الموضوع: انا جربت تويترات كتير و لسه ماوصلتش

المشاركة الأصلية كتبت بواسطة shark_3li

انا كنت مركب عندي تويترات اللي بتيجي مع الكمبونانت السوني وكنت مقتنع جدا ان صوتها تحفة لحد مسمعت الصوت في عربية كامري اكتشفت اني مكنش بسمع حاجة بجد صوت وهم واحد صاحبي راح جاب الطقم استيراد لعربيته مبقاش مصدق ان الصوت ده يطلع من سماعات استوك هي طبعا مش بنفس جودة الصوت في العربية الكامري نفسها لان الموضوع ده بيكون ليه حسابات علي حسب مساحة العربية و حجات تانية لكن الصوت كان تحفة اقدر اقول انو احسن من الكمبونانت اللي كان راكب عندي بمراحل

طيب انا عايزك تجرب التويترات الصينى اللى كتبت عنها فى هذا الموضوع مع المكثف الكيماوى و قيمته 1 ميكروفاراد بالضبط دون تغيير فى القيمه .... وشكل التويتر و التوصيل و المكثف انا حاطط رابط للصوره بتاعتهم ....يا ريت تجرب و تقولى رأيك بالمقارنه مع تويترات الكامرى .... بغض النظر عن انها صينى خالص ... اسمع بس الصوت و قولى ايه رأيك

طب قولي انت جبت منين التويترات والمكثف من النخيلي ولا منين ومعلش كمان هتعبك معايا لو تقدر تشرحلