الموضوع: محتااااارة جدا ومش عارفة انا عايزة ايه بالظبط .. ساعدوني الله يخليكم

المشاركة الأصلية كتبت بواسطة moshaks

لازم تجربى كل الموديلات الى انتى بتفكرى فيها وتشوفى الجلوس فيها مريح ليكى ولا لا .وانك تكونى مرتاحة نفسيا جواها وابعادها تبئا سهلة بالنسبالك وقيادتها مريحة وتوكيلها عامل ايه عندك . وبكده هتقدرى تقللى الاختيارات بتاعتك لعربية او اتنين. لان المكشلة مش فى عربية هتتجاب المشكلة بعد كده فى قطع غيار وصيانة واعادة بيع كل ده حطيه ادامك وربنا يكرمك ان شاء الله ويوفقك للخير.

شكرا جدا لحضرتك .. المشكلة ان اي حاجة غير اللانسر والكورولا والتيدا هيكون سعر اعادة البيع ليها فااااشل ..

المشاركة الأصلية كتبت بواسطة sehsss

خلاص يبقى توكلي على الله وهاتي السيتي بما إن حضرتك مش بتاعة جري وشقاوة زي حالاتنا، والسيتي عربية محترمة بس سيارة مدينة، مش بتاعة جري وطرق زي السيفيك،وعلى فكرة السبورتاج كيا يعني كوري، الياباني أفضل طبعا

من زمان وانا بحب شكلها جدااا .. ربنا يسهل

المشاركة الأصلية كتبت بواسطة horas3000

السيتي طبعا لا خلاف عليها
بس مشكلتها انها over priced اوي و قطع غيار الهوندا اغلي بالمقانه مع منافساتها هنا
ده غير ان سعر اعاده البيع ليها هيبقي مش حلو اوي لان العربيات الصغيره سوقها ضعيف هنا

حضرتك لو تحبي قولولي ال budget بتاعتك و باذن الله انا نازل جوله يوم السبت و هبقي اشوفلك ايه مناسب في حدودها

ميرسي جدا ربنا يخليك .. هو ال budget حولين ال 4000 .. بحد اقصى 4500
ومش شرط بالنسبة لي تكون فل اوبشن .. بس والنبي بلاش لانسر ولا كورولا ولا تيدا ولا صني ..
انا كنت لفيت كذا مرة واخرهم السبت اللي فات .. وشفت كذا حاجة بس كلهم هخسر فيهم في اعادة البيع اكيد ..
طيب ايه رأيك في المازدا 2 ؟ والشيفروليه سونك الجديدة ؟
المازدا 2 شكلها حلو اوي بس انا مستغلية سعرها عليها .. ولا تكون افضل من الهوندا سيتي ؟
والف الف شكر ..