الحقووونييي: بعت العربية بتوكيل

**wama00** · 08-12-2011 02:15 AM

يا جماعة انا مش عارف هنخسر ايه لو بيعنا العربية وطلبنا من اللى بيشترى انه يعمل عقد مسجل ويبقى على حسابة؟؟؟ حتى لو الرخصة سارية وفيها 3 سنين يعمل برضة عقد مسجل بس ما يمضيش عليه علشان يستفاد من مدة الرخصة وفى نفس الوقت يبقى هو المسؤل عن العربية,,, دلوقتى احنا فى زمن ممكن تتوقع فى اى حاجة ,,, انا مش بخوف الناس اللى عملت توكيل بس ببساطة ريح بالك

**samcar** · 08-12-2011 02:45 AM

فى حاجه اسمها اقرار استلام سياره- ممكن كان تعمله وانت بتسجل التوكيل وتسجل الاقرار ده فى نفس الشهر العقارى اللى عملت فيه التوكيل - وده بيحميك من المسئوليه لانه بيبين ان السياره فى عهدة الشخص ده

**أبو صلاح** · 08-12-2011 08:25 AM

المشاركة الأصلية كتبت بواسطة wama00

يا جماعة انا مش عارف هنخسر ايه لو بيعنا العربية وطلبنا من اللى بيشترى انه يعمل عقد مسجل ويبقى على حسابة؟؟؟ حتى لو الرخصة سارية وفيها 3 سنين يعمل برضة عقد مسجل بس ما يمضيش عليه علشان يستفاد من مدة الرخصة وفى نفس الوقت يبقى هو المسؤل عن العربية,,, دلوقتى احنا فى زمن ممكن تتوقع فى اى حاجة ,,, انا مش بخوف الناس اللى عملت توكيل بس ببساطة ريح بالك

ياباشا المشكلة عرف السوق كده
وانت بتبيع بتبقى عايز تخلص والمشتري بيبقى دافع كل مليم معاه علشان يركب العربية اللي هوعايزها تيجي انت تقوله مصاريف تسجيل وخلافه هاتبقى مشكلة

المشاركة الأصلية كتبت بواسطة samcar

فى حاجه اسمها اقرار استلام سياره- ممكن كان تعمله وانت بتسجل التوكيل وتسجل الاقرار ده فى نفس الشهر العقارى اللى عملت فيه التوكيل - وده بيحميك من المسئوليه لانه بيبين ان السياره فى عهدة الشخص ده

اول مرة اسمع عن الاقرار ده
كل اللي الناس بتعمله انها بتعمل عقد بيع (اللي بيتباع في المكاتب) وهو فيه اقرار باستلام العربية وتبقى في مسئولية المشتري من ساعته وتاريخه

بس اللي انت بتقوله ده فكرة منطقية ممكن تتعمل بس مش عارف ايه موقف تنابلة (موظفين) الشهر العقاري ؟

**mesaharaty** · 08-12-2011 10:31 AM

[quote=أبو صلاح;3873977387]بص ياباشا
بداية المشكلة عندك في الجملة دي

انا بشك ان التاجر ده نصاب
لسبب
هو انت عملت التوكيل باسم مين باسم المشتري مباشرة ؟ ولا باسم التاجر؟
لو عملته باسم المشتري مباشرة يبقى اكيد هو اللي بيجدد العرببية وممكن يفضل يجددها مدى الحياة
لو انت عملت التوكيل باسم التاجر يبقى هو بنفسه اللي بيروح ويجدد العربية وبياخد من المشتري اللي فيه النصيب

اللي خلاني اشك في ده ان التاجر ما شاء الله عليه ذاكرته لولبية قدر يفتكر زبون عنده من 2008 وكلف نفسه انه يسال عليه

بس هوة عمة دي حركة مقصودة من التاجر لانه فاهم ايه المقصود كويس بالكلمة دي

على فكرة هو مجرد ما ينقل الملكية باسمه هتظهر على الكمبيوتر بدون تدخل منك او تقديم مستندات
يعني لما تيجي تجدد لو طلبوا منك ضريبة الرفاهية يبقى هي مازالت باسمك ولو مطلبوش يبقى اتنقلت باسم حد تاني[/quote]

