مشكلة فى الكهرباء مش عارف من ايه !!!!!

**meda2711** · 04-12-2011 11:37 PM

بسم الله الرحمن الرحيم

العربية الكهرباء فيها مش ثابته بمعنى انها بتدور عادى من اول مرة بس لما بتدور مثلا بليل والعدادات شغالة بيبقى النور ضعيف شوية لما بدوس بنزين النور بيقوى وهكذا

برضوا انا لما ببقى مشغل الكاسيت السماعات فيها صوت كهرباء اى حاجة كهربة بسمعها يعنى لما المروحة بتشتغل بسمع صوت وهكذا

برضوا انا مركب زينون عالى لما باجى اقلب نور لاول مرة من وقت الصوت بيروح لثانية او 2 ويجى تانى يعنى بيتاخد بمجرد التكة الاولى

كل ده بقى عيبه ايه ؟؟؟
هل سلوك بوجيهات ولا ايه العيب ؟؟؟
ومنين اقدر احكم على السلوك اذا كانت كويسة ولا بايظة
مع العلم البوجيهات غيرتها من 3 اسابيع تقريبا موتوركرافت سوبر

وشكرا مقدما ليكم

**aYaBooY** · 05-12-2011 11:26 AM

بص هو انا شايف انك عندك شورت في العربية او حاجة ملمسة
انت محتاج كهربائي شاطر يشوفهالك
موضوع سلوك البوجيهات افتح الكبوت في حتة ضلمة و العربية دايرة لو فيه شرز خارج من حوالين البوجيهات يبقي كدة السلوك بخ
برده راجع كويس على سلك العمومة الي رايح للمارش و المجموعة الي خارجة من الدينامو

**MohamedSotohy** · 05-12-2011 06:30 PM

حلوه بخ دي يا جو
انتا شغال عفرييت ولا ايه
صاحب الموضوع
باشا اعتقد ان كلام جو صحيح انتا عندك شورت في الكهربا
وحته الأصوات دي ممكن تتعالج بعد ازاله الشورت لو لسه موجوده باستخدم مكثف يمنع الموجات العكسيه دي

**meda2711** · 05-12-2011 07:59 PM

شكرا ليكوا جدا جدا جدا
بس بعد اذنكوا ممكن تفهمونى يعنى ايه فيه شورت فى الكهربا واروح للكهربائى اقوله يعمل ايه
لانى مليش خالص فى كهرباء العربيات الا حاجات قليلة اوى