اقتباس المشاركة الأصلية كتبت بواسطة A7MED_PHARMA مشاهدة المشاركة
السبت

طريق شبه مستوي .. شبه جميل .. شبه خالي
الطريق الرابط بين السنبلاوين والمنصورة
منطلقا بالسيارة , متجها للمدينة الكبير قاصدا مخازن الأدوية الكبرى
السرعة تقارب الــ 100 كم/ساعة
على يمين الطريق ينطلق بهدوء تاركا الكثير من السيارات الجامحة تتجاوزه
فجأة
لاتستجب السيارة لزيادة الوقود .. وتنخفض السرعة مع تصلب المقود
توقفت السيارة
الخاطر الأول كان (سلك الموبينة) فقد إعتاد منه ذلك
يدير السيارة مرة قبل أن تتوقف .. لاتستجب مع صوت المحرك
(يعني صوت إستجابة المحرك لتدوير السيارة أن ةالموبينة سليمة...وإن المصيبة السودا حصلت تقريبا)
يفتح الكبوت .. ينزع الغطاء البلاستيكي على (سيرالكاتينة)..ليجد ماتوقع
قطع السير
على الأسفلت والشمس فوق رأسه تضربه .. ساعة كاملة يشير للسيارات القادمة .. والكل يخشى التوقف أو يتجاهل
أخيرا .. تاتي سيارة قديمة وتسحبه لأقرب ميكانيكي بقرية ( البقلية)
" عاوزين سير" يقولها الميكانيكي بعد فك الآخر المقطوع
"مكنتك دي ؟" أقولها له .. فيعطيني إياها
على الدراجة النارية .. أنطلق للمنصورة
أحضر (سير) .. مقاس 109 بدلا من 107
أعود بالدراجة النارية مرة أخرى للمنصورة
وأحضر (سير)آخر
يتم التركيب .. "شغل العربيى" يقول الميكانيكي
تك تك تك تك تك ... تقول السيارة
Shit
"صبابات" يقولها الميكانيكي مبتسما للرزق القادم لامحالة
بالدراجة مرة أخرى ..للمنصورة
مطلب عدد 2 صباب عادم و4 صمام كبير .. إستيراد(علشان يكونوا مطبعين ع الوش)
أجوب المدينة الكبيرة في الحسينية .. يمينا يسارا ..محلا محلا على الدراجة
لا أجد
أعود فقط بــ (جوان الوش) بـــ 50 ج
والسير 100 ج
يتأخر الوقت .. أترك السيارة وأعود للصيدلية مواصلات

الأحد :
بعد أن تركت السيارة باليوم السابق
تم حل المشكلة قبيل وصولي .. وتم نقد الميكانيكي أجره
أنطلق إتجاه المنصورة بالسيارة
معدل الحرارة يرتفع فور وقوف السيارة في زحام الطريق بمدخل المدينة الكبيرة .. يبدأ (بخار الماء) في الفوران أسفل الكبوت
Shit
المروحة
الميكانيكي الغبي أعطب شيئا بدائرة (ثرموستات الحرارة والمروحة)
أقف بجانب الطريق .. أعيد ملء الماء وأشعل مروحة التكييف بعد تفريغ التكييف من الغاز
أنطلق بحثا عن كهربائي ليعالج مشكلة المروحة المتوقفة عن عملها الحيوي
دوران لليسار...أعطي إشارة لليمين لأتجاوز السيارة التي أشارت أنها ستتجه لليسار
تتجاوزني سيارة اخرى من يميني
أطلق قدمي ناحية الكوابح
لا كوابح
Shit
يرتطم الفانوس الامامي اليسار والرفرف بإكصدام حديدي للسيارة النص نقل أمامي
رفرف معوج .. وفانوس مجروح
Shit
البوهية لسه جديدة
أكمل الطريق لأقرب ميكانيكي .. لأجد تسربا زيتيا في العجلة الخلفية أدت لفقدان ضغط زيت الكوابح
يعالج الميكانيكي المشكلة
ويعالج الكهربائي المشكلة في المروحة
.......
خلاصة اليوم

سير كاتينة
صبابات
خبطة في الرفرف والفانوس
العربية كانت هتولع من المراوح
زيت فرامل

أضحكم بقا
جبت زيت فرامل .. وجيت أزود العربية (وأنا مخنوق وقرفااااااان)
حطيت زيت الباكم .. مكان زيت الباور
الباور تقيل .. مش عارف ليه
بالصدفة الميكانيكي قالي إنت حطيت الزيت فين يابيه؟؟؟
Shit
من قرفي .. حطيت الزيت غلط

وأنا راجع ... إكتشفت إن الكوريك مش ف العربية
مين إلي أخد الكوريك

1. الميكانيكي الأولاني
2 . الكهربائي
2. الميكانيكي التاني

إتصل وإكسب طبق أومليت
ده انت كان يومك عكر

لكن قدر الله وماشاء فعل كتير مننا بيمر بظروف بتيجى مع بعضها زى كده وفى اوقات زنقه

الدرس المستفاد ما تسبش العربيه لحد ابدا حتى ولو كان استاذ الاساتيذ

تقفلها ولما تيجى يشتغل قدام عينك حتى لو رحت تجبلو حاجه تقفلها تمام انا بعمل كده ولو الصانيعى مش عاجبه يشرب من البحر مفيش امان النهارده وكمان مش يسرقك وبس لا يبوظ حاجه تانيه عشان تجيلو وتدفع تانى من جديد شغل كفار من الاخر

بالمناسبه انت عندك حد شغال معاك فى الصيداليه ولا بتقفلها لما تروح مشوار