حضرتك متأكد إن الملكية لو اتنقلت لحد تانى بتبان فى الكمبيوتر بتاع المرور ؟
هل عندنا مثل هذا التقدم ؟

يا رب يكون صح

**Richman** · 08-12-2011 01:01 PM

عاوز اضيف معلومات جديدة:
1- لما بعت العربية كانت نمرها قديمة ومعايا صورة من رخصتها
2- كلمت التاجر واداني نمرة الشخص اللي انا عاملوا التوكيل وكلمتوا قالي انا بعت بتوكيل لواحد ثاني كلمت التاني قالي انا بعتها لجماعة من الصعيد من 3 سنين و مش عندي صورة العقد ولا عندي رقم تليفونهم
انا دلوقتي عاوز اكشف في المرور العربية دي لسة باسمي ولا لأ ومين أخر واحد جددها وعاوز اوصله عشان نحل الموضوع دة واخلص من العربية اللي متسجلة باسمي ومعرفش عنها حاجة من 3 سنين

ازاي اجبر الشخص اللي بيجددها دة انه يبطل يجدد باسمي هل ممكن مثلاً احط في ملف المرور ورقة مني بعدم التجديد الا بشخصي؟ فلما يروح يجدد ميعرفش ويضطر ينقل ملكية ؟

سؤال تاني سألت واحد بيفهم في القانون بيقولي ان التوكيل بتاعك مش مكتوب فيه جملة "لا يجوز الغاء التوكيل الا بوجود الطرفين" تقدر تروح الشهر العقاري تلغيه وتعمله اخطار مسجل بعلم الوصول، هل الكلام دة سليم؟

وشكرا على التفاعل الجميل دة وارجو الرد لأنها مشكلة كبيرة بالنسبة لي

**hossam_elwani** · 08-12-2011 01:09 PM

المشاركة الأصلية كتبت بواسطة wama00

يا جماعة انا مش عارف هنخسر ايه لو بيعنا العربية وطلبنا من اللى بيشترى انه يعمل عقد مسجل ويبقى على حسابة؟؟؟ حتى لو الرخصة سارية وفيها 3 سنين يعمل برضة عقد مسجل بس ما يمضيش عليه علشان يستفاد من مدة الرخصة وفى نفس الوقت يبقى هو المسؤل عن العربية,,, دلوقتى احنا فى زمن ممكن تتوقع فى اى حاجة ,,, انا مش بخوف الناس اللى عملت توكيل بس ببساطة ريح بالك

وهو لو اتعمل الى حضرتك قولت عليه ده المشترى لو وقفته لجنه وطلع الرخصه والعقد يعتمدوه ولا يبقى فيها مشكله والضابط يقولوه مليش دعوه بالعقد انا ليه الرخصه بس ؟؟؟؟

**Eng_hatemfathy** · 08-12-2011 01:20 PM

المشاركة الأصلية كتبت بواسطة mesaharaty

[quote=أبو صلاح;3873977387]بص ياباشا
بداية المشكلة عندك في الجملة دي

انا بشك ان التاجر ده نصاب
لسبب
هو انت عملت التوكيل باسم مين باسم المشتري مباشرة ؟ ولا باسم التاجر؟
لو عملته باسم المشتري مباشرة يبقى اكيد هو اللي بيجدد العرببية وممكن يفضل يجددها مدى الحياة
لو انت عملت التوكيل باسم التاجر يبقى هو بنفسه اللي بيروح ويجدد العربية وبياخد من المشتري اللي فيه النصيب

اللي خلاني اشك في ده ان التاجر ما شاء الله عليه ذاكرته لولبية قدر يفتكر زبون عنده من 2008 وكلف نفسه انه يسال عليه

