الموضوع: الحقووونييي: بعت العربية بتوكيل

يا جماعة
الفكرة باختصار ان فيه نقطتين مهمين :
اولا :- الموقف القانوني من واحد ماشي بالعربية وهي باسم البائع وده معناه ان لو حصل اي جريمة بالعربية بيتوجه الاتهام لمالكها في المرور طالما لم يقبض علي سائقها وقت الجريمة
ثانيا :- الوضع ده لازم ينتهي ورسميا علشان حماية البائع ده من اي احتمالات جاية
والكلام لزملينا بائع السيارة :
اولا وجود عقد البيع الابتدائي بيحميك من المسئولية عما يتم فعله من جرائم بالسيارة من تاريخ تحرير اقرار الاستلام المزيل بالعقد وموجود فيه الساعة والتاريخ
وعلشان بقة الموقف ينتهي خالص
حضرتك كملي البيانات وضيف عليها بياناتك الشخصية وياريت تبعتلي صورة بالاسكانر من عقد البيع والتوكيل وبطاقتك الشخصية وهبعتلك الاتي :
انذار علي يد محضر هتعمله من اقرب محكمة لمحل اقامتك بالصيغة اللي هبعتهالك بعد ما تديني البيانات الانذار ده موجه للمرور وللشهر العقاري مضمونه رغبتك في الغاء الشق الخاص بتجديد السيارة باسمك في التوكيل والتعامل مع المرور وعلي الشهر العقاري عدم توكيل الغير او تحرير توكيل اخر يتضمن نفس الصلاحية وعلي المرور عدم التعامل بالتوكيل في هذا الشق فقط او اي توكيل تم تحريره من التوكيل الاصلي
وده معناه ان العربية مش هتتجدد باسمك تاني
وبيكون الاجراء المتبع ان المرور بيحط الانذار في ملف السيارة او يرسله لملف السيارة لو كان الملف اتنقل والشهر العقاري بيأشر بكده في خانة التوكيل في دفتر التوثيق وبكده تنتهي المشكلة مع انتهاء الرخصة الحالية
ثم بتحرر محضر في القسم بعدم رغبتك في تجديد السيارة باسمك بناء علي التوكيل والمحضر ده بيكون ضد الصادر لصالحة التوكيل
ثم نتحمل ضريبة الرفاهية عن الفترة الحالية اما بعد كده الراجل اللي معاه العربية مش هيعرف يجددها الا لما ينقلها باسمه وكده الموضوع انتهي وحضرتك في امان لغاية ما ينقل العربية باسمه

ليس علبك اى مسؤلية جناثية لان اقرار الاستلام اللى فى العقد الابتدائى نقل المسؤلية الجناثية الى مستلم السيارة منك . لكن اوعى تقول مافيش اقرار استلام

المشاركة الأصلية كتبت بواسطة omar4_all

اخيرا رديت حمد الله علي السلامة
تاريخ العقد الابتدائي والتوكيل بالظبط امتي
وفيه عنوان او رقم بطاقة للمشتري اللي في العقد واللي في التوكيل ولا لا
ومأمورية الشهر العقاري فين
معلش انا متعب شوية بس ان شاء الله خير

انا اعتذر عن التأخير والله و باشكركم على متابعتكم كان فيه ظروف منعتني اني اشوف ردودكم
1- تاريخ العقد الابتدائي قبل التوكيل بتلات ايام
2- العقد الابتدائي فيه عنوان ورقم بطاقة التاجر والتوكيل معمول باسم شخص تاني غير التاجر
3- مأمورية الشهر العقاري اللي في سوق سيارات مدينة نصر
4- معايا صورة بطاقة التاجر اللي في العقد الابتدائي
على فكرة لما شوفت في المرور حالة العربية لقيتها اخدت نمر جديدة (النمر كانت قديمة وقت البيع) وتم تجديد سنة واحدة من 2008-2009 و لم تجدد حتى الأن

عند اتصالي بالتاجر اداني نمرة الشخص اللي انا عامله التوكيل ولما كلمته قاللي انا بعتها تاني بتوكيل لواحد ثالث والثالث بيقول باعها لجماعة في الصعيد و مش فاكر أي بيانات عنهم، فا انا وصلت لحائط سد!

يا فندم انا شاكر ليك جداً واسف على التأخير

المشاركة الأصلية كتبت بواسطة أبو صلاح

هتعمل توكيل عادي في الشهر العقاري
والموظف يكتب فيه
حق البيع لنفسه أو الغير
متزودش اي إضافات
وهي دي الاسطمبة اللي حافظينها موظفين الشهر العقاري مالم يطلب منهم غير ذلك


بس خد بالك الخطوة اللي فاتت لا تثبت رسميا انك بيعت العربية
الحاجة الوحيدة اللي تثبت البيع هي عقد البيع النهائي المسجل
وبرضه بيتعمل في الشهر العقاري

كان معايا توكيل بيع للنفس و الغير و لما رحت اعمل عقد البيع فى الشهر العقارى برضه دفعونى مصاريف تسجيل