فيه عربيات نازلة بمحركات ديزل
خاصة في اوروبا زي بيجو وغيرها
ايه ميزة المحرك الديزل وايه هي عيوبه مقارنة بمحرك البنزين ؟
عرض للطباعة
فيه عربيات نازلة بمحركات ديزل
خاصة في اوروبا زي بيجو وغيرها
ايه ميزة المحرك الديزل وايه هي عيوبه مقارنة بمحرك البنزين ؟
المميزات
استهلاك بنزين اقل
عزم اقوى عزم فقط يعنى مينفعش تشد و تجرى بية بس تجر بية حاجة كبيرة
عمرة اطول
العيوب
سحبة العربية ضعيف اضعف من البنزين
صوتة مزعج غير البنزين ممكن متسمعش صوت الموتور ( طبعا التكنولوجيا تقدمت و لكن برضة صوتة مش زى البنزين )
اعتقد والله اعلم مش متأكد من النقطة دية و ياريت حد يقولى صح ولا غلط انة اكثر تلوثا للبيئة
دة الى اعرفة
مميزات محرك الديزل :
- عزم أكبر على سرعات قليلة.
- اقتصادى فى استهلاك الوقود.
- كفاءة أعلى من محرك البنزين.
- عمر أطول, يقدر ب4 مرات عمر محرك البنزين, لكن مع ملاحظة أن العمرة لا تجرى للمحرك وحده, بل أيضا لمضخة الديزل التى تحتاج هى أيضا للعمرة.
عيوب محرك الديزل :
- المحرك ثقيل نسبيا, كما أن أجزاءه المتحركة أكثر ثقلا و تعقيدا من تلك التى فى محرك البنزين, لذا فلا يستطيع محرك الديزل الدوران على سرعات عالية, و حدوده القصوى تكون عادة ما ببن 3000-4000 ار بى ام.
- نتيجة لسرعته البطيئة, لا يستطيع توليد قوة حصانية عالية, فيقل التسارع بشكل كبير.
- طبيعته الانفجارية(حيث ينفجر المخلوط داخل المحرك, بعكس الاحتراق الناعم فى محرك البنزين), تجعله يصدر ضجيجا عاليا, كما أن اهتزازاته أعلى.
- أكثر تعقيدا فى صيانته و أكثر تكلفة.
يا رجاله سؤال مش العزم بيفرق في السحب طيب ازاي العربيات زي ميكروباص تويوتا الجديد والنص نقل عزمهم كبير بس السحب بتاعهم مش عالي بالرغم انه لو عربيه ملاكي العزم قليل بس السحب عالي
طيب انا ارف ان الوزن بيفرق طيب لو العربيه فاضيه ليه برده السحب قليل
انا عارف ان عزمهم كبير عشان الحموله مثلا بس المحرك نفسه برده سرعته القصوي قليله حوالي 180 اخر العداد
ارجو التوضيح
العزم بيولد تسارع لحظى أكبر, لاحظ لحظى تلك, يعنى مثلا بتتسارع بشكل كبير بس على "فرق سرعتين" قليل, لكن القوة الحصانية معبرة عن التسارع العام الكلى بشكل أفضل, لأننى لو قمت بتسارع متوسط بين 10-40 مثلا أفضل من تسارع خاطف و سريع بين 10-20 , يعنى العزم هو الى بيولد التسارع انما القوة الحصانية هى المعبرة عن التسارع العام. و لأن القوة الحصانية يدخل فيها عامل سرعة المحرك, و نظرا لبطأ محرك الديزل, فانه يولد قوة حصانية صغيرة رغم أنه يولد عزما أكبر من محرك البنزين بمراحل.
يعنى القوة الحصانية هى الى بتفرق فى السحب مش العزم, لأن العزم ده أنا مش هستخدمه الا ما بين 1000-2500 أر بى ام بس فى محرك الديزل, لكن فى محرك البنزين فأنا هعمل تسارع متوسط بفضل العزم الأقل لكن ما بين 1000-5000 أر بى ام مثلا.
وفق لتجربه خالي وهوا معاه عربيه موسو 2007 Dt
محرك ديزل 3000 سي سي تيربو
الصوت عالي (شوية) اثناء وقفه العربيه ... بس خلال المشي وخصوصا في السرعات العاليه مع صوت التيربو ... يمكن حتى احلى من صوت البنزين
العزم اعلى من البنزين و لكن السرعه اقل من البنزين
(العزم بيزودوه كمان عن طريق اضافه بروبان للديزل ... فالعربيه بتبقا من ناحيه السحب ... جرار )
الاستهلاك من الناحيه الماديه اقل بكتير من ناحيه البنزين و مش هتفرق معاك بقا لا بنزين 50 مضروب ولا 95 مش مضروب .... سولار و امشي ....
وعلى فكره تكاسي كتير اوي في الامارات من بتوع الغزال بيبقو عربيات مرسيدس 2007 سي 240 و محرك ديزل ... الاودي R8-نازل منها محرك ديزل .... عربيات كتير اوي فخمه نازله بمحرك ديزل اساسي
ملاحظة :
تكاليف ترخيص الديزل تختلف كليا عن تراخيص البنزين (هنا في مصر) ... يعني خالي على ما اذكر السنه اللي فاتت دفعوه 1000 جنيه تكاليف ترخيص للسنه الواحده ...
معرفش بقا ايه النظام دلوقتي
لا حاجة كمان الديزل مش محتاج صيانة زي البنزين و اعطالة اقل بكتير و خدمة شاقة عن البنزين بمراحل
دا غير ان فية ميزه عجيبة
العربية الديزل كل ما تسخن معاك في المشي بتسحب زيادة و الاداء بتاع المحرك بيعلي ( لية مش عارف) عكس البنزين الي لو العربية سخونيتها زادت تلاقيها ما بتسحبش
ملحوظة بس الديزل عمرو مش أطول عشان هو أقوى مثلاً ولحاجة هو بس عمرو بيبقى أطول عشان العزم بتاعه عالى rpm واطي فمش بتبقى محتاج ت REV
من الأخر لو بتنقل على rpm واطي فال بنزين هيعد نفس عمر الديزل الفكرة كلها ف لفت المتور
دة طبيعى لسبب بسيط
مواتير الديزل بتعتمد على تسخين الهواء بشدة عن طريق الضغط العالى ثم بخ زيت الديزل الى الهواء الساخن و دة بحد ذاتة يؤدى الى اشتعال الديزل داخل غرفة الاحتراق
المواتير الديزل نسبة الانضغاط فيها بتاع 1 الى 25 او اكتر و درجة الحرارة بتاعت الهواء قرب النقطة الميتة العليا بتوصل حوالى 450 درجة و بالتالى موتور الديزل يحب الهواء السخن و الضغط... يعنى احلى مواتير تشتغل فى الحر و مع التربو
العيب بتاع المواتير دى ان عشان تحقق الضغط دة لازم المكونات تبقى اوى بكتير من محركات البنزين و دة بؤدى لان الموتور الديزل يبقى اتقل بكتير من البنزين و كمان بسبب الحرارة العالية حتلاقى الرادياتير كبير و سعة دورة التبريد (عدد لترات الميه) اكبر بكتير من المواتير البنزين... ممكن تكون الضعف او اكتر
المعلومة المهمة هى ان فيه ناس حطت زيت قلية بدل زيت الديزل و المواتير اشتغلت عادى جدا... راجعوا الفيدوهات اللى على youtube
MMamdouh
محرك البنزين ملوث للبيئة أضعاف محرك الديزل
ولذلك أغلب الماركات الأوروبية القوية تنتج الكثير من السيارات الخاصة الديزل لتدخل ضمن نطاق المعايير البيئية الأوروبية
والمحرك الديزل من أنظف المحركات على مستوى العالم
وعلى الرغم من أن عتامة عادم الديزل أعلى من البنزين فإن ملوثات البنزين عديمة اللون أكثر فتكاً بالبيئة والصحة العامة
وسبب قلة تشجيع الدولة في مصر للسيارات الخاصة بوقود الديزل -لدرجة أنه من أكثر من عشر سنوات كان يمنع إستيراد سيارات خاصة بوقود ديزل- هو أن الديزل مستورد بنسبة تزيد عن ال 90 % أما البنزين فهو منتج مصري وقد نستورد منه القليل فقط
.
For Diesel engine you need also a strong and in a good condition battery to start the engine
الديزل غير ملوث للبيئة زي البنزين وده من اهم الاسباب اللي مخليه الاوربيون يتجهوا للمحركات الديزل
صابر
موضوع ممتاز
أنا سوقت باجيرو ديزل 2800 سى سى وبنزين 3800 سى سى الإتنين زيرو ، كل المشكلة كانت فى فرق الصوت العالى بتاع الديزل فقط ، أما السحب كان ممتاز وممكن أدعى إنى ماحستش بفرق ، بس فيه نقطة إن الأولى كانت مانيوال والتانية كانت أوتوماتيك
أعتقد موتور الديزل النضيف لما يكون عليه تربو فابريقه من شركة نضيفة هيكون أفضل بكتير من البنزين لأسباب إقتصادية وإعتمادية بغض النظر عن الضوضاء (البسيطة)
ويمكن مشكلة السحب اللى بنشوفها فى العربيات الربع نقل والميكروباص نابعة من نسب التخفيض اللى بتكون مظبوطة لصالح العزم مش السرعة عشان الحمولة ، إنما موتور الديزل بعزمه العالى على لفات منخفضة لما يتحط على جيربوكس رياضى يستفيد من إمكانياته دى ، أعتقد هيخرج أداء وتسارع هايل ، زى سيارة أودى الأخيرة
موضوع ممتع اوى بس يا ريت حد يقولى انواع العربيات الصغيره الديزل الملاكى
انا بضم صوتى لصوتك و يا ريت حد يقول لنا عن العربيات الديزل اللى بتنزل مصر لانى شفت تقريبا معظم انواع العربيات على النت بتنزل بمحرك ديزل فى اوروبا
أنا اتصلت بتوكيل فولكس Dogus Auto اللي على أول مصر اسكندرية الصحراوي ناحية داندي
قالولي ان الكادي لايف ممكن تتزل ديزل بموتور 2000 سي سي بس لازم يكون مطلوب منها عدد
غير كدا مبتنزلش ديزل غير الفان منها و بتترخص نقل
فممكن لو عدد مننا عايزها ديزل و ملاكي (اللايف) نطلب من التوكيل و نشوف التكلفة هتكون كام
وده برضو ممكن يفتح لنا الباب أن أي توكيل لو جاتله طلبية كبيرة من عربيات بمواصفات معينة ممكن يوفرها
سبق و شفت مواتير ديزل استيراد لريجاتا واونو في بوريسعيد من فترة
اعتقد من السهل شراؤها و تعديل بسيط في دورة الوقود و تشتغل
Ana Asef bas ma3andesh arabi ala el keyboard, aghlabeyat el motors fee europa diesel, leen lefatraa koriba kan eldiesel se3ro akal men elbenzin we , tab3an da ada in eltechnologie takadamet gedaan belnesba ila motor eldiesel. ya3ni masalan el BMW 535 diesel sotha awta men el 535 benzin. belnesba lelasm fe3lan eldiesel a3la we el horse power fi eldiesel baka 3ali gedan. masalan el Mazda 3 1,6 benzin 106 hp 3ala ma asoon we el diesel 1,6 123 hp. zamaan kan motor eldiesel ye3tabar ma behtagsh seana khales ma3 mora3at taghi2r el seet bentizam. ma3 eltechnologie haleyan badaet ela3tal tektaar bas elomr elifteradi le motor el diesel atwal bekteer men el benzin. we law haga ghalat yaret had yeslahli el ma3loma pls.
shokran
ممكن أستفسار بسيط لو تكرمتم
مشوار مثلا 50 كيلو بيحتاج 10 لتر بنزين دة لو سيارة ملاكي
مشوار مثلا 50 كيلو بيحتاج كام لتر سولار دة لو بدبابة؟؟
استهلاك موتور الديزل اقل بكتير من استهلاك موتور البنزين....
بمعنى ايه؟؟
لو عربيتين 2500 سي سي 4 سلندر... واحدة ديزل وواحدة بنزين....
البنزين هتعمل في الصفيحة كيلومتر أقل من اللي هتعمله الديزل....
تاني نقطة.. بالنسبة لسؤال حضرتك....
انا مش هقدر افيدك بالنسبة للدبابة...بس ممكن افيدك بالعربية اللي معايا... و هي تويوتا لاند كروزر 6 سلندر ديزل 4200 سي سي
بتعمل في الصفيحة حوالي 140-150 كم...
و دا كويس و موفر و كل حاجة.... بس المشكلة في الديزل مش في سعر السولار.... المشكلة في تغيير الزيت اللي بيكون كل 2000 - 2500 كم.... و كمان الفلاتر.... هي دي الحاجات اللي بتصرف فعلا....
يعني ببساطة.....
عربيتين تويوتا لاند كروزر....
الأولى.... بنزين 6 سلندر 4200 سي سي 24 صباب
التانية .... ديزل 6 سلندر 4200 سي سي 24 صباب
الأولى استهلاكها هيكون 120 كم في الصفيحة
التانية هيكون حوالي 160 كم في الصفيحة
لان البنزين احتراقه اسرع و معدل حرقه أعلى... أما السولار... فبيتحرق بمعدل أقل... نظرا لأنه عبارة عن زيت....
حتى اسمه في دول أوروبا Diesel Oil
بالنسبة لسعر اللتر في مصر فهو جنيه و عشر قروش للتر 1.1 يعني الصفيحة ب22 جنيه
و مفيش منه درجات زي البنزين (80-90-92-95-98) هو كله درجة واحدة
الديزل كله مميزات
عمراطول
عزم اكبر
قوة تحمل عاليه
اقلاستهلاك للوقود
اقل تلوثا للبيئه
عيوب تمت معاجتها فيه
صوت الماتورهدى جدا عن الاول
التسارع اصبح ممتاز مع وجود التربو وبص على العربيات النص نقل التويوتا بالذات مش حتحس بصوتها وبيشد مع اجدع ملاكى بسهوله
عيبه الوحيد الان وزنه التقيل
نسيبى وصديقى الانتيم امتلك عربيتين ديزل قبل كده اقدر اقولوقو ان انا يعتبر اللى امتلكتهم مش هو نظرا لقوة الروابط اللى بنا الاولى نيسان نص نقل موديل 86 والثانيه مرسيديس mb100 فان موديل 98 خمسه سلندر الاولى كانت اربعه 2700 سى سى ........... انا كنت عايز اقول بس تعليق الاخ اللى اتكلم بالانجليش وقال ان الديزل محتاج بطريه جامده عشان تقومه بمعنى اصح الدواره بتاعت الصبح ..... الكلام دا صحيح بنسبه 100/100 لان الديزل مش بيعتمد على نظام كهربه داخل الموتور زى البنزين يعنى الديزل موتور مش دخله كهربه لو دورت العربيه وشيلت البطريه العربيه تفضل ماشيه ولا اى حاجه حتى لو الدينمو متشال ودى عن تجربه شخصيه .........احب اوضح كلامى يعنى ايه مش دخله كهربه ................يعنى مش بيعتمد على بوجيهات واسبراتير وكربيراتير او كتينه او سيور تقسيمه زى البنزين يعنى موتور ذاتى الحركه مش محتاج حاجه تشعل حركته .......... بيعتمد على نسبه انضغاط الهواء داخل الموتور + درجه حراره الجاز بمعنى ان العربيات الديزيل فيها حاجه اسمها سخانات مكان البوجيهات السخنات دى بتشغلها بس الصبح وانت بتدور العربيه عشان الجاز اللى داخل الموتور يسخن والعربيه تدور غير كده هى ملهاش اى لازمه وملهاش استخدام تانى عشان كده انا بقول عليه موتور زاتى الاحتراق ...... ودا اللى بيعمل منه موتور جبار يكاد يكون مبيبوظش خالص كا ميكانيكا والله العظيم احنا اكتر خلق الله اهمالا فى الارض يكاد نكون مبنصرفش على العربيه غير جاز وزيت ورغم كده بقالنا فوق العشرين سنه مبظتش مننا عربيه جاز ووقفت غير الصيانات اللى هيا عباره عن طقم دبرياج وبطريه واسطوانه وبس والكلام دا كل كام سنه مرة بس هو بصراحه موتور بياكل بطريات اكتر من موتور البنزين......واتمنى انى مكونش طولت عليكو......