بس هوة عمة دي حركة مقصودة من التاجر لانه فاهم ايه المقصود كويس بالكلمة دي

على فكرة هو مجرد ما ينقل الملكية باسمه هتظهر على الكمبيوتر بدون تدخل منك او تقديم مستندات
يعني لما تيجي تجدد لو طلبوا منك ضريبة الرفاهية يبقى هي مازالت باسمك ولو مطلبوش يبقى اتنقلت باسم حد تاني

حضرتك متأكد إن الملكية لو اتنقلت لحد تانى بتبان فى الكمبيوتر بتاع المرور ؟
هل عندنا مثل هذا التقدم ؟

يا رب يكون صح[/quote]
للاسف غالبا لازم الشخص صاحب السيارة الاصلى والتى هى مسجله باسمه يدخل بيانات البيع من خلال عقد البيع علشان تتمسح من صفحته وتتلغى ضريبة الترفيه
ومن الاخر لو المشترى حاول يبيع لازم المشترى الجديد ينقل ملكية علشام قانون المرور الجديد لا يسمح باكثر من توكيلين وبالحصول على بيانات الملف من المرور سوف يتبين المالك الحالى وتليفون من قام بالتجديد فهم يكتبونه على الاوراق منذ فتره وحتى الان
ودائما بعد تجربه اليمه سنة 2000 بتعامل مباشرة بعقد بيع ولا ارضى موضوع التوكيل ولو حصلت اخصم تمن نقل الملكية من المبلغ حتى اخرج من مشاكل كتيره ففى سنة 2000 قىمنا ببيع سيارة 128 لدكتور وكانت باسم والدتى وبعدها بفتره وجدنا محضر جايب اعلان من محكمه -طبعا امى طنشت ومحضرتش -جه اعلان تانى طبعا امى مش فاهمه وقالت اكيد تشابه اسامى بعديها لقينا محضر جايب حجز على البيت وبعد استعلام وقلق لقينا حكم محكمه بدفع 240 جنيه اتعاب محاماة ومصاريف صحة بيع ونفاد واتارى الدكتور ابوه محامى وسجل العربيه على حسابنا بالحركة الزباله دى ومن ساعتها اشتريت عربيه من عمى بولونيز وسجلتها وبعتها برده بتسجيل واصريت على كده لان المشترى كان عايز توكيل وبرده من شهر لما بعت اللادا بعت بتسجيل ودفعت الزبون مبلغ التسجيل وكان 955 جنيه بس انا اصلا خصمت ليه الف ونص فيعنى مخلصه بعضها
محدش ضامن الموت من الحيا ومفيش داعى نسيب لعيالنا واهلنا مشاكل الدنيا مش مستحمله
ونصيحتى للاخ انه من دلوقتى يشوف العربيه مغ مين من خلال المرور ولو معرفش يرفع قضيه من خلال محامى بابطال التوكيل او الغاءه واكيد لما يوصل لاهل المشترى الاعلان هيظهروا ويلاقوا طريقه للتصالح وربنا ييسر الامر

**احمد المصرى** · 08-12-2011 03:08 PM

يا جماعه دا طبيعى جدا البيع بتوكيل وبيكون مكتوب فيه كدا بس انت المفروض عامل عقد بينك وبينه ان هو مسؤل عن العربيه من التاريخ الفلانى والساعه الفلانه مسؤليه كامله وموضوع ضريبه الرفاهيه بتكون تقريبا 100 جنيه على ما اعتقد

انت ممكن تستحمل سنه ولا حاجه لحد لما يرجع وخلاص او ممكن تعمل توكيل لحد قريبك اكنه هو شارى العربيه منك

-

الموضوع: الحقووونييي: بعت العربية بتوكيل

LinkBack

أدوات الموضوع

عرض

-

-

-

المواضيع المتشابهه

بشري للى باع عربيته بتوكيل

ليه العربية متتبعاش بتوكيل؟

هل من الممكن اشتري عربيه بتوكيل من صاحبها وهوايضا شريها بتوكيل برضو

هل فية ضرر من بيع العربية بتوكيل مفتوح

هل ممكن اجدد رخصة العربية بتوكيل؟؟

الكلمات الدلالية لهذا الموضوع

المفضلات

المفضلات

ضوابط المشاركة