الحقووونييي: بعت العربية بتوكيل

**أبو صلاح** · 09-12-2011 01:39 AM

خد بالك ياباشا هو هيتعامل مع تاجر يعني شخص فاهم كويس قوي
وبرضه محدش هيخاف بالسهولة اللي انت متخيلها دي لان هو راح قلهم كده اكيد هم ليهم محامين او ممكن يستشيروا حد فاهم وساعتها ممكن الموضوع يقلب على صاحبنا
للاسف الموضوع ماشي قانوني

ملهاش حل غير التفاهم بالحسنى

**misoalex** · 09-12-2011 03:24 PM

المشاركة الأصلية كتبت بواسطة أبو صلاح

خد بالك ياباشا هو هيتعامل مع تاجر يعني شخص فاهم كويس قوي
وبرضه محدش هيخاف بالسهولة اللي انت متخيلها دي لان هو راح قلهم كده اكيد هم ليهم محامين او ممكن يستشيروا حد فاهم وساعتها ممكن الموضوع يقلب على صاحبنا
للاسف الموضوع ماشي قانوني

ملهاش حل غير التفاهم بالحسنى

وهما التجار بينفع معاهم الحسنى برضه

ده لو قولتله صباح الخير حيقولك بكام

**mazagngi2010** · 09-12-2011 04:07 PM

متابع

**misoalex** · 10-12-2011 03:27 AM

المشاركة الأصلية كتبت بواسطة أبو صلاح

أنا مؤيد لكلامك
بس عايز اقولك لو رحت لتاجر وقلتله كلمتين زي دول وقضية هيضحك عليك

لازم حوار تاني

وللاسف كله قانوني ماشي صح

انا بخمن اللي معاه العربية مش عايز يرخصها او بيعتمد على اول مشتري من صاحبنا بالتوكيل الاول من وش الرخصة والحياة ماشية بدون تكاليف نقل ملكية وخلافه

يا باشا انت مصمم على كلمه قضيه ليه

انا قصدى انه الطبيعى لما حد يعرف ان عربيته معمولها محضر سرقه الطبيعى انه لما يقف فى اى لجنه او يروح المرورحيتجاب لان العربيه حيبقى متبلغ عنها

دى السيناريو الطبيعى اللى حيدور فى دماغ اى واحد والله بقى معاه عقد معاه توكيل الحكومه متعرفش الكلام ده تعرف ان العربيه متبلغ عنها من صاحب الرخصه اللى هو قصاد المرور صاحب العربيه

والنيابه بقى هى اللى حتفصل فى الموضوع اذا كان العقد والتوكيلات اللى مع صاحب العربيه دى سليمه ولالا وهو موقفه قانونى ولالالا
وطبعا خدلك كام يوم او كام اسبوع عقبال اللى اشترى العربيه ده ميطلع منها

ومش شرط صاحب الموضوع يروح يعمل محضر لكن مجرد كلام حتى عشان اللى اشترى العربيه ممكن جدا يطلع جبان وموسوس ويروح يعملها بأسمه بعد ميسمع الكلام ده

**Richman** · 11-12-2011 12:45 PM

احب اشكركم على التفاعل الممتاز دة مع مشكلتي وانا متأكد انها ممكن تكون مشكلة ناس كتير ماخدوش بالهم زي ما حصل معايا المهم انا روحت المرور وعرفت معلومات جديدة:
1- بعد عدة ساعات عرفنا نجيب نمرها الجديدة (لما كانت معايا كانت لسة نمرها قديمة) وبعدين كشفنا عليها لقينا ان الباشا اللي اخدها رخصها سنة واحدة لحد 2009 وبعدين ماجددش تاني!!
2- قولت نطلع الملف ونجيب نمرة تليفونه قالك الملف اتحرق
3- دخلت لرئيس الوحدة قاللي لو جالي بالتوكيل اللي معاه هعمله ملف عادي عشان هو ماشي سليم

حالياً انا بخمن ان التاجر هو اللي جددها سنة عشان يعرف يبيعها لأنها كانت رخصها تخلص بعد اقل من شهر وقت مابيعتها مش عارف بقى هو كدة ماشي بيها خلصانا ولا ايه؟؟؟؟؟؟

اعمل ايه تاني انا مش عارف اوصل للراجل اللي معاه العربية والتاجر عمال يقوللي انا عملت توكيل لواحد تاني والتاني يقوللي راحت الصعيد، ارجو المساعدة!

