الموضوع: سبورتاج هاى لاين ب 210 و كابتيفا ب 265 انى اللى احسن؟؟؟

انا راى تصبر شويه الحال واقف والكل عايز يبيع وكل الشركات بتنافس
وفجاه حاجه هتنزل قويه جدا وبسعر خرافى وانت هتلاقى نفسك بتشترى من غير متفكر من امبهارك بالحاجه
انا لو مكانك هعمل كدا
مشيمكن السبورتاج تنزل خليجى و4x4 وبنفس كماليات اعلى فئه وكيل وبسعر اقل بكتير
او هيونداى تعمل زى كيا اسبورتاج
كل متصبر هتستفيد اكتر لان انا شايف فى كل التكنولوجيا - لاب توب - عربيات - موبايلات - شاشات تليفزيون LED

الاسعار فى النازل والاوبشن فى الطالع من الحالة الاقتصادية
راى شخصى

ملاحظتى على السبورتاج - صاج حسه خفيف وكمان مش محميه من الصدمات والتجريح والحكات وكمان لو ركبلها اكصدمات حديد شكلها هيبقى وحش
انا بحب ال \عربيات العالية انك تقدر تركبلها اكصدامات حديد من قدام وورا ومن الجناب للحمايه وتبقى سايق فى الزحمة متشلش هم والناس هيا اللى توعىالك زى الباجيرو والبرادو والجيب شيروكى وهكذا
لاكن السبورتاج عربيه بالحجم ده فى الزحمه بصراحة هتتعبلى اعصابى ولو اتحت من ميكروباص او تاكسى هزعل قوى قوى وبرده مش هيهون عليا ابوظ حمالها باكصدمات حديد

ففعلا الصبر مفتاح الفرج لحد متنزل حاجه لقطه تجبرك انك تشتريها ان شاء الله

كابتيفا استهلاكها للبنزين عااااااااااالى جدااا

المشاركة الأصلية كتبت بواسطة mohaismail

كابتيفا استهلاكها للبنزين عااااااااااالى جدااا

على موقع شيفروليه مصر كاتبين ان متوسط استهلاك الوقود ليها تقريبا 11.5 لتر لكل 100 كيلومتر
وده قريب جداا للسبورتاج ويكاد يكون نفس الاستهلاك
ده لينك الصفحه اللى كاتبين فيها مواصفات المحرك http://www.chevroletegypt.com/.........s/engines.html

.................................................. .................................................. .....

المشاركة الأصلية كتبت بواسطة darkmagician

من تجربتي لسبورتج 2000 سي سي في الامارات معجبتنيش والسلع اذواق بس حسيت ان سايق لعبة :(

مع ان ناس كتير شكروا فيها جداا ...حضرتك سوقت موديل سنه كام؟؟؟؟

هوا فعلا لولا اختلاف الازواق لبارت السلع ... ربنا يهدينا للى فيه الخير ...كل اللى تعابنى ان سبورتاج محتاجه 95 وده بصراحه اللى خلانى لحد دلوقتى ما احجزهاش ...بالرغم ان بيقولوا يمشى معاها 92 بس اللى قالوا كده بيسخدموا 95 عشان فعلا الواحد يخاف على عربيه بالمبلغ ده انه يحطلها حاجه ممكن يكون ليه اثار جانبيه عليها... وحتى الحماس اللى كان عند ناس وهيا بتتكلم عنها قل (على سبيل المثال ان اخ لينا على الموقع من المتحمسين ليها قال فيما معناه ان بدل كده كده هانحطلها بنزين 95 كانوا عملوها تربوا بحيث يكون هورس باور اكتر من كده وتخرج من مجال الشك والمقارنه مع مثيلتها ) ربنا يوفق الجميع وشكرا جداا لكل الاراء القيمه اللى بجد استفدت منها ... واكيد لو فى اراء تانى كلنا هانستفاد منها اكتر