الموضوع: مشكلة ارتفاع الحراة بيجو 405 برستيج

السلام عليكم
حضرتك بتقول إن درجة الحرارة لما تسخن بتوصل 90. وده مش كتير بالنسبة للبيجو أو بصفة عامة. المهم والخطير هو غليان المياه. يعني عندي 406 وده عادي بالنسبالها، وكان معايا 405 عادية ومع أخويا حاليا وفعلا في الزحام توصل 90، وعلى العموم حضرتك ممكن تغسل دورة الردياتير في المحطة، وتراجع على المروحة بأنك تدور العربية وتفتح الكبوت وتشوف المروحة بتشتغل طبيعي ولا لأ وتفصل لما الحرارة بتنزل وهكذا... وطبعا ميكونش في تسريب أو هواء في دورة التبريد. وبالتوفيق،،،

[QUOTE=maadawy6;3873967551] ولكن الغريب اذا توقفت بالسيارة واطفات المحرك وكانت الحرارة مثلا 80 بعد حوالى 3 او 4 دقائق اجد المروحة تعمل رغم انها كانت لا تعمل قبل ابطال المحرك واذا فتحت كونتك اجد ان الحرارة وصلت 90 رغم انى بطلتها من ثلاث دقائق لدرجة انى بعد مرور هذا الوقت اجد ايضا المياة تخرج من فتحة الفايظ الموجودة بالراداتير
اجو ان تفيدونى بهذا الامر المحير
علم بانى اخذت الهواء لدورة المياة ولا اجد هواء بالدائرة مياة فقط بدون هواء نهائ
ولكم منى كل الشكر[/QUOT
نرجو الرد على هذه النقطه هل ده طبيعى والا هناك مشكلة

كل اللي انت بتقولوة ان العربية لما توصل ل 85 او 90 المياة بتقع من الفايظ بتاع اللريداتير سيدي الفاضل ان وصول السيارة لهذة السرعات هو طبيعي جدا لها اما مشكلة المياة الي بتسقط منك فهي اسبابها حاجتين لا يخرج منهم العيب السبب الاول او الاحتمال الاول ان حضرتك العربية لو كانت سخنت منك وجابت جوان و انت عملها جوان وش سلندر والوش بتاع الموتور ماتقشطش او الجوان رخيص وعامل فراغات او متقرطش علية كو يس والسبب دة بنسبة 30% اما السبب الخطير جدا او الصدمة الشديدة جدا لو مكنتش عملت جوان قبل كدة هي ان سيادتك الموتور بتاع حضرتك عايز شورت بلوك يعني ان المشكلة في الفارغة عندك بلغة الميكانيكيا كب بتكون اية الي بيعمل جوة كدة حضرتك عندك فراغ او تأكل في الشورت بلوك بتاع حضرتك من الاخر الجلدة متاكلة جوة الموتور ومتقلش خراط يسدها او الكلام دة كلة كلام فاضي ومبيعملش حاجة طيب ازاي يعمل كدة والموتور نسبتة عشرة علي عشرة معايا واللة قضاء ربنا او خدت عين طيب الحل اية بقي علشان نرتاح ومنلفش كتير ونصرف فلوس والنتيجة هتبقي دون تغيير
الحل هيبقي كالاتي ودة حلول نهائية وفعالة هتختلف من امكانيات الشخص المادية اللي هيختار اي حل علي قد جيبة وفي اللي هيمشي وخلاص وعلي فكرة الحلول فعالة 100% وحبيت اعم الفايدة هنا
رقم واحد : تغيير الشورت بلوك بتاع الموتور طيب تمنة كام مش هيقل عن 2500 جنية طب يبقي نجيب موتور احسن لية لانة ممكن يتجاب ب 3000 جنية ياجماعة دة حل للقادر مديا طب اية البديل وفعال ؟؟؟
رقم 2 : ممكن تجربتة قبل تغيير الموتور وهو اية هو عبارة عن حاجة اسماها بالانجليزية abro وهو صناعة امريكي ام الاسم الذي يتداول مابين بتوع الريداتير هو بيسموة علبة دواء امريكاني ولو الراجل قالك معرفوش سيبوة وامشي علي طول طيب بيتعمل ازاي وثمنة اية هو ثمنة 10 ج اة واللة وبيجيب نتيجة لو التأكل بسيط عندك مش هتشوف مية بتنزل تاني خالص وكلام ثقة طيب بيشتغل ازاي هتفضي الهواء الي جوة العربية من بلف الهواء كل دة العربية باردة تماما وبعدين بعد ماتظبط المياة وتكون ناقصة شوية علشان هتزود تاني دور العربية و فضي علبة الدواء علي 3 مرات تحط شوية مية وتحط بعديها الدواء كدة علي 3 مرات كل دة والعربية دايرة لمدة ربع ساعة علشان يعجن ويسد الفراغات لو مكنتش عدت 50 % تأكل في الفارغة وبعدين اقفل الكبوت واقفل الغطاء ولازم يكون غطاء بيجو كل دة والعربية دايرة متبطلش خالص واضرب مشوار لمدة 10 دقايق وبعد كدة بطل العربية العربية هتنزل مية بسيطة او كتيرة مش مهم وممكن تكون محظوظ ويطبع ومتنزلش من اول مرة طب لو نزلت مياة ومكنتش محظوظ ومطبعش بيت العربية واركنها وسيبها خالص لحد تاني يوم الصبح وملكش دعوة من المية اللي بتنزل طيب هتعمل اية تاني يوم الصبح هتزود العربية وهيا باردة تماما وبعد كدة دور العربية وامشي عادي واعمل مشوار ماقلش عن 30 دقيقة واركنها في حتة ناشفة و شوف كمية المياة هتنزل ولا قلت ولا قطعت مياة خالص ؟؟؟ انت تحكم هيا كدة كدة معدل المياة اللي كانت بتقع مثلا لتر هتبقي نص كباية بس
لو معجبكش الحلول دي هتعمل اية الحل النهائي حضرتك تنسي نظام سخونية البيجو عموما في حالتك دي انت هدفك ان المياة متنزلش منها بعد ماتبطل وعلي فكرة بتنزل وهي دايرة بس بسيط المهم حضرتك اتفقنا اننا مالناش دعوة خالص من انك تعامل سخونيتها علي طبيعة البيجو 405 دة علشان ماتورك فية مشكلة طيب انت هدفك دلوقتي ان العربية بأي حال من الاحوال لازم وقطعا ولابد ان الحرارة ماتوصلش ل80 علشان كبس المياة بيطلع من الفايز لما توصل 80 ركز قوي لازم العربية ماتوصلش حرارتها 80 نهائيا علشان متسقطش مياة طب هتعمل اية اقولك في حلين وماتطلعش منهم واسمع الكلام الاول شغال المروحة الواطية درك مع الكونتكت الواطية بس وهتنسي موضوع المياة دة للابد والحرارة مش هتجيب 70 ومش هتنقص ربع ملي من الريداتير طب دة حل حلو قوي ومش هيكلف حاجة والعربية كمان مش هتنزل مياة بس العيب حضرتك ان المراوح هتستهلك دي الحقيقة طب معبكش الحل دة هقوللك عادي في حل تاني هو ان حضرتك لازم تدور علي ثيرموستات بيفتح المروحة عند 70او 75 وهو هتلاقي في الاوكتافيا القديم موديلات 90 او بتاع الاوبل فيكترا بيفتح علي 70 او 75 حد اقصي وهتدعيللللي يا ماوووووووووووووو ولو عندك استفسار قولي ارجو التثبيت من رئيس المنتدي ......