عربيتي السيراتو اتسرقت قدامي وكان الحرامي معاه المفتاح

**Land_Cruiser** · 09-12-2011 09:43 PM

المشاركة الأصلية كتبت بواسطة cutevampire

انا بعت لكيا فعلا و قولتلهم علي مشكلة السرقة
و في الاخر لاقيت حد هنا من كيا مصر اللي بيكلمني و يقولي ان العربية متأمنة و السرقة موجود في كل انواع العربيات و الكلام اللي مالوش لازمة .

للاسف فعلا موضوع السرقة نزل جدا من سمعة الشركة و سعر العربية نفسها في السوق بدأ ينزل

بص هو حضرتك واحد بس فطبيعى ان اللى كلمك من التوكيل هيصور الموضوع على انه مشكله فرديه علشان يقفل على الموضوع و علشان كده أنا قلت لحضرتك شكوى جماعيه تكون مكونه من اخوه اتسرقت سياراتهم باى طريقه ما عدا بالإكراه طبعا بالاضافه لباقى المالكين اللى خائفين من سرقه سيارتهم و بكده مش هيعرف يغطى على الموضوع و يقولك ما تقلقش و العربيه زى الفل و الكلام اللى يعصب ده و حضرتك علشان تجهز للشكوى ممكن تعمل مشاركه بهذا الشان تطلب من الناس المتضررين كلهم المشاركه و بكده تكون شكوى جماعيه و تبعتها للشركه الام علشان يحسوا انها مشكله جماعيه و مش شكوى فرديه و بالتوفيق

**aaet1** · 09-12-2011 10:39 PM

أنا أؤيد فكرة الشكوى الجماعية علشان الوكيل عندنا يحس على دمه ويتحرك، الموضوع بس محتاج واحد مننا عنده القدرة على صياغتها وتجميع التوقيعات عليها وارسالها، العملية محتاجة يكون ليها قائد يحركها

**Youssef.Awad** · 09-12-2011 10:56 PM

المشاركة الأصلية كتبت بواسطة hpxp

يا جماعه في 1380 عربيات حديته ممسكوين عندنا في الزقازيق منيا القمح بلبيس وابو حماد
انا رايح اشوف عربيتي ولو لقيت سيراتو كتير هبلغكم

1380 عربية فى محافظة واحدة بسسسسسسسس !!!!!!!!!!!!!!
حسبى الله ونعم الوكيل

**mmww** · 09-12-2011 11:42 PM

انا ملازم لسه متخرج من كليه الشرطه بس صدقوني انا لو مسكت حرامي في يوم هنتهك جميع حقوق الأنسان معاه وعمرو ماهيصعب عليا الا وهو بيموت عشاان اخد حق الناس الضعيفه
وبجد انا زعلان ع حال البلد وعلي حالنا بس انا عندي طاقه مش هستريح الا لما اطلعها في كل البلطجيه اللي مالين البلد وماشيين بسيوف وبمطاوي ومحدش مالي عيونهم

**moha4tec** · 10-12-2011 01:19 AM

المشاركة الأصلية كتبت بواسطة hpxp

يا جماعه في 1380 عربيات حديته ممسكوين عندنا في الزقازيق منيا القمح بلبيس وابو حماد
انا رايح اشوف عربيتي ولو لقيت سيراتو كتير هبلغكم

السلام عليكم
ربنا يجازيك خير و تشوفلنا عربيه لانسر فيرانى مسروقه بتاعة واحد صاحبى .و سيراتو نبيى بتاعه زميلنا سمسم راس من المنتدى معانا .
هبقى اكتبلك ارقام الشاسيه و الموتور و نمر العربيه و مواصفاتهم
و ربنا يجازيك خير ان شاء الله

**mido** · 11-12-2011 12:00 PM

الحل ان الناس تبطل تشتريها و كل واحد يحذر اى حد هيشتريها و اول ما المبيعات تقل هتلاقى التوكيل بيجرى علشان يلاقى حل للمشكله

**amhhma2003** · 11-12-2011 11:04 PM

يا جماعة ممكن تقديم شكوى لجهاز حماية المستهللك ... ,وأرى ان رقم العربيات المسروقة كبير وممكن تحريك دعوة قضائية على الوكيل والشركة الام لان دة عيب فى العربية يعنى اية العربية تتفتح بسهولة كدة.
ودة رابط جهاز حماية المستهلك

http://www.cpa.gov.eg/filling-complain.htm

**ls1090** · 12-12-2011 12:39 AM

المشاركة الأصلية كتبت بواسطة amhhma2003

يا جماعة ممكن تقديم شكوى لجهاز حماية المستهللك ... ,وأرى ان رقم العربيات المسروقة كبير وممكن تحريك دعوة قضائية على الوكيل والشركة الام لان دة عيب فى العربية يعنى اية العربية تتفتح بسهولة كدة.
ودة رابط جهاز حماية المستهلك

http://www.cpa.gov.eg/filling-complain.htm