الموضوع: سبورتاج هاى لاين ب 210 و كابتيفا ب 265 انى اللى احسن؟؟؟

المشاركة الأصلية كتبت بواسطة occullt

السلام عليكم....
بصراحه بقالى فتره عمال ادور وادعبس على كل ما يخص كيا سبورتاج وده حصل بعد ما شفتها فى معرض على الحقيقه وقعدت فيها...بصراحه اتوهمت
جميله جدااا مشاء الله ومن جوه واسعه ومريحه للى سايق واللى راكب معاك....وبدات رحله الاستفسار عنها وتجميع المعلومات .خصوصا لان سعرها عالى جداا وخطوه مش بسيطه ان ادفع المبلغ ده كله فى عربيه ...لاكن بصراحه ملقتش حاجه ينفع تتقارن بيها وحسيت انها فعلا فريده فى مواصفاتها...مع ان موضوع استهلاكها للبنزين ده قلقنى....
المهم قلت انوى اجيب الفئه اللى ب 210 عشان ماقولش كان نفسى يبقى فيها كذا او كذا
خصوصا انى مش ناوى ابيع ان شاء الله قريب ...مش اققل من عشر سنين عشان انا من نوع العشرى......

ناس من اللى بستشيرهم قعدوا يقولولى غاليه جداا ب 210 وبتستهلك بنزين برضه ياعنى ما استفتدش حاجه اوى من انها 1600 سى سى غير ان الترخيص هايقل شويه .... وقالوا بدل طلعت للمبلغ ده استنى حبه واجيب كابتيفا 4ْ فى 4 وقالولى ان استهلاك البنزين بتاعها 11.5 لتر يعملوا 100 كيلو ياعنى زى السبورتاج تقريبا ..وعزمها شديد واتجربت وتشتريها على طول من غير شرط انك تستنى من 5 لست شهور فى اى وقت براحتك

بعد ما قلتلكم بالظبط الحكايه ارجو من اعضاء المنتدى الاعزاء واهل الخبره والحكمه افاده اخوكم وجزاكم الله كل خير......

هو أنا حضرتك اللى اعرفه ان الكابتيفا الاوتوماتيك العاديه 3200 سي سي و ب 274 الف. و ال توب لاين داخله على 300 الف. اما السبورتاج الهاي لاين ب 210 و لو كان فى اوفر برايس هتبقى 225 الف و فى فارق كبير طبعا فى المواتير و لو حضرتك دخلت فى رينج السعر العالى ده بتاع الكابتيفا هيبقى عندك اختيارات كتيره محترمه زى الجيب رانجلر ب 270 الف و 3800 سي سي و ألبي ام ال 316 او 318 و الشيروكو بالنسبه للسيدان و بالنسبه لاستهلاك البنزين ال 3000 سى سى مش ممكن يكون استهلاكها للبنزين زى ال 1600 طبعا و نصيحه و حضرتك بتدور حاول تحصر احتياجاتك علشان ما تتوهش فى الاختيارات يعنى مثلا لو معظم مشاويرك داخل البلد و مفيهاش طلوع صحراء و لا طرق وعره و غرز و كده مش هتستفيد من ال 4 x 4 فى حاجه بل بالعكس هتلاقيها مش عمليه و استهلاك بنزين عالى مش هتستفيد بامكانياتها و هتدفع فلوس كتير فى حاجه مش هتستخدمها غير مره و لا مرتين بالكتير و هيكون الافضل لك حاجه شكل ال 4 x 4 و لكن موتورها عادى و استهلاكها فى البنزين معقول فالخلاصه حاول حضرتك تحدد احتياجاتك و بعد كده شوف ايه اللى يتناسب معها و بالتوفيق ان شاء الله