حد يعرف اى حد مقرب ليه فى التصميمات الاعلانية عشان نعمل استاند بشعار قسم نيسان

**Ahmed.TV** · 02-12-2011 01:33 AM

ياجماعة .. الفترة الجاية باذن الله
حيكون فى شغل كتير وافكار وتجمعات للقسم
محتاج اعمل استند عليه لوجو الصقر ومعاه نايل موتورز

عشان لما نعمل مقابلة يكون معانا
لما نروح نعمل تيست دريف للعربيات الجديدة فى اول السنة او اى عربية نيسان
يكون معانا اللوجو والشعار بتعنا
لما نروح نعمل حملة صيانة فى اى مركز مع بعض بعدد كبير من الاعضاء يكون معانا الشعار

لان زى ما بقولكم فى شغل على كبير الفترة الجاية باذن الله وافكار كتيرة للاعضاء وللقسم

فالمطلوب عايزين نعمل استند فيه شعار كبير للوجو النايل والصقر
والاستند ده يكون سهل فكه ويتلم ويتحط فى العربية
وكمان يكون بيتثبت فى الارض كويس ومش يطير ويتحرك من الهواء

فى حد عنده افكار
فى حد عنده حد يخدمنا فى الموضوع ده ويعملنا الموضوع بتكلفة قليلة
انا قولتك اقولكم عشان لو حد ليه فى الدعاية او بيتشغل فيها ممكن يخدمنا

عايزنها متر عرض فى متر ونص او 2 متر ارتفاع

تحياتى

**SonaSteel** · 02-12-2011 01:52 AM

اللوحات ديه اسمها pop-up ....... والشركة عندنا بتعملها في المعارض علشان اسهل واسرع كتييير في الفرش والشيل والحط
وتقريبا بتبقي 0.75-1 م * 2 م ......... وبتتلف علي نفسها في جزء معدن وبتترفع علي عمود الموتال بيطبق برده
بالنسبة للاسعار يوم السبت ان شاء الله ..... اشوف في الشركة يبيعملوها بكام
والتصميم لو موجود نتوكل علي الله ونعملها
---------------------
انا شوفت شكل تاني اشيك بكتير من النوع ده وبيتفرد برده بس ب3 ارجل وشكله تريه شيك :))
هحاول اوصل لاسمه واشوف سعره كام وابلغك يابو حميد

**الغزالى** · 02-12-2011 02:42 AM

لو حسين ... مجابلكش المفيد .. انا موجود ابن عمى شغال فى شركه دعايا وأعلان .. وممكن اخليه يعملهولك .. ان شاء الله . غزالى من قسم كيا .. فى اى وقت .. انا مع حضرتك ورقمى 01000454869

**Youssef.Awad** · 02-12-2011 02:58 AM

فعلا الاستاند اللى بيتلف على رول وعمود معدنى كده سهل التحميل وعملى جدا وخامته بتكون زى الجلد كده مقواة وبتبقى فى المعارض او البنوك الخاصة

**Ahmed_Rahem** · 02-12-2011 05:21 AM

انا اخويا مصمم جرافيك وشغلة فى تصميم اللوحات الاعلانية لو الموضوع جد قولولى انا اخلية يعمل التصميم ويشوف الطباعة عند حد من معارفة بسعر متهاود.

والسلام ختام

**Ahmedmiy** · 02-12-2011 07:12 AM

بسم الله الرحمن الرحيم
السلام عليكم ورحمة الله
اللهم صلى وسلم على نبينا محمد

أخونا فى الله ومشرفنا العزيز الغالى

الحمد لله أختى مصممة إعلان وإن شاء الله إذا أرادت المساعدة فى التصميم حطلب منها عمل تصميم أو أكثر للإختيار من بينهم وكمان أخواتنا فى المنتدى ممن لديهم الخبرة فى التصميم من الممكن أن نقوم جميعاً بعمل مجموعة كبيرة من التصاميم وفى النهاية من الممكن خلال إحدى مقابلات الصقور أن يتم إختيار تصميم يرضى عنه الأغلبية .

وأخيراً الحمد لله على كل هذا المجهود العظيم الذى يتم وإن شاء الله أتوقع دائماً الريادة لمنتدانا الحبيب نايل موتورز وبكل تأكيد قسم نيسان صاحب البريق المميز بفضل كل من يقوم عليه بمجهود وفير من مشرفين ومنسقين وجميع الأعضاء بالمشاركات المميزة والصادقة فى تبادل المنفعة .