اشتريت ميجان وخايف جداا

**mody_halawa** · 07-12-2011 06:38 PM

انا كنت بدور على عربية فى حدود 30 الف جنيو وكان دة اللى فى بالى علشان اخليها تحت البيت واروح بيها الشغل وكدة يعنى ومزعلش لو اتحكت ولا حاجة
وروحت اتفرجت على عربيات كتير بس معجبنيش حاجة للاسف
ابويا بقا كان لية واحد صاحبة بيبيع عربية رينو ميجان 2006 ستبترونيك فا بابا شافها معاة مجرد انه بس شافها عجبتة جدااااا جدااا جدااا وقعد يحكى ويتحاكى على العربية واللى فيها وراح مخلص مع الراجل ومتفق معاة ودفعلة 35 الف جنية عربون

المهم انا لحد اللحظة دى مشفتش العربية لانى مكنتش موجود فى البلد بتاعتنا المهم دلوقتى العربية المفروض هستلمها النهاردة بليل يا بكرة الصبح لان صاحبها راح بيها التوكيل علشان يعمل اتشيك على حالتها ويجيب لبابا التقرير علشان يطمنة ان العربية مش محتاجة حاجة

المهم دلوقتى بابا لا جاب ميكانيكى ولا سمكرى ولا فرج العربية لحد هو شاف العربية وعجبتة راح مخلص مع الراجل
المهم انا سئلت على ( رينو ميجان ) كلة خوفنى منها وقالى انها بتعطل لوحدها ولما بتعطل محدش بيعرف يصلحا وكلام يخض كدة .. وان اللى يركبها لازم يحافظ عليها اووووى ومينفعش شاب يركبها واصلا العربية دى كانت جاية علشانى لان بابا معاة ( هايما فاميلى ) وكدة طبعا انا هخاف اركبها لانى مش قد مصاريفها لو حاجة حصلت فيها

العربية مواصفاتها اللى بابا قالهولى لانى لحد دلوقتى مشفتهاش
العربية طبعا فابريكة جوة وبرة موديل 2006 فيها مالتى فانكشن استبترونك ومفيهاش فاتحة سقف معرفش فيها جنوط ولا لا
العربية بابا خلص فيها على 63 الف
ومعرفش الصراحة العربية كدة غالية ولا رخيصة ولا اعرف اى حاجة بس كل اللى حاسة بعد ما سمعت الكلام من الناس عن رينو ميجان انى لبست عربية وحشة :(

**أبو صلاح** · 07-12-2011 06:44 PM

ياعم هدي نفسك
انت ما شاء الله هتركب عربية زي الفل وعربية محترمة جدا

انا هقولك على شوية معلومات بسيطة لحد ما كبار القسم هنا يدخوا ويطمنوك
الميجان من العربيات اللي ما ينفعش تكشف عليها عند ميكانيكي او سمكري ده توكيل والراجل البائع ده شكله محترم جدا
ولازم تكون العربية متابعة كل صيانتها في التوكيل ده بيفرق جدا في حالة العربية والاعطال المستقبلية

محدش يلحط ايده في العربية دي غير التوكيل غالي شوية بس تمنه فيه

في مواضيع هنا ي القسم بتتكلم عن اسعار قطع الغيار في التوكيل وبره التوكيل

هدي نفسك كده وخد جولة

بالنسبة للسعر انا حاسس انه سعر لقطة طبعا بعد لما تطمن على الكشف

ابقى هات لفة بيها بعد لما تستلمها

**mody_halawa** · 07-12-2011 07:01 PM

المشاركة الأصلية كتبت بواسطة أبو صلاح

ياعم هدي نفسك
انت ما شاء الله هتركب عربية زي الفل وعربية محترمة جدا

انا هقولك على شوية معلومات بسيطة لحد ما كبار القسم هنا يدخوا ويطمنوك
الميجان من العربيات اللي ما ينفعش تكشف عليها عند ميكانيكي او سمكري ده توكيل والراجل البائع ده شكله محترم جدا
ولازم تكون العربية متابعة كل صيانتها في التوكيل ده بيفرق جدا في حالة العربية والاعطال المستقبلية

