الموضوع: تم تغيير الريموت

مبروك ياباشا بس انا عايز اعر ف هو انا لو خدت نسخه المفتاح لبتاع مفاتيع ممكن يطلع لى نسخه ولا لازم تكون العربيه معاب=يا غلشان الشفرة

المشاركة الأصلية كتبت بواسطة osa92003

مبروك ياباشا بس انا عايز اعر ف هو انا لو خدت نسخه المفتاح لبتاع مفاتيع ممكن يطلع لى نسخه ولا لازم تكون العربيه معاب=يا غلشان الشفرة

بتاع المفاتيح يقدر بس ينسخلك على السلاح الجديد نسخة من المفتاح القديم يفتح الابواب (السنتر) والشنطة لكن ميدورش العربية ولو بالطبل البلدى .. والسبب ان دوارة العربية متكودة بشفرة بتتحمل على جزء (يسمى بلغة الصنايعية الفحماية) حاجة شبه الفيوزات اللى بتبقى فى الكاسيتات او الراديوهات (شبه لمبة نيون صغيرة جدا جدا) بتركب جوة علبة المفتاح وعند الدوران بيقوم ايموبلايزر العربية بقراءة الشفرة منها ومن ثم تشغيل العربية

انا كان ليا تجربة مشابهة الى حد ما .. المفتاح الاصلى التانى ضاع مع شنطة المدام لما اتسرقت فحبيت اعمل مفتاح تانى مطابق ولما سألت فى التوكيل دخلونى فى حوارت طويلة عريضة وخوفونى انه ممكن ميشتغلش وممكن نغير كنترول ايموبلايزر وكبروا الموضوع فأنا خوفت اعمله ولكن انا كنت اشتريت المفتاح فاضى بالسلاح من المركز الرئيسى فى ابو رواش وقولت اعينه عندى لحد ماشوف حل .. المهم جاتلى فكرة الى حد ما كانت حل مقبول بالنسبالى وهى ان نحط فحماية فى المفتاح الجديد ونحمل عليه اكواد العربية ونخرط السلاح على المفتاح القديم وبالتالى اقدر افتح العربية وادور (لكن من غير ريموت لان مفيش بوردة جواه) بعيدا عن وش التوكيل ووجع الدماغ .. بالفعل طلعت على واحد بتاع مفاتيح عندنا ركبلى فحماية وحمل اكواد العربية واتكلفت 250 جنيه + 120 جنيه تمن المفتاح فاضى من التوكيل يعنى الموضوع كله حوالى 400 جنيه والمفتاح شغال كويس بس عيبه الوحيد ان ساعات العربية انذارها بيشتغل لما بفتحها بيه بس بتبطل كلاكسات لما ادورها ولكن انا بس عاينه استبن لاقدر الله عشان لو المفتاح الاصلى اللى ضاع يبقى فيه نسخة تانية اقدر افتح بيها العربية بدل ما اغنى ظلموه.

فى حالة الاخ هوجان صاحب الموضوع كان الاسهل بدل ماتوجع دماغك انك تخرط المفتاح الجديد على القديم وبتاع مفاتيح شاطر زى اللى انا روحت له كان سهل جدا ينقل كل محتويات المفتاح القديم (اللى اتفصل عن بعضه) الى المفتاح الجديد ويبقى عندك مفتاح بريموت طبق الاصل من مفتاحها الاصل ولكن عامة الف مبروك عليك مادام اشتغل تمام.

المشاركة الأصلية كتبت بواسطة hugan

هايعملك نسخه عادي
لكن العربيه مش هاتدور لازم الفحمايه بتاعت الايمبوليزر دورها ان الكنترول يونيت بتعرف علي المفتاح عن طريقها غير كده مش هاتدور
انا حاولت ادور العربيه بالمفتاح الاحتياطي النسخه اللي جايه مع العربيه مادراتش
النسخه الاحتياطي لفتح العربيه عند الطوارءي

اسف هوجان انى رديت فوق ردك .. واضح اننا كنا بنرد على المشاركة فى نفس الوقت عامة ادينى نقلت تجربتى لعلها تفيد

المشاركة الأصلية كتبت بواسطة hugan

ولا يهمك
لكن اطلب تغيير اسمك من خالد ساجا
الي خالد m11

انا فعلا عاوز اعمل كده بس مش عارف هل ينفع ولا لأ وصعبان عليا اعمل يوزر جديد بعد المشاركات اللى شاركتها فى المنتدى .. انا عملت اليوزر ده لما كنت بشارك فى منتدى البروتون ايام لما كنت بفكر اشتريها ولكن غيرت رأييى ..

هل ياترى ينفع اغير اليوزر واحتفظ بباقى البيانات؟