الموضوع: يوم لذيذ اتبهدلت فيه بس مبسوط

النهارده باذنك يارب
شديت الرحال
ادور على الشجره
و يا لها من مأساه حقيقية
ليه بقى
1. بتوع الأستيراد جالهم هبل لا اخلاقى
2. حالة بضاع يرثى لها
3. الصينى مبهدل الدنيا

نزلت عند المريوطية
عند سوسو
عنده اتنين او تلاته
البلاستيك كويس
الكاوتش عار
السعر 450 جنيه
انسى يا عم
ركبت ميكروبص بتاع السلام
و نزلت على الحرفيين
رحت لفيت شويه
يا مفيش خالص
يا تعبانه موت
و السعر من 500 ل 600
لفيت فى الحرفيين فى شارع مرسيدس عند بتوع الجديد
كله صينى
و اللى لقيتها برازيلى
و انا باراجعها طلع فيها شرخ فى الزور
ركبت الأتوبيس لرمسيس
و روحت للى اضمنه
امريكان ستارز تركى بس خامتها حلوه قوى بس طرية شوية ب 120
هى هى عند عادل حموده 100
دخلت لسرور
طلعلى تركى بس خامتها محمله كويس
اخرها برضوا 100 جنيه
كلمت فادى
قاللى اعتمد على الله
خدتها و ركبت المترو للميكانيكى
بالصدفه لقيت زميلنا اندلسى
عرفته ازاى
بيقول للميكانيكى بتاخد 1.9 لتر فى الفتيس
قلتله نايل موتورز
انا طنانى
قعدت معاه شوية
على ما الميكانيكى يخلص
هو خلص عربيته و طلع جرب و طلعت معاه
يالا يا عم الحاج ابعت معايا حد
قاللى عيد مش بيخرج من الورشة و كريم مجاش
خد محمود
قلتله لأ
يمين شمال
رحت سايبه و ماشى
و اتكلت على الله رحت للعربية
و ابتديت افك الشجره
الهى و انت جاهى اللى صممها يولع بجاز وسخ
خراطيم تحت و فوق و يمين و شمال و ليها عدله و حاجة زباله
ابتدبت الساعه 5.30
على ما وصلت تركب ازاى
و تتفك ازاى
خلصت 8.30
جرب
الدورة كبست
قلت الحمد لله
بس ايه
شغلت الشارع كله معايا
اللى شايل لمبة
و اللى ينزل يسلك
و اللى يقوللى يمين و شمال
و اللى ايده رفيعه يخش يحاول يركب الخرطوم
خلصت و الحمد لله
و سبتها دايره بتاع ساعه
و رحت للميكانيكى عشان اقوله انى مش زعلان
بس مش هاتحوج لحد طالما ربنا موجود
و ادينا هنجرب و نشوف هترسى على ايه

انا دلوقتى ممكن اخلصها فى ساعه زمن