[QUOTE=MaZaGAngeE;3873974111]نحتوي مين ؟
دي مشكلة فلسطين ليها حل و المرأة المصرية الكتالوج بناعها ضاع من آلاف السنين و بالتالي محدش عارف يعملها حاجة تتظبط بيها
1- تحب فيها تقولك خير فيه ايه
2- تسكت تقولك مالك ساكت ليه خلصت كل الكلام مع اصحابك
3- تشتغل و تركز في شغلك تقولك انت راميني و مش معبرني
4- تقعدلها في البيت تقولك قوم من الاوضة عشان عايزين ننظفها ... تسمع الكلام تيجي وراك على الاوضة التانية تطلعك منها مع ان البيت كان قبلها بيوم شايلينه و حاطينه .. أو ان النظافة بتخبك يوم الاجازة بتاعك ..
5- تديها فلوس تقولك مش كفاية
6- تجيبلها هدية تقولك ايه المناسبة
7- تقولها الواد بيعيط تقولك ما تشيله انا تعبانة مع انها قاعدة في البيت على طول و انت اللي عين اهلك طالعة
8- تقولها نخرج تقولك ازور امي
9- تقولها نزور امي تقولك ما كنا عندها من 6 شهور هوه احنا كل ما نخرج نروح عند امك
10 - دائما و ابدا و كيف عندها تنشن على الوقت اللي انت مفلس فيه و تقولك عايزة 500 جنيه عشان حاجة مفيش اي داعي ليها من اصله
11- اول ما تدخل من باب البيت و انت راجع بتسب و تلعن في الزحمة و الشغل و اللي مشغلينه و العيشة و اللي عايشينها و العربيات و حران و بشر عرق عشان ام الكهربائي مغيرش كتاوت مش عارف ايه بتاع التكييف و طالع بتاع 8 و لا 9 ادوار على السلم عشان المدام جارتكم ماسكة باب الاصانسير و بتحكي في الموبايل مع صاحبتها تلاقيها في وشك بتقولك كويس انك جيت الحق هاتلي باكو زبدة عشان الاكل على النار .....( دي بقى تروح بيت ابوها وقتي )
12- تبقى قاعد في امانة الله لا بيك و لا عليك و مستمتع بفيلم و لا برنامح تبص تلاقيها مسكت الريموت و هوووب تجيبلك برنامج بتاع طبيخ و بيقولوا على اكلة صيني و تقولك سوري يا حبيبي اصلي متابعة البرنامح و الفيلم ده هيتعاد بالليل و بعدين ما انت شفته قبل كده ...
13 - تبقى راجع بيتك و الحياة حلوة و مزاجك عال العال و الدنيا ربيع و الجو بديع و داخل الابتسامة منورة وشك تلاقيها بتستغل الفرصة و تروخ مدخلاك في حوار عن مصاريف المدارس و لا حماتك مش عارف ايه و تقلبلك مزاجك و تعكره و تبصلك في منتهى البراءة و تقولك ايه يا حبيبي ده انا بس كنت بحكيلك اللي حصل ... و يا فرحة ما تمت
14- تبقى قاعد في حالك و مستسلم لقدرك و بتقول في نفسك معلش اديني بخلص ذنوبي في الدنيا عشان اروح الآخرة خفيف ... تلاقي حماتك جاية تجر شكلك و تسحلك معاها من غير مناسبة
15 - ايه تاااااااااني يا رجالة
دي تجميعة كده على السريع و لو افتكرت حاجة تانية هقولكم عليها
الكتالوج ضاع يا رجالة و محدش يدرو عليه او يلعب في الريموت عشان اي لعب هتبوظ منك اكتر ما هيه بايظة[/Q
والله والله والله جبت من الاخر
المفضلات