الموضوع: عندما يصارع المارد الكوري ماردا آخرا !

المشاركة الأصلية كتبت بواسطة ashouhdy

كنت سقطت تالت والرابع ييجى عند ال 130 والخامس ميتحطش ابدا قبل ال 175

بس انت قلبك جامد ماشاء الله عليك خلى بالك من نفسك :)))

ايام الفيرنا دة كانت احلى ايام كلها ادرينالين لكن مع الكارينز كلها فازلين

انا قلت عشان مافتريش على الراجل :D
هي لما بتطلب جري الادرينالين بيعلى جامد فعلا :D
ربنا يكرمك يا شهدي يا رب

المشاركة الأصلية كتبت بواسطة AHMEDCAR

عذرا يارجاله انا افتكرت سقط على 150 لا كده تمام ال100 يتسقطلها الثالث حلو اصلا الفيرنا فى القرص

الاول 60 الثانى 120 الثالث 145 الرابع 170 الخامس معاك الى ماشاء الله عموما على طرق شرم قفلت العداد بتاع العربيه دى ماشاء الله جرايه

بس حلوه حكايه الفازلين دى ياشهدى ربنا يستر طريقنا جميعا

مانا استغربت يا حج احمد قلت هتفصل ليه :D

المشاركة الأصلية كتبت بواسطة Ahmod

طالما وصل من وراك لمنتصف العربية يبقى دي 1600 زيك

وطالما العربيتين واحد بنفس كل حاجة طبيعي لما انت تبدأ تجري وهو وراك اكيد مش هيعرف يقلل الفرق او يطلع

وهيبقى الفرق ثابت !

عموما ماشاء الله ربنا يباركلك في عربيتك واحلى حاجة لما تطلع من عربية اخت عربيتك بتحس ان عربيتك فعلا تختلف عن الاخرون !

ربنا يباركلك فيها

مهو طبيعي اني ابدأ اجري اول ما اكصدامه الامامي يوصل لاكصدامي الخلفي عشان اقدر أثبت نقطة الانطلاق والا هيبقا موضوع غير نزيه !
هو استفزني بصراحة وقلت بس لقيت حد اتسلى عليه في الطريق :D
وانا كان بقالي فترة مبجريش اساسا اخري 100 اصلا :D

المشاركة الأصلية كتبت بواسطة ashouhdy

ههههههههههه

شوف انا الفيرنا قعدت معايا 3 سنين والله العظيم عربية ذى الفل و10 ع 10 لا عمرها عطلت ولا اشتكت
جرى السنين وسفر 1000كيلو ايوا 1000كيلو لشرم محمل فيها 4 شباب بشنط وتكييف ودرجة حرارة الجو 43 وماشى 180 طول الطريق مقلتش لأ عربية ماشاء الله الله اكبر امسك الخشب .. واللى يقول عليها وحشة دة بجد ميعرفش يعنى اية اعتمادية وان عربية تقعد 3سنين تحط المفتاح تدور وتمشى من غير قلق ماشاء الله

لكن انى أكسر ال 135 بالتالت دى عمرها ماحصلت ابدا ابدا ابدااااا ههههههههههه كانت بتفصل والر بى ام على الريد زوون

والله هي فعلا محترمة
انا مكسرتش بالتالت 120 الحقيقة مجربتش انقل اكتر من كدة ! وكمان انا معنديش آر بي ام فبقلق وبنقل بدري شوية لما بقرص عشان مادخلهاش في الريد زون !
مجربتش اطلع بيها شرم الحقيقة
اطول مسافة مباشرة خدتها كانت السويس رايح جاي ووقفت في السويس اشتري ازازة حاجة ساقعة وقمت راكب العربية وراجع دي اطول مسافة مباشرة خدتها بيها بس انا واثق انها قد المسؤولية ما شاء الله عليها