محدش يلحط ايده في العربية دي غير التوكيل غالي شوية بس تمنه فيه

في مواضيع هنا ي القسم بتتكلم عن اسعار قطع الغيار في التوكيل وبره التوكيل

هدي نفسك كده وخد جولة

بالنسبة للسعر انا حاسس انه سعر لقطة طبعا بعد لما تطمن على الكشف

ابقى هات لفة بيها بعد لما تستلمها

والله يا باشا انت طمنتنى شوية بس كلام الناس يخوف برضة

**أبو صلاح** · 07-12-2011 07:06 PM

المشاركة الأصلية كتبت بواسطة mody_halawa

والله يا باشا انت طمنتنى شوية بس كلام الناس يخوف برضة

ياباشا
اللي ما يعرفش يقول هجص

لما حد يفتيلك
ابقى اساله قله انت ركبت العربية دي ؟ وقعدت معاك فترة قد ايه علشان يصدر حكمه ده عليها

انا كنت زيك بالظبط لحد لما دخلت القسم وشوفت كلام الناس على العربية دي
ونفسي اني اشتريها وفي بدائل تانية في نفس الرينج بس هي مش في امكانياتي حاليا

الف الف مبروك عليك مقدما
والله بيعتك دي شكلها كده زي الفل وراجل بائع محترم ومتسهلة بأمر الله

**mody_halawa** · 07-12-2011 07:15 PM

المشاركة الأصلية كتبت بواسطة أبو صلاح

ياباشا
اللي ما يعرفش يقول هجص

لما حد يفتيلك
ابقى اساله قله انت ركبت العربية دي ؟ وقعدت معاك فترة قد ايه علشان يصدر حكمه ده عليها

انا كنت زيك بالظبط لحد لما دخلت القسم وشوفت كلام الناس على العربية دي
ونفسي اني اشتريها وفي بدائل تانية في نفس الرينج بس هي مش في امكانياتي حاليا

الف الف مبروك عليك مقدما
والله بيعتك دي شكلها كده زي الفل وراجل بائع محترم ومتسهلة بأمر الله

الله يبارك فيك يا باشا وربنا يكرمك وتركب اللى احسن منها كمان
والله انت طمنتى وان شاء الله يكون الموضوع مش مقلق للدرجة دى بس هو فعلا الميجان مينفعش شاب يركبها ؟؟

**rompo10** · 07-12-2011 07:21 PM

السعر تمام(وانا كمان خايف زيك بالظبط)

**dreslam** · 07-12-2011 07:22 PM

طول ما انت محافظ عليها ومش بتهينها وبتكشف عند متخصصين او التوكيل رغم المغالاه بعض الشيء حتتأكد انك راكب عربيه تستاهل اكثر من ثمنها

**mody_halawa** · 07-12-2011 07:23 PM

المشاركة الأصلية كتبت بواسطة rompo10

السعر تمام(وانا كمان خايف زيك بالظبط)

هو حضرتك خايف من العربية اللى بتكلم عليها دى ولا خايف من الميجان فى العموم ؟؟

**mody_halawa** · 07-12-2011 07:29 PM

المشاركة الأصلية كتبت بواسطة dreslam

طول ما انت محافظ عليها ومش بتهينها وبتكشف عند متخصصين او التوكيل رغم المغالاه بعض الشيء حتتأكد انك راكب عربيه تستاهل اكثر من ثمنها

طيب يا ريت حد يقولى على اماكن متخصصين او توكيلها فين فى الاسكندرية علشان اتابع برضة معاة

**shawkylotfy** · 07-12-2011 08:25 PM

فى اسكندرية دكتور الميجان م.احمد موسى شارع 45 مدخل كريدى اجريكول فى ميامى الورشة اسمها ورشة سامح الهوارى ... هو كان شغال فى التوكيل ومحترم ونصيحة يا التوكيل يا هو ومتروحش لحد تانى علشان حرقين..

الموضوع: اشتريت ميجان وخايف جداا

LinkBack

أدوات الموضوع

عرض

اشتريت ميجان وخايف جداا - انشر الموضوع فى :

-

-

-

-

-

المواضيع المتشابهه

اشتريت ميجان 2 2006

اشتريت ميجان و محتاج رايكم

امامى ميجان موديل 2008 للبيع عايز اجيبها وخايف

عندى ميجان 2 اوتو سحبها ضعيف جداا ايه السبب ؟؟ارجو المشاركة

انا اشتريت ميجان يا جماعة

الكلمات الدلالية لهذا الموضوع

المفضلات

المفضلات

ضوابط المشاركة