ديه يا معلم بتبقى تهيسة كنترول , انا واحد صاحبى معاه نفس العربية و مره كنا مسافرين و عملت نفس الحركة ديه و مهما بطلناها و شغلناها مفيش بردو جايبه على ال 4
و مره واحده زبطت و لما سألنا فى التوكيل قالولنا ان ده الكنترول بتاع الفتيس أوقات بيهيس و لما يعمل الحركة ديه و يقفش ممكن فيه حل بسيط تفصل كهربة العربية من البطارية و تيسيبها شوية و ترجع تركبها و هتلاقيها زبطت بس ديه حصلتلوا مرتين , المرفوض متكونش كتير بالشكل اللى انت بتحكى عليه , انا شايف تروح على التوكي يشوفوا حكاية الكنترول بتاعها , وعموما انا معايا نفس عربيتك بحس ان فيه أوقات عفريت راكب معايا عشان حوارات الكهرابا اللى فيه بس الحمد لله بتكون حجات عبيطة , يعنى مثلا ألاقى المالتى فنكشن بيوطى و مش عايز يعالى و لما يحصل كده الكلاكس ميضربش و فجأة ألاقيه زبط .
المفضلات