الموضوع: اهداء الي كل زوج شايف نفسه انه اختار....................

المشاركة الأصلية كتبت بواسطة mazagangee

نحتوي مين ؟
دي مشكلة فلسطين ليها حل و المرأة المصرية الكتالوج بناعها ضاع من آلاف السنين و بالتالي محدش عارف يعملها حاجة تتظبط بيها

الكتالوج ضاع يا رجالة و محدش يدرو عليه او يلعب في الريموت عشان اي لعب هتبوظ منك اكتر ما هيه بايظة

ههههههههههههههههههههههههه ه انت لسه عندك تاني بعد ال 170 بند عيوب
صدقني لو هندور ونعد وراكم عيوب الرجل المصري هتطلع اضعاف عيوب الست احنا بس بنكبر مخنا غالبا وبنفوت لما نبقى عايزين نفوت واخد بالك من لما دي
انا بقيت اعتبر نفسي مخلفة 5 مش 4 واكبرهم الشاب الوسيم جوزي وهو نفس الحكاية
انت لو عندك طفل طباعه صعبة هترميه ولا هتتعامل معاه بما يناسب شخصيته وطباعه
كلنا بنمر بظروف صعبة في علاقتنا بالطرف الاخر من وقت للتاني وبتكون غالبا لاسباب تافهة متراكمة
وكل واحد بيبقى عايز يحمل الطرف التاني مسئولية توتر العلاقة لغاية ما كل طرف فعلا بيبقى مقتنع ان الطرف التاني السبب في كل المشاكل وانا كنت زيكم كدة لحد من سنتين تقريبا وبقيت ادور على طرق ابعد بيها عن المشاكل زي الشغل في مكان تاني غير شغل زوجي مع اني كنت ناجحة معاه جدا واتبطرت على النعمة ااو الخروج مع اصحابي او الانصهار التام في العالم الخزعبلي النت او او ........
لحد مافي يوم ربنا الهمني الصواب بعد مادعيته كتير يلهمني الصواب وقلت طيب بدل مفكر في طرق للهروب مفكر في حل المشكلات من اساسها
وبقيت اقول طيب هاعدل عيوبه ازاي خلاص مفيش امل
وربنا الهمني الصواب بدل محاول اعدل عيوبه هو طبيب معدل عيوبي انا الاول واشوف ايه اللي هايحصل
من هنا بقيت ادرس شخصية نفسي وقلت ياه كل دي عيوب فيا ده انا لا اطاق وكتر خيره انه مستحملني
دربت نفسي ان معلقش اخطائي على شماعات الاخرين شماعتي اولى بيا
واتعلمت ان بالرغم من كل مزاياي وكل عيوبه فمزاياه اكتر من مزاياي وعيوبي اكتر من عيوبه
وبالتالي هو كمان غير من نفسه تدريجي لحد الدنيا مابقت بيييس الحمد لله
فليه كل واحد فيكم شايف انه مش سعيد وتعبان في حياته يستنى لما الطرف التاني هو يتغير ليه ما يبدأش بنفسه ويصبر ويدعي ربنا ونخلي عندنا امل وتفاؤل ونقعد نكرر 100 مرة في اليوم
الحياة بمبي الحياة بمبي الحياة بمبي الحياة بمبي الحياة بمبي الحياة بمبي الحياة بمبي الحياة بمبي ههههههههههههههههههههههه
صدقني هتلاقيها بمبي بعد شوية

المشاركة الأصلية كتبت بواسطة النوبي

هو الموضوع الحمد لله عدي علي خير بس اللي احتوي الموضوع محمد علشان عيد ميلاده
رحت اشتريت تورته واشتريت شويه جاتوه وكام لعبه وبعتهم البيت عند امها مع واحد من العمال راحت قالتله وصلني البيت واتصلوا بيا وروحت وقضينا اليوم امبارح بتصالح فيا والصراحه اتعززت شويه بس لما لقيت ان الوضع هيرخم قلت خلاص وعديتها
الستات دول عندهم قدره عجيبه للنكد وعندهم قدره اعجب في المصالحه خصوصا لما تحسس الواحد انها ضعيفه
الحمد لله ان الموضوع عدي علي خير بس ده ميمنعش ان الستات بيعشقوا النكد زي عنيهم وعايزين واحد دماغه عاليه ومع الاسف انا في معظم الاحوال مبقدرش افوت
المهم سلام احسن شكلي هتقفش والصراحه انا معنديش اي استعداد للخناق تاني اشوفكم بالليل

شوفت يا نوبي لمجرد انك عملت خطوة واحدة ايجابية هي ردتها لك ازاي
مع ان ده عيد ميلاد الولد مش عيد ميلادها هي بس شيلاهالك جميلة
وبعدين لو الستات بيعشقوا النكد دي طبيعتهم لو كان ممكن تتغير مكنش حد غلب

اخجلتم تواضعنا
بس خلي بالك انا بردو شايفة نفسي اني ست الحسن والجمال يمكن مكونش كدة فعلا بس هو اللي مديني الثقة الزايدة في النفس دي
اما الجزء الاخير من جملتك مش شايفاه في نفسي وده مايمنعش اني لما احب افرسه ازود الجزء الاخير بس بيني وبين نفسي مستكتراه هو عليا ... الحمد لله انه من كارهي نايل موتورز ومش هايشوف مشاركتي دي

متقلقش مش بيزهق لانه عارف اني بنكشه بس للضحك :)