عندما يصارع المارد الكوري ماردا آخرا !

**AHMEDCAR** · 03-12-2011 12:22 AM

ههههههههههه

شوف انا الفيرنا قعدت معايا 3 سنين والله العظيم عربية ذى الفل و10 ع 10 لا عمرها عطلت ولا اشتكت
جرى السنين وسفر 1000كيلو ايوا 1000كيلو لشرم محمل فيها 4 شباب بشنط وتكييف ودرجة حرارة الجو 43 وماشى 180 طول الطريق مقلتش لأ عربية ماشاء الله الله اكبر امسك الخشب .. واللى يقول عليها وحشة دة بجد ميعرفش يعنى اية اعتمادية وان عربية تقعد 3سنين تحط المفتاح تدور وتمشى من غير قلق ماشاء الله

لكن انى أكسر ال 135 بالتالت دى عمرها ماحصلت ابدا ابدا ابدااااا ههههههههههه كانت بتفصل والر بى ام على الريد زوون

انت هتشككنى فى نفسى ليه انا هجرب تانى و اقولك بس انت ماكنش معاك فى عربيتك ار بى ام يا شهدى صح انا فاكر ان عربيتك هاف اوبشن

عموما هجرب تانى و اشوف الدنيا ماشيه ازاى و اجيبلك النتائج الصح

**ashouhdy** · 03-12-2011 02:09 AM

من غير ار بى ام هى كانت بتفصل تحت رجلى

**Ahmod** · 03-12-2011 04:32 AM

و انا كمان مستعد للتجربة مع الصنى

طيب ايه رايك لما تجرب معايا ؟

انا عارف انه بنسبة 90% انك هتطلع

الفكرة كلها اني عايز اعرف انا هعمل مع الفيرنا ايه او هثبت معاها لحد فين

وبصراحة نفسي اجري مع فيرنا من زمان وللاسف عمري مابشوف اي فيرنا بتجري على الطريق قدامي مش عارف ليه

طلبي اننا نبدأ نجري من بعد مطب مش من الثبات عشان انت مانويل وانا اتوماتيك وعايزين نلغي مسألة ال traction

لو انت موافق شوف فاضي امتى وتعالى نتقابل

**moh19227** · 03-12-2011 03:08 PM

نقول بقي الخلاصه ابعد بعيد عن الفيرنا علشان دي وحش الجري بس تحت ال 100 افضل كتير من فوق ال 100
ثانيا الصني عربيه دبه :) تقيله تقل السنين انا في 2 من اصحابي معاهم صني واحد مانويل والتاني اوتوماتيك الاوتوماتيك جربناها من 0 ل 100 في 13 ثانيه مرتين ورا بعض والعربيه 2011 اما المانويل بالظبط مش عارف
والصني 106 حصان مش 118 للايضاح فقط
وشكرااا

**BLOODY_STONE** · 03-12-2011 03:14 PM

المشاركة الأصلية كتبت بواسطة moh19227

ياباشا مع احترامي لكلام حضرتك معتقدش الاول يجيب 60 ومستحيل التاني يجيب 120 !!

انا جبت 120 عالتاني في الياريس ...

**Formulator** · 03-12-2011 05:01 PM

طول عمرى بقول اللى بيجرى بـ فيرنا ده.. (جرى افترا) يبقى قلبه جااااااااااااامد مووووووت..؟!!
لا فرامل ولا شاسيه ولا عفشة ولا بودى.. ولا حتى دركسيون.. (أيوه Control صفر)..!!
لأنه فعلا بيسيطر على الـAdrenaline ويدهن Vaseline زى ما قال شهدى.. ههههههههه
وعشان كده بحاول اتجنب الشد أو الجرى مع فيرنا.. بأى عربية, منعا لأى Disaster..
بس من تجاربى.. هى مش جرااااااااية فوق الـ100-120 أوى كده زى مانتو بتقولوا..؟؟!!! مشفتهاش يعنى بتـOvertake من 120-160 بسرعة,
وبعدين موضوع الأولانى بيجيب 80 والتانى بيجيب 150, والكلام ده.. مبقاش يعبر عن قوة الموتور.. ولا عن قدرة الـgearing على التسارع..؟؟!!!
بمعنى آخر:
العربيات الجرااااااااية (أو اللى اتعملت عشان تجرى بجد).. بتبقى Close Ratio فى نسب علبة التروس..خصوصا ان دلوقتى فيه 6 و7 سرعات..!!
يعنى أول-تانى-تالت-رابع.. تك تك تك , ورا بعض.. وبعدين الخامس والسادس أطول سيكا..
مش تقولى أول 60 وتانى 120.. كده أكيييييييييييد فيه جزء حرق وقرص عـ الفاضى (أو لا يحقق تسارع أفضل مما لو كنت نقلت قبلها)
طبعا ده بيعتمد انك تعرف الـHorsepower باند بتاعة موتورك (rpm) + الـgear-ratio = تعرف تنقل أمتى عشان أفضل تسارع.. مش حرق للـred-line أو تفصل وخلاص.؟؟!!!

**Sehsss** · 03-12-2011 05:15 PM

المشاركة الأصلية كتبت بواسطة ashouhdy

الصنى بطة بلدى وملف اية اللى الصنى تاخدة ع 190 وتعدى !!! ياعم قول كلام يعقل مش اى حلجة وخلاص ... ولا اقولك لتكلم براحتك مأنت ع النت

شكرا على أدبك وأخلاقك يا (محترم)

**Sehsss** · 03-12-2011 05:18 PM

المشاركة الأصلية كتبت بواسطة moh19227

نقول بقي الخلاصه ابعد بعيد عن الفيرنا علشان دي وحش الجري بس تحت ال 100 افضل كتير من فوق ال 100
ثانيا الصني عربيه دبه :) تقيله تقل السنين انا في 2 من اصحابي معاهم صني واحد مانويل والتاني اوتوماتيك الاوتوماتيك جربناها من 0 ل 100 في 13 ثانيه مرتين ورا بعض والعربيه 2011 اما المانويل بالظبط مش عارف
والصني 106 حصان مش 118 للايضاح فقط
وشكرااا

لو معاك مانيوال العربية هاتعرف إنها 118 حصان، أو ادخل على موقع نيسان واعرف (للإيضاح فقط)

الموضوع: عندما يصارع المارد الكوري ماردا آخرا !

LinkBack

أدوات الموضوع

عرض

-

-

-

-

-

المواضيع المتشابهه

باركولي يا جماعة ! بقيت من ملاك المارد الكوري

المارد الكورى كان عايز يلبسنى

المارد الكوري والصني

اللحية أولا أم آخرا ؟؟؟ سؤال محيرني !!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة