اقتباس المشاركة الأصلية كتبت بواسطة karim_monir مشاهدة المشاركة
السلام عليكم ورحمه الله
عذار لتاخري ولكن لعذر
تم توقيع الاتفاق بالفعل منذ اسبوع تقريبا ويبدء تفعيلة من او ديسمبر الحالي
الشكر كل الشكر لله اولا على فضله ونعمته
ولاخي الاصغر سنا الاكبر مقاما احمد مصطفي الي لا يمل من خدمة زملائه في قسم نيسان
والذ اصبح من افضل الاقسام لدينا سواء على مستوي التنظيم او العروض والخدمات
وخلاني جديا افكر ابيع الكرولا واشتري قاشجاي عشان استمتع شوية بالعروض دي :-)
مش قادر اقولكم اني بستقبل بمعدل من تليفون الى تليفونين يوميا من احمد عشان خاطر اعضاء القسم
لدرجة اني فكرت اكتبله تنازل رسمي في الشهر العقاري عن قسم نيسان عشان تعبه ومجهودة فيه
شكرا مرة تانية ومعا من نجاح الى نجاح اكبر
وشكر خاص لمهندس راجي رئيس مجلس ادارة اوتو ايجبت لسعة صدرة ووقته الثمين
وفعلا شرفت بمقابلته ومن القلائل اللي تستمتع بالحديث معهم سواء لعلمة او لسعة افقة وتفكيرة
تحياتي
حقولك على البيانات وكل اللى انت عايزه عشان التنازل يا كيمو ههههههههههههههه
لا والله ياكريم .. انت زرعت فينا المحبة للنايل موتورز .. لان احنا كمان شايفينك لا تمل ولا تكل فى خدمة اى حد خارج المنتدى

ده غير ان الموقع ده ليه فضل كبير بعد ربنا سبحانه وتعالى .. ان الواحد اتعرف منه على اخوان ليه فى الله .. وعشان كدا .. الواحد مش بيتاخر عن خدمتهم ابدا .. وبنبذل اقصى جهد عشان نرضيهم

وفعلا قسم نيسان منظم بالروح اللى فيه .. لان روح الاسرة هى اللى بتميزه

وطبعا انت معانا اساسى فى اختبار القاشقاى الاتوماتيك على اول السنة مع الاعضاء الناشطين فى القسم .. عشان نحببك فيها .. وتبقا معانا على طول باذن الله

وفعلا شركة اتو ايجيبت من الشركات المحترمة جدا .. اللى بتهتم بعملائها جدا .. ودايما بتحب يكون فى تواصل بينها وبين عملائها .. وفعلا هما حققوا نجاح مذهل فى المبيعات فى نيسان .. واستحوذوا على 40 % من السيارات اللى بتخرج من المصنع .. عشان البيع .. وده بيدل على ثقة نيسان فى احد موزعيها المعتمدين الناشطين والمميزين لديهم

وياذن الله انا بتوقع لهم النجاح فى مركزهم الجديد فى الصيانات .. وواثق انهم فى اقل وقت حيكون لهم تواجد قوى فى الساحة باذن الله وحينافسوا بقوة

لان اجمل ما يميزهم انهم بيحبوا شغلهم جدا .. وشغالين بحرافية عالية .. فى الصيانات .. بيقفلوا العربيات بالعزم المذكور فى المانيول حتى لو كان مسمار فى الكاوتش بيتربط بعزم معين
غير الاجهزة الحديثة والمتطورة لديهم فى المركز

وجدت معهم لاعضاء النايل موتورز افكار عديدة وخدمات .. فى عالم السيارات والصيانات
سوف نطبقها تدريجيا

وايضا نحن بدورنا لدينا لهم افكار عديدة تساعد الطرفين على تقديم خدمات مميزة

تحياتى للجميع والف مليون مبروك