وشكرا

**أبو صلاح** · 11-12-2011 03:54 PM

3- دخلت لرئيس الوحدة قاللي لو جالي بالتوكيل اللي معاه هعمله ملف عادي عشان هو ماشي سليم

ده لو حصل والعربية اتجددت تاني مفيش غير التاجر بس هو اللي يقدر يعمل كده
انت الاول هتروح لرئيس الوحدة وتحاول تخليه يبص على الرقم الجديد على الكمبيوتر (ممكن تخلص نفسك وتظبط اللي قاعد على الكمبيوتر) هيقولك كل حاجة عن العربية دي باسم مين واترخصت امتى وتبع مرور ايه لازم من على الكمبيوتر

وطالما نمرة العربية اتغيرت للرقم الجديد في حاجة حصلت لازم تفكر فيها

التوكيلات كلها اتعدلت برقم العربية الجديد لان محدش هيبيع عربية في التوكيل رقم وفي الرخصة رقم تاني حتى لو تشابه رقم الشاسيه والماتور
يبقى سيادتك هتروح الشهر العقاري بصورة التوكيل اللي معاك تطلع منه نسخة طبق الاطل او تخلي الموظف يفتح الدفتر تشوف إذا حصل فيه اي تعديلات

الخلاصة في احتمالين :
1- التاجر ده بيلعب عليك وهو اللي ورا القصة دي كلها
2- العربية من ساعة تجديد 2009 لم تجدد مرة أخرى وده احتمال ضعيف بسب انها عملت حادثة او اتسرقت او خلافه

**Richman** · 11-12-2011 04:30 PM

خليني اوضح اكثر، انا روحت للراجل بتاع الكمبيوتر كتب رقم البطاقة بتاعتي طلع عربيتي اللي معايا دلوقتي والعربية اللي اتباعت ولقاها لسة في نفس المرور بتاعي و لسة متسجلة باسمي واتجددت سنة واحدة بعد ما بعتها وماتجددش ثاني من 2009

طيب ولما اطلع صورة طبق الأصل اعمل ايه؟ مش فاهم الفكرة

**أبو صلاح** · 11-12-2011 04:38 PM

المشاركة الأصلية كتبت بواسطة richman

خليني اوضح اكثر، انا روحت للراجل بتاع الكمبيوتر كتب رقم البطاقة بتاعتي طلع عربيتي اللي معايا دلوقتي والعربية اللي اتباعت ولقاها لسة في نفس المرور بتاعي و لسة متسجلة باسمي واتجددت سنة واحدة بعد ما بعتها وماتجددش ثاني من 2009

طيب ولما اطلع صورة طبق الأصل اعمل ايه؟ مش فاهم الفكرة

ياباشا الغرض من مشوار الشهر العقاري تعرف ازاي العربية اتباعت بالنمرة الجديدة وانت عامل التوكيل بالنمر القديمة فهمت قصدي ؟

العربية في آخر تجديد اللي عمله هو أول مشتري اللي انت عملتله التوكيل وبعد كده ممك يكون مجددش تاني او باعها زي ماقالك التاجر

بص انا رأيي ريح نفسك
خلي معاك اصل العقد وصورة التوكيل ولاقدر الله لو حصلت مشكلة انت مأمن نفسك
وللاسف انت مضطر لحين اشعار آخر تدفع ضريبة الرفاهية

انت في الامان ان شاء الله

لو قلقان جامد وخايف ممكن ترفع قضية صحة توقيع على العقد اللي معاك وتاخد حكم محكمة ان التوقيع بتاع التاجر سليم
ساعة لا قدر الله ما تحصل مشكلة الاجراءات مش هتطول انت هتطلع العقد المثبت عليه صحة التوقيع وتخلص المشكلة وساعتها هيلبسها التاجر
هتلكفك بأتعاب المحامي والرسوم حد أقصى 500ج وأي محامي لسه خريج امبارح يعملك القضية دي

بس روح بلغ التاجر انك ناوي تعمل كده يمكن يجيب من الاخر ويساعدك وبلغه انه هو اللي هيلبس في الحيط لو العربية دي حصلها مصيبة

**Richman** · 11-12-2011 05:10 PM

قصدك انه بعد ما هو عمل تجديد، التوكيل اللي معاه لازم يتعدل عشان يعرف يجدد بيه تاني؟
هو في المرور ماجددش غير سنة لغاية 2009 و بعدين ماعملش حاجة ولسة العربية باسمي

انا اروح الشهر العقاري اقوله طلع لي صورة طبق الأصل المتوقع الاقي حاجة اتغيرت؟
معلش بتعبك معايا