جولييت والجنوط ال18

**Engineer_M** · 04-12-2011 10:34 AM

انا كنت متردد اني اقولكم نظرا للهجوم اللي عارف اني هتعرضله بس الحقيقه انا حبيت اكتب بس عشان اقولكم ان اللي مجربش ميخوفش الناس علي السمع جرب وبعدين قول تجربتك الشخصيه
الموضوع ببساطه اني لقيت طقم جنوط O.Z اسبور استيراد نازل علي عربيه هوندا 18 بوصه بفردتين كوتش بسعر تحفه استخرت ربنا وقايست وجبتهم رشيته نضافه وجبتله فردتين قدام وركبته من اسبوعين في عربيتي الجولييت هتقولولي يا مفتري هتبهدل العفشه عاوز اقولكم ان فرده الجنط الجديد بالكاوتش اخف من الجنط ال15 القديم بكاوتشه 4 كجم وكمان الدركسون خف والعربيه بقيت تحفه عليت عن الارض حوالي 1 سم ودا انا مخفتش منه لسببين الاول اني مركب المكنه ال 1600 سي سي علي العفشه القديمه وبالتالي العربيه اصلا من قدام واطيه وورا كده كده الجولييت لما بتجري ضهرها بينزل علي الارض والتاني ان انا ارتحت من الحك في المطبات انا جبت بيها علي الدائري مرتين ال200 والعربيه ماشاء الله تحفه في الثبات وكمان عداد السرعه بقي بيقري قراءه مظبوطه هقولوكو ازاي في السريع كده عدادات السرعه في كل عربيات الدنيا بتقرأ سرعه اعلي من سرعه العربيه الحقيقيه من 5٪ ل 10٪ معرفش ايه السبب انا كان عندي اعلي بحوالي 6٪ بعد ما غيرت الكاوتش بقيت تقريبا صحيحه والكلام دا تتاكدو منو من google اعملو بحث عن GPS speed vs speedometer دا معروف في الدنيا كلها.
اخيرا بقي الكاوتش مش بشع ولا حاجه في المطبات والتكسير بالعكس عادي جدا شويه حرص مش اكتر واللي راكب جوا العربيه محسش بفرق ملموس.

انا بحيي صاحب الGen2 علي خطوه الجنوط ال18 وإن شاء الله مش هنندم.

ولو حصل لا قدر الله الجنوط القديمه بكاوتشها عندي هركبهم وبردو هقولكم بس إن شاء الله مش هيحصل

كل تعديلات عربيتي هتلقوها هنا

**max_ziro** · 04-12-2011 04:40 PM

ماشاء الله
تعديلاتك جميلة
بس انا رأى ان الفرامل كل ما تكون اقوى كل ما كان احسن مش زى الاخ بتنجان ما بيقول دة ميعرفش عندنا فى مصر الحال اية ممكن تلاقى موتوسيكل صينى فجأة او كارو مثلا على طريق سريع هههههههه
انا عندى معدل الفرامل بردو و بحس ب امان اكثر بس بقلق من الى بيكون ورايا

**shaddadfalcon1** · 04-12-2011 05:38 PM

بيتهيالي الجنوط هتقي احلي في الأسود

**khaled_yassin** · 05-12-2011 04:47 AM

بسم الله ما شاء الله
ربا يباركلك فيها الجنط جميل

**khaled_yassin** · 05-12-2011 05:02 AM

انا شوفت العربيه بس عايزين تفاصيل وخصوصا موضوع الفرامل
وتقولنا مين الى عملك الشغل دة , علشان لو محتاجين

**beetleMOSH** · 05-12-2011 05:17 AM

جميل جدااااااااااا ما شاء الله
و على فكره عادى جدا انا صاحبى حاطت جنوط 17 فى جوليت برضه
و عادى يعنى الدنيا فل اخر حاجه
هى بس زى ما انت قولت شويه حرص بس فى المطبات و التكسير و خصوصا الحديد اللى فى الارض ده
و شكرا على كده
و شكل العربيه جاحد :)

ربنا يباركلك فيها :)
و من رايى الابيض تحفه على الاسود
و عامل شغل :)
تحياتى

**hazemsagherh** · 05-12-2011 09:42 AM

ربنا يكرمك ويكفيك شرها

تعديل جيد

**ahmedaglan** · 05-12-2011 10:04 AM

ماشاء الله لا قوة الا بالله
وانا عايز اسأل حضرتك لما حد بيركب ورا اية الاخبار بتحك ولا حضرتك عامل صدادة

**max_ziro** · 05-12-2011 01:14 PM

المشاركة الأصلية كتبت بواسطة engineer_m

مانا انا معدل فرامل قدام وورا انت ما قريتش التعديل في cardomain?

بالنسبه للون الجنت اصلا نازل ابيض وانا رشيته نضافه بس وبصراحه نطق لون العربيه الكئيب بتاعي

قريت ياباشا و عشان كدة بقولك انا مخالفة فى الرأى

الموضوع: جولييت والجنوط ال18

LinkBack

أدوات الموضوع

عرض

-

-

-

-

المواضيع المتشابهه

مناقشة..السول الجنط 16 أسرع من الجنط ال18..السيراتو معانا بردو

لسه جاي من فرح والجنوط سخن جداا

موضوع الكاوتش والجنوط

الكاوتش والجنوط ومقاستهم

الترصيص والجنوط

الكلمات الدلالية لهذا الموضوع

المفضلات

المفضلات

ضوابط المشاركة