العربيه بتحدف شمال

**meme77** · 07-12-2011 01:34 PM

السلم عليكم . عندي مشكله في عربيتي رينو سيمبول 2011 . العربيه من ساعة ما استلمتها وهي بتحدف شمال رجعت التوكيل اكتر من 20 مره وكل مره النتيجه معروفه جهاز الزوايا بيقول ان العربيه سليمه وغيرنا الكاوتش وبدلنا الكاوتش ورصصنا العجل عند بريدجستون . وكشفت على الزوايا بره التوكيل وبردو الوضع زي ما هو . الجميل في الموضوع اني اكتشفت ان ناس كتيير عندها المشكله دي وبردو مش لاقيه حل على سبيل المثال لا الحصر . اخويا معاه لوجان بتحدف شمال . وصاحبي معاه سيراتو 2011 بتحدف شمال . هو مسالة الحدف شمال دي بقت مرض معدي ومنتشر للدرجه دي ؟ ملحوظه عربيتي بمجرد ما تسيب الدركسيون الطاره بتلف ( تتحرك بزاويه للشمال ) بتميل لوحدها وهي ماشيه .

**icahmed** · 07-12-2011 07:08 PM

ممكن تزود الهوا فى العجلة الشمال شوية وجرب

**blazer** · 07-12-2011 07:38 PM

شوف ضغط الهوا حسب الكتالوج
مع ان اكيد ان الموضوع مش ضغط كاوتش
العربيه طالما بتحدف جامد كدا يبقى فيها حاجه غلط

**verna2008auto** · 02-02-2012 10:28 PM

اسمع اللي باقولك علية
زرجينة ( نصف سم ) فى الفردة الشمال قدام من فوق لجوة
ووالله هاتدعيلي
اخوك عاصم.. ابقي شوف مواضيعي

**atala** · 12-02-2012 08:57 PM

المشاركة الأصلية كتبت بواسطة verna2008auto

اسمع اللي باقولك علية
زرجينة ( نصف سم ) فى الفردة الشمال قدام من فوق لجوة
ووالله هاتدعيلي
اخوك عاصم.. ابقي شوف مواضيعي

معذرة يا اخي ارجو التوضيح علشان انا جديد في موضوع السيارات ده

**verna2008auto** · 13-02-2012 10:15 AM

المشاركة الأصلية كتبت بواسطة atala

معذرة يا اخي ارجو التوضيح علشان انا جديد في موضوع السيارات ده

اوضحلك اكتر
لفظ ( زرجينة ) بيطلق علي الطريقة البلدي لاستعدال ( شاسية+ كبوت+باب عجل إلخخخ)
يعني المشكلة بتاعت الموضوع ده بالتحديد إذا توفر التالي:-
1-جربت قياسات علي ماكينة الزوايا عند اكتر من حد وطلع سليم 100 %..وبردة شمال
2-جربت تبدل كوتشات يمين للشمال والعكس ..وبردة شمال
3-كشفت علي المقصات والعفشة والمساعدين والسست والبطاحات +البارات وبارات الطرف والاسكاترا..وبردة شمال

الحل ... ( زرجينة بلدي في الناحية اللي بتروح فيها العربية نصف سم من فوق لجوة ) في العجلة الشمال من فوق نص سم لجوة لاستعدال انحرافها لبرة ولانة السبب في ( شد العربية شمال )
لان ده معناه ( كامبر زيادة ) والكامبر اللي انا اعرفة مش بيتعمل في ظبط الزوايا
والله هاتدعيلي ... لان نفس المشكلة دي كانت عندي ومنها جاتلي الخبرة الكبببيرة دي في ميكانزم العاربية
ارجوا اني اكون وضحت