عاوز اعرف معلومات عن تيدا سيدان 2013

**beshoyyy** · 19-02-2013 04:12 PM

بعد التحية
ارجو الافادة عن كماليات نيسان تيدا سيدان اول فئة اتوماتيك 2013 انا حجزتها في مودرن موتورز و قال لي انها بها عدد 2 وسادة هوائية لكل من السائق و الراكب الامامي و قال لي ايضا انها بها كمبيوتر لحساب استهلاك البنزين و الطابلوة مكتوب علية في اليسار و اليمين انة بة ايرباج و لكن اتصلت اليوم بتوكيل نيسان بالرقم المختصر 16244 و كانت الاجابة اني السيارة بها واحد ايرباج فقط للسائق و لا يوجد بها كمبيوتر لاستهلاك البنزين و قال لي اني التابلوة بينزل كلة واحد بس مش متركب فية غير واحدة ايرباج فقط اما الفئة الاعلي هي التي بها اثنين ايرباج ارجوا الافادة من حضراتكم و شكرا

**Nashaat Rady** · 20-02-2013 01:31 AM

السلام عليكم،

السيارة اللي انت حجزها فيها الآتي:

:Full options

عجلة قيادة آلية المؤازرة )باور ستيرينج(
غلق مركزى للأبواب
مكيف هواء عاده - ٤ سرعات
زجاج ملون
زجاج كهربائى أمامى / خلفى
مرآه جانبيه تضبط كهربائياً
مقبض الأبواب الخارجيه و المرايات الجانبية و الاكصدامات بلون السيارة
فتح غطاء خزان الوقود من الداخل
راديو كاسيت ٤ + سماعات. AM/FM CD W/MP3 AUX-JAck
وسادة هوائية للسائق
وسادة هوائية للراكب الأمامى
حوامل أكواب أمامية
التابلوة و الأبواب مطعمة بالألومونيوم
عجلة قيادة قابلة للتعديل
مخادع رأس أمامية و خلفية
مصابييح أمامية هالوجين
مصابيح ضباب أمامية
مساحات مطر بسرعات مختلفة
مصباح فرامل علوى
مزيل ضباب للزجاج الخلفى
مانع تشغيل المحرك )مضاد للسرقة(
(ABS) فرامل مزودة بجهاز مانع للأنغلاق
(EBD) نظام التوزيع الإلكترونى لقوة الفرامل
(BA) نظام مؤازرة الفرامل
مرآة مضاءة للراكب الأمامى

و ينقص منها الآتي :
Full options plus.

مكيف هواء أوتوماتيك غير ضار بطبقة الأوزون
٦ سماعات بدلاً من ٤
مسند ذراع أمامى مع أماكن تخزين
كونسول سقفى مع لمبات قراءة و مكان لتخزين نظارة الشمس
عجلة القيادة مكسوة بالجلد الطبيعي
أحزمة أمان أمامية مجهزة بنظام الشد المسبق
جنوط رياضية ١٥ بوصة
مسند يد خلفى
فرش مخمل فاخر
تبطين مزدوج لفرش الأبواب و مساند اليد

وألف مبروك مقدماً

**Nashaat Rady** · 20-02-2013 08:54 AM

المشاركة الأصلية كتبت بواسطة beshoyyy

تحياتي لاستاذ / نشات راضي
و شكرا للافادة و هل يوجد فيها كمبيوتر لاستهلاك البنزين
شكرا

لا يوجد... عداد بنزين analogue و لمبة برتقالي رزلة لما المؤشر يقرب للآخر
و أهلا بيك في المنتدي، عضو جديد زي حالاتي

انا لسا شاري واحدة هاتش باك من أسبوعين انا كمان.
مبروك علينا التيدا... سيارة أكثر من عظيمة

**3bdelr7man23** · 21-02-2013 08:57 PM

انا بردك حاجزها بقالى شهر ونص اهو ، ولسا ماستلمتهاش ، بص يا سيدي ، العربية اللى انا حجزتها زيك بالظبط ، اول فئة ، فيها كمبيوتر رحلات ، ايرباج للسواق بس ، abs ، ebd ، ديفيدي - سي دي - aux ، السماعات عددها 4 بس ، التحكم في زوايا المرايات كهربيا ، تكييف عادي مش اوتوماتك ، فوانيس ضباب أمامية بس ، عجلة القيادة الكتروني ، طبعا الزجاج كلو كهرباء ، والتحكم بزجاج السائق فقط بلمسة واحدة كربائيا + التحكم في زجاج باقي الراكبين من باب السائق ، جنوط عادية ، بس كدا اظن ان حضرتك تعرف الباقي :)

**Nashaat Rady** · 21-02-2013 09:36 PM

انا اشتريت من المصرية بعد ما كنت حاجز و اشتريت دماغي و حوار السعر عند الاستلام ده مش داخل دماغي

يعني باشتري منتج مش عارف هو بكام.!!!

**beshoyyy** · 24-02-2013 01:34 PM

انا اتصلت بالتوكيل و قالي اني فيها واحدة ايرباج و لا يوجد بها عداد كمبيوتر رحلات
بس كنت عاوز اعرف هي فيها لمبة زرقاء و حمراء للحرارة ولا لاء
شكرا

**Nashaat Rady** · 24-02-2013 08:09 PM

المشاركة الأصلية كتبت بواسطة beshoyyy

انا اتصلت بالتوكيل و قالي اني فيها واحدة ايرباج و لا يوجد بها عداد كمبيوتر رحلات
بس كنت عاوز اعرف هي فيها لمبة زرقاء و حمراء للحرارة ولا لاء
شكرا

العربية ٢ ايرباج، و كمبيوتر رحلات، والي قالك في التوكيل كلام غير ده، يبقي لسه متعين امبارح، مالوش فيها.

و مافيهاش لمبة زرقاء ولا لمبة نور واطي و لا لمبة فوج لايت و لا لمبة ebd،

بس فيها لمبة حمراء فقط.

تحياتي