بالنسبه للتسارع فانا عايز اعرف ازاي العربيه النص نقل الجديده 2500 سي سي تيربو والتسارع بتاعها غبي ومش بعرف اشد معاها وامبيرها 220 وعلي كلامكم المفروض تبقي بطيئه.
استهلاك البنزين لسه والدي حاسبها - راح من الاسكندريه للعاشر ب 35 جنيه وطبعا رايح محمل وراجع فاضي
شوف المسافه كام ولتر السولار كام واحسبها
يعني مثلا صفيحة بنزين 80 تعمل 120 كيلو بتكلفة 18 جنيه
يعني مثلا صفيحة سولار تعمل 160 كيلو بتكلفة 22 جنية
أعتقد أن الفرق مقبول مش كبير ؟ ولا اية؟
انا بفكر اشتري سوزوكي اللي هية الصغيرة وفيها صندوق أو اشتري دبابة فعاوز اعرف اية رائيكم
شباب لو سمحتم ممكن اعرف موتور الدبابة 2011 التيربو ديزل بكام
بصراحة سحبها حتي وهي محملة عاجبني جدا جدا هي والتويوتا النص نقل الجديدة بس التويوتا مواتيرها غالية اوي
واكيد الشيفرولية ارخص
انا سمعت ان موتور التويوتا التيربو ديزل ب 24 الف سغرة عالي اوي دا لو كان حقيقي
اتمني حد يرد عليا
موتورا لنص نقل اللشيفروليه والايسوزو كله ايسوزو وبصراحه جبار
2500 سي سي تيربو 4 سيلندر
انا شفت ال Specs بتاعة الموتور والعربيه وكانت بتجيب ال 100 في 12 ثانيه واعتقد انها اسرع من كده لو قرص عليها
بس اللي استغربتله ان الموتور تقريبا مش فاكر قوي بس كان 87 حصان او 78 مش عارف ازاي بس العزم كان كبير
في ملحوظة كمان في الديزل بعد ما تول المشوار مينفعش تبطل العربية على طول سيبها شوية دايرة وبعدين بطلها
باشا موتور الدبابة التيربو ديزل 2011 = 58 حصان فقط لا غييير ههههههههههههههههههههه
شفت ال 58 حصان جبارين ازاي بعكس اي عربية ملاكي بيتكتبلك عليها انها 100 حصان ومع كدا الدبابا بتلعب احلي لعب مع اجمد عربية 100 حصان ملاكي
لية بئي؟؟؟
ما هو يا شركات تصنيع الملاكي بتشتغلنا
يا بتشتغلنا شركات تصنيع الملاكي
58 كيلو وات مش حصان
لو حولنا 58 ك وات هاتكون النتيجة 80 حصان . ده اولا .
ثانيا
العربيات النص نقل علشان عزمها عالي جدا على ار بي ام صغير فهاتسحب كويس على سرعات صغيرة (انابتكلم على احاجات اللي من غير توربو )
لغاية 100 هايسحب حلو قوي
بعد كدا فرق الحصان اللي بينك و بينه هايظهر و الملاكي هايسحب أحسن و يجيب سرعات اعلى في فترة زمنية أقل من النص نقل .
الفرق أن انت هاتحرق على الموتور و هو متصمم لكدا
هو لو حرق على موتوره فكدا بيضره و حتى لو حرق .... برهض مش هايعرف يوصل للسرعات العالية في نفس الفترة الزمنية اللي أنت ممكن توصلها .
و مش معنى كدا أنه هايختفي من وراك
لأن الفرق مش كبير قوي في الحصان (20 حصان مش فرق كبير خصوصا أنه عنده عزم عالي قوي بيوصل ل 180 نيوتن على المتر على عدد لفات موتور صغير قوي بعكس البنزين اللي عزمه أقل و كمان على عدد لفات أكبر ) .
ياباشا الدبابه الجديده دي غبيه وبتسحب علي اي سرعه
يبقي ماشي جنبي علي 140 ويشد احس اني وقفت
العربيه فظيعه بجد وراعي ان وزنها 1390 كيلو وموتورها 79 حصان وعزمها 176 نيوتن / متر
كل المعلومات هنا
\http://www.gmegypt.com/......._data/...imensions.html