن @ 4900 أر بى إم

و هناك من هذا المحرك فئه زودت بها ال E46 M3 CSL و هذا المحرك بيعطى قدره حصانيه و عزم اكبر من الموجود بال E46 M3 العاديه, فقدرته الحصانيه بتكون 355 حصان بدلا من 343 @ 7900 أر بى إم و عزم 370 نيوتن بدلا من 365 @ 4900 أر بى أم

أفضل من كل هذه المحركات جميعا و حتى أفضل من مرحك ال M3 الجديده هو المحرك الجبار ال P60B40 لكن مع الأسف متواجد بأعداد قليله و اعتقد هيكون صعب جدا جدا جدا إنك تجده و تشتريه و زودت به فئة ال E46 M3 GTR

P60B40


سعة 3997 سى سى و هو 8 سليندر و ليس 6 سليندر كالمحركات المذكوره بالأعلى. و قدرته الحصانيه 493 حصان "محركات ال E90 series M3 بقدرة 420 حصان"

لكن إن وجدته "وهذا الأمر شبه مستحيل" هيعسفك فى قطع غياره عن محركات ال M3 بسائر فئتها هذا بخلاف النظام الميكانيى و اللى أنا مش عارف سعره هيكون كام!!!