المارد الكوري والصني

**tutankhamoun** · 04-12-2011 09:18 AM

المشاركة الأصلية كتبت بواسطة omar_4ever

معلش اصلهم مساقوش نيسان قبل كده
إلي غايظني انه بيقولك فيرنا
انا قريبي اشترى فيرنا سنة 2006 وكانت مانيوال 1500 سي سي
العربية مكملتش شهر وجابت جير بوكس كامل وكان سعره في التوكيل ايامها 30 الف جنيه !!

واحد معانا في المنتدى أشتري عربية مرسيدس (ألماني - قمة الصناعة السيارتية في العالم -

)
جابت موتور كامل بعد 800 كم فقط لا غير و مرسيدس برضه شالت العربية في الضمان
بس غيروه على حسابهم

علشان كدا فيه ضمان ضد عيوب الصناعة (اللي بتحصل في أي ماركة )
الفيرنا ديه اصلا افتكاسة وانا معرفش ازاي لحد انهارده لسا بتنزل 2011 !!
دي في السعودية هيونداي اكسنت 2005 ! و بعد كده الشكل إلي هو بيتقال عليه عندنا نيو اكسنت وبعد كده الشكل إلي بيتقال عليه عندنا اكسنت rb

من الآخر الفرينا ديه عربية تقضي بيها مشاويرك تحترمها تحترمك قطع غيار برخص التراب - اي ميكانيكي بيفهم فيها اه بس مفيش مقارنة بنيسان خااااااااااااااالص

ليه ما تتقارنش بنيسان
تتقارن بأي عربية 1600 حجم السيدان ده من أول الفيرنا لغاية السيفيك

و المقارنة لها أوجه كتير ..........
إنما المقارنة تجوز يعني مش حرام

**M.Nabeeh** · 04-12-2011 09:55 AM

المشاركة الأصلية كتبت بواسطة noon_eg

صلوا على النبى يا اخوانا

الموضوع بسيط جدا

العربيات زى اى حاجه فى الدنيا اللى بتاخده من العربيه بيكون بالضبط هو قيمه ما تدفعه فى سعرها

اقل حاجه نعرفها فى عالم السيارات حاليا

هى العربيات الصينى

ثم العربيات الماليزى والهندى

ثم العربيات الكورى

ثم اليابانى

ثم الاوروبى والامريكى

ثم الالمانى ودى قمه صناعه السيارات فى العالم

[overline]ده كله بفرض تثبيت الفئه السعريه فى المقارنه وحجم العربيه كمان[/overline]

نيجى بقى لينا احنا .. ليه احنا اشترينا الصنى ؟؟
===========================

رغم وجود بعض عيوب التقفيل غير القاتله فيها ( وانا واحد من اللى عندهم عيوب مش راضيه تتحل -- بس ما علينا )

لان ببساطه شديده العربيه اليابانى ال 1600 وفيها abs و اير باج بتكون فى رنج 120 - 150 الف ( لانسر - كرولا - مازدا 3 - سوبارو امبريزا - هوندا سيفك )

ولاننا مش عايزين ندفع هذا المبلغ فى حته حديده مرميه فى الشارع ومعرضه للسرقه والبهدله ( نظرا للموارد الماديه المتاحه )

دورنا على اقرب شىء لها فى الامان والجوده و النعومه والامكانيات لقينا ببساطه " بسم الله ارحمن الرحيم -- الاجابه : صنى

والاخ صاحب الفرينا لو كان معاه فلوس اكتر من 62 الف بشويتين لغايه ال 80-90 الف كان برضه اشترى صنى او اى حاجه اعلى من الفيرنا

فبلاش نتكلم كلام مالوش معنى ونضيع مجهودنا فى صراعات لا طائل منها

وفى النهايه من جميع النواحى : الصنى تكسب الفيرنا مليون مره بالرغم من كل عيوبها اللى مضيقانى انا شخصيا وكفايه الامان اللى فى الصنى واللى مافيش ريحته فى اى عربيه كورى مهما كانت

مع احترامى لكل ملاك الكورى والصينى وما يستجد من ماركات لا اصل لها ولا فصل

ممكن تقولنا أيه هيا عيوب التقفيل اللي عندك علشان كلنا نستفيد

**noon_eg** · 04-12-2011 10:18 AM

المشاركة الأصلية كتبت بواسطة m.nabeeh

ممكن تقولنا أيه هيا عيوب التقفيل اللي عندك علشان كلنا نستفيد

لو حضرتك دورت شويه فى مشاركاتى حتلاقى كل شىء بالتفصيل

لو ما عرفتش توصل لحاجه ممكن ارد عليك فى رساله خاصه لان فيه ناس هنا اتعقدت من انتقادى للعربيه الصنى والتوكيل بتاعها ومراكز الصيانه

**M.Nabeeh** · 04-12-2011 10:55 AM

المشاركة الأصلية كتبت بواسطة noon_eg

لو حضرتك دورت شويه فى مشاركاتى حتلاقى كل شىء بالتفصيل

لو ما عرفتش توصل لحاجه ممكن ارد عليك فى رساله خاصه لان فيه ناس هنا اتعقدت من انتقادى للعربيه الصنى والتوكيل بتاعها ومراكز الصيانه

في انتظار رسالتك علي الخاص!!!

**SonaSteel** · 04-12-2011 12:50 PM

متابع باهتمام حوار شيق جدا وسبحان الله طريقة الكلام والحوار جميلة ماشاء الله
واخلاق ناس نايل موتورز ونيسان بصحيح

**WalidAdel** · 04-12-2011 02:35 PM

"صمتي لا يعني جهلي بما يدور حولي و لكن ما يدور حولي لا يستحق الكلام"

ريح نفسك من الكلام في الحاجات دي لان مش هايفيدك بحاجه ولا هايفيدهم بحاجه و كل كل واحد فاكر ان الحاجه اللي معاه دي احسن حاجه حتي احنا فاكرين ان الصني دي 100 100 بغض النظر ان ممكن الكلام ده يحتمل الخطأ او الصواب بس هانقول ايه ... ريح نفسك من مثل هذه المناقشات الغير مجديه بالمره

**Dr'AhmZZong** · 04-12-2011 02:48 PM

المشاركة الأصلية كتبت بواسطة walidadel

"صمتي لا يعني جهلي بما يدور حولي و لكن ما يدور حولي لا يستحق الكلام"

**Ahmed_Rahem** · 04-12-2011 02:51 PM

هو انت كمان قريت الموضوع دة، انا قريتة وبعدين كبرت لما شوفت حجم الردود شكلها عامل ازاى.
فرنا بيشد مع فرنا (يا قلبى لا تحزن) ابقى انا استفد اية!!!
وباقى التعليقات كلام فلسفى عن ان طلع من عربية وعمل، هو لو واحد عدى منى يبقى كدة عربيتة احسن منى!!!؟
على كدة لو تك تك عدى منى ابيع الصنى واجيب تك تك ههههههههههههههههـــــــــ ـــــــــــــــــــــــــ ـــه
المواضيع دى للتسالى والقراية وتغيير الجو فقط لا غير وممكن تلاقى واحد محترم واضع رد يكون فية معلومة مفيدة بردة.

-

-

الموضوع: المارد الكوري والصني

LinkBack

أدوات الموضوع

عرض

-

-

-

-

-

-

المواضيع المتشابهه

انا وانذار سباى والصني واوتو ايجبت... رحلت العذاب والضنا

باركولي يا جماعة ! بقيت من ملاك المارد الكوري

المارد الكورى كان عايز يلبسنى

عندما يصارع المارد الكوري ماردا آخرا !

انا لسة مسجل النهاردة ومحتار بين الاوبترا والصني ex

الكلمات الدلالية لهذا الموضوع

المفضلات

المفضلات

ضوابط المشاركة