المشاركة الأصلية كتبت بواسطة stonecoldmido5
مساء الخير صعب حضرتك تقارن الكارينز بالداستر لان دي فئة ودي فئة تانية خالص و انا مجرب الاتنين :
- عفشة الداستر تتفوق بمراحل عن الكارينز - نظام تعليق نيسان اكس تريل - وده عن تجربة .
- موتور الداستر من اقوي عربيات اللي سوقتها في حياتي بالنسبة للبودي و بالنسبة انها 1600 .
- تقدر تعمل بالداستر اي حاجة في اي حتة تطلع بيها صحراء, تمشي في برك مية , طرق وعرة جبال , مطبات عالية و وماتحسش انك بتعدي ع كل ده نظرا لنظام العزل الممتاز و الثبات العالي للعربية .
- مصفحة بالكامل من تحت .
- نقذتني في مواقف كنت هتثبت فيها ع الطريق الدولي الساحلي و بفضل العربية قدرت اني اتفادي قطع الطرق و انت مطمن .
- تقدر تحولها لدفع رباعي في الوقت اللي سيادتك عايزه .
- استهلاكها ف البنزين اقل بكتير من الكارينز .
- الخامات مش بالدرجة اللي سيادتك بتوصفها هي فعلا مش بفخامة عربية دفع رباعي بس مش بشكل وحش اوي .
- اتفق مع حضرتك ان الكارينز تجهيزاتها الداخلية تتفوق بمراحل عن الداستر .
- الكارينز تفوقت فعلا علي الداستر في اختبارات الامان .
و في الاول او في الآخر دي مسألة احتياجات :
- اللي بيشتري الكارينز بيحلم بسيارة سيدان عادية مع حجم صالون اوسع و ارتفاع اكبر عن الارض.
- اللي بيشتري الداستر بيحلم بعربية دفع رباعي بسعر معقول و عفشة و ثبات فوق الممتاز يناسب جميع الطرق المصرية .
وشكرا لسيادتك