الرينو والأوروبي بصفة عامة تشتريه لما تكوني ناوية تنزليه مصر
لأن بعد كام سنة ( مش كتير ) هتكون الجمارك بتاعتها نزلت تدريجيا وتبقى مش عائق قدامك
لكن لو مش بتفكري في تزيلها مصري يبقى رأيي تبعدي نهائي عن الأوروبي لأن قطع غياره في الوكالة فقط ومش هتلاقي قطع غيار تجاري نهائي ولا قطع غيار مستعملة إلا بصعوبة بالغة
لو عاوزه أوروبي فالفلوينس كبيرة بردو لكن أرشحلك الرينو ميجان الهاتش باك جميلة وعملية ورشيقة وعائلية
لو عربية صغيره يبقى تخليكي في البيجو الهاتش باك
لو مش فارق معاكي السعر تبقى تشوفي المرسيدس سي180 لو موجودة عندك بموتور كومبروسور 1600 أو فئة البي160
وفيه طبعا التحفة البيجو 3008 لكن سعرها غالي حبتين
لو هتشتري حاجة تنزليها مصر غير الأوروبي يبقى قدامك الهيونداي النترا الجديدة والكروز والكيا كارينز والكيا سيراتو وفيه سيارة شبابية ومناسبة للبنات وهي المازدا 2 الجديدة شكلها روعة
لو هتدوري على حاجة ليكي مش هتنزليها
يبقى أفضل إختيار هو الهوندا سيتي ( 1600 ) والسيفك ( 1800 سي سي ) وفيه الهوندا جاز بس مشكلتها إنها واطية جامد لكن حجمها الخارجي قليل بينما واسعة جدا من جوه ولما تطوي الكنبة الخلفية تلاقيها بمستوى الشنطة
طبعا فيه الإختيار المنتشر وهو الكرولا والكامري أو الميتسوبيشي اللانسر
ابتعدي عن الميتسوبيشي الجالانت لأنها أفضل وأمتن وأوسع عربية صالون وياباني محترمةوسعرها خرافي لكن ما حدش بيرغب فيها لأن سمعتها في قطع الغيار مخلية الناس واخدة غنطباع عنها زفت
المفضلات