ان شاء الله انا نازل السوق بكرة.عايز نصايحكم

**towfeq** · 01-12-2011 05:32 PM

السلام عليكم و رحمة الله و بركاته
ان شاء الله يا رجالة انا نازل بكرة السوق عشان اشتري عربية لانوس -ادعولي ربنا يوفقني-
عايز اعرف ايه الحاجات اللي ابص عليها و اشوفها و افحصها مبدئيا قبل رفع السيارة.
هل فيه حاجات معينة في اللانوس محتاجة ابص عليها.زي اماكن ضعيفة او عيوب شائعة ان بيبقى فيها مشاكل.
يعني اكتر حاجات معروفة و شائعة لو العربية مش مظبوطة.
يعني من الاخر كده عايز خبرات الناس كلها في اي نقطة او اي حاجة للي اتعرض لاي موقف في بيع او شراء ليه او لاي حد.
ادعولي ان ربنا يوفقني ويرزقني حاجة كويسة ليا و لكل المسلمين خاصة و المصريين كلهم عامة.

**elnakshabandy** · 01-12-2011 06:21 PM

اولا ربنا يوفقك لحاجة كويسه
ثانيا اللى ممكن انصحك بيه لوحاجه عجبتك متستعجلشى فى الشراء
ثالثا لف وبص كويس فى كل المعروض وقارن بينهم
رابعا لو استقريت على العروسه استخير ؤاشرط على اهلى (صاحبها)توريها للسمكرى بتاعك قبل متخلص وتدفع الفلوس(الكلام ده مهم جججججججججججدددددددددداااا اااااا)
موفق ان شاء الله

**aliyosef** · 01-12-2011 09:40 PM

خاليك فى الفبريكه جوه وبره هاتبقى مضمونه قوى لاخبطه وحادث ومدارى ولا اى حاجه ان شاء الله

وربنا يديلك الاحسن ان شاء الله وماتستعجلش خااااااااااااااالص

**M.Alaa92** · 01-12-2011 10:26 PM

المشاركة الأصلية كتبت بواسطة aliyosef

خاليك فى الفبريكه جوه وبره هاتبقى مضمونه قوى لاخبطه وحادث ومدارى ولا اى حاجه ان شاء الله

وربنا يديلك الاحسن ان شاء الله وماتستعجلش خااااااااااااااالص

+111
بس راى مفرقتش مرشوشة ولا لأ الاهم الحاااالة لية؟؟

العربية ممكن تعمل حادثة و تغير اربع ابواب استعمال و كابوت و رفارف و بقت فابريكا بالكااامل صح ولا ؟؟؟

غير كدة بتشتريها بسعر اعلى من حالة ممتازة مرشوشة
بعد فترة من الركنة ف الشارع و الذى منو حتحتاج تترش يبقى دفعت سعر اعلى عند الشرا + تمن الرش
و اما تيجى تبيع تحس انك خسرت ف العربية

**memofree** · 01-12-2011 10:38 PM

ربنا يوفئك
و قولنا عملت ايه

**besso33** · 02-12-2011 01:23 AM

بصراحة لا انصحك تشتري من السوق لكن طالما عزمت فأول حاجة تقارن ارقام الشاسيه والموتور مع الرخصة وابعد عن التوكيلات خالص في اليومين دول وبعد كده خدها واكشف عليها في البنزينة وربنا يوفقك

**هيثم** · 02-12-2011 01:48 AM

http://www.nilemotors.net/Nile/22454-a.html

http://www.nilemotors.net/Nile/20244-a.html

http://www.nilemotors.net/Nile/7608-a.html

**zocor742** · 05-12-2011 06:01 AM

بسم الله الرحمن الرحيم
بص ياا باشا اول حاجة تركزفيها اساس العربية اتأكد انها مش رشة دواخل ومش مغيرة اى حاجة
افتح الكابوت وشوف شنب العربية لونة ماشى مع بقيت الحوض ولا شكل الببوية اجدد طبعا كل دة مش لوحدك معاك سمكرى فى الرحلة دى وبيفتش معاك على اى باروما او اصر صدا هيعمل برومة
هتطلع على بنزينة تعمل كشف كامل للعربية تكشف على العفشة وهيقيس كبس المكنة وتخلى السمكرى يبص على بطن العربية
لو العربية بدأت تقتنع بيها هتكلف نفسك تروح للميكانيكى تقوله لو فيها القطط الفطسانة يطلعهالك لعل وعسى تقدر تنزل فى السعر
السمكرى يبتدى يفتش اكتر يشيل الكاوتش بتاع حلق الابواب العتب الفبر ويبص تحتية فيبر القوايم الستة يفتش فية خلية يعمل حاوى من الاخر
واتقل على البايع وعيزك تخلى بالك من اى حاجة واى حاجة تلاقيها اتلكك بيها
وربنا معاك اهك حاجة لاتستعجل