الموضوع: حكايتي المفصلة مع السيات ابيزا

روحت للميكانيكي قالي هات طقم البوجيهات الي معاك
فك الي راكب وركب الي مفكوك وبيجرب لقي العربية زي ماهي
الأر بي ام واطي علي 0.5 متلتة ومبرجلة وبتبطل لوحدها والعادم ريحته بنزين ولو زود بتطلع دخنة سودا احيانا

كدة هو غير البوجيهات والعيب مش فيها مع العلم ان البوجيهات الي اتفكت كانت سودا ومتفحمة

راح فك سلك بوجيهات من عربيته (جيتا موديل 80)
ركبه عندي وبردو نفس النتيجة
الأر بي ام واطي علي 0.5 متلتة ومبرجلة وبتبطل لوحدها والعادم ريحته بنزين ولو زود بتطلع دخنة سودا احيانا

كدة هو غير البوجيهات وسلك البوجيهات والعيب مش فيهم مع العلم ان العربية قاطعة سلندرين (الأول والثالث) يعني العربية دايرة 2 سلندر (الثاني والرابع)

شك في حساس المياة
دخل الورشة جاب حساس مياة من عنده وراح مغيره وبردو نفس النتيجة
الأر بي ام واطي علي 0.5 شغالة 2 سلندر ومبرجلة وبتبطل لوحدها والعادم ريحته بنزين

كدة هو غير البوجيهات وسلك البوجيهات وحساس المياة والعيب مش فيهم

شك في الرشاشات
دخل الورشة جاب رشاش وركبه في السلندر الأولاني وبردو نفس النتيجة
بس الملاحظة بقي ان الرشاش طالع عليه كمية وساخة (زي مايكون رواسب او طين ولونه طبعا اسود)
الأر بي ام واطي علي 0.5 شغالة 2 سلندر ومبرجلة وبتبطل لوحدها والعادم ريحته بنزين

كدة هو غير البوجيهات وسلك البوجيهات وحساس المياة والرشاشات والعيب مش فيهم

شك في شاكوش الأسبراتير
فك الشاكوش بتاع الأسبراتير لقي فيه سلك رفيع قوي زي الشعرة موصل بين نقطتين لقاه مقطوع
راح داخل الورشة مطلع المكوة والقصدير وقعد لحم السلك
وبعد ما ركب نفس النتيجة
الأر بي ام واطي علي 0.5 شغالة 2 سلندر ومبرجلة وبتبطل لوحدها والعادم ريحته بنزين


كدة هو غير البوجيهات وسلك البوجيهات وحساس المياة والرشاشات وشاكوش الأسبراتير والعيب مش فيهم

شك في الأسبراتير نفسه
دخل الورشة جاب اسبراتير اخو بتاعي وركبه وبردو نفس النتيجة
الأر بي ام واطي علي 0.5 شغالة 2 سلندر ومبرجلة وبتبطل لوحدها والعادم ريحته بنزين


كدة هو غير البوجيهات وسلك البوجيهات وحساس المياة والرشاشات وشاكوش الأسبراتير والأسبراتير والعيب مش فيهم

قالي التوقع النهائي وهو ان لازم يفك وش السلندر عشان يعرف ليه السلندرين قاطعين
بيقولي يمكن تكون وساخة معلقة البساتم

والبديل اني ارجع بيها للتاجر الي باعلي الموتور واوريهاله واخد منه موتور تاني
وندخل في قصة تنقية موتور مناسب وحل وتركيب وتسقيط وتغيير زيوت وفلاتر والعربية تتركن يومين عنده وفلوس ووجع قلب وها ايه الأخبار وعملت ايه وازي الحال

الخبر نزل عليا كالصاعقة

قولتله ياباشا العربية كانت ماشية زي الساعة وكل ماهو نالك اني زودت شوية بنزين في الملف
دة اكيد وساخة في البنزين ارجوك فك التانك ونظفه وغيرلي فلتر البنزين والدليل ان الرشاش خارج عليه رواسب وطين واكيد الوساخة هي الي معلقة الصبابات ومخلية السلندرين مش شغالين

وفي الأخر وانا مش مصدق نفسي ولا مصدق الي بيحصل والواقع الي انا شايفه

قولتله اخر حل عندي

انا عندي في البيت طقم رشاشات (4 رشاشات) كنت غيرته مرة قبل كدة
اجيبهم ونجرب بيهم

طبعا هاودني لما لقاني منهار قدامه ومحطم وبتعلق بأي قشاية

طيرت علي البيت (اصله جمب البيت عندي مسافة 10 دقايق مشي) جبت الرشاشات ووانا في السكة بحدث نفسي "مصيبة ليكون الكنترول يونت"

ركب اتنين فقط من الأربعة - في السلندر الأول والثالث

والنتيجة

السلندر الثالث دبت فيه الحياة واشتغل ومش بس كدة لا دة اشتغل اقوي من الأتنين الي شغالين

وقتها بس تنفست الصعداء وهو لقيته وشه ابتسم وقالي علي الي كان مطبب قلبه
السلندر الأول متعلق ومرتبط بالثالث والثاني مرتبط بالرابع ليه ؟؟؟
لأن عمود الكامة بيلف ينزل الأول والثالث ويطلع الثاني والرابع ويلف يطلع الأول والثالث وينزل الثاني والرابع
فمعني ان الأول والثالث قاطعين معني ان الموتور لازم يتفتح ويتشاف ليه قاطعين مش مجرد عيب بوجيهات او اسلاك او رشاشات ولكنه كان بيجرب وكله امل انه يكون عيب حاجة فيهم

بس لسه السلندر الأول قاطع

قولتله خد جرب الأتنين التانيين

فعلا سمع مني واستنضف رشاش من الأتينين التانيين وبيجرب

لقي السلندر الأول اشتغل بس ضعيف

قالي لا كفاية كدة

امشي انت دلوقتي وانا هقفل الورشة وبكرة انشاء الله هشوفها مالها

طبعا كلبشت الدريكسيون وقفلت العربية وسيبتها عنده

وللحديث بقية

والله المستعان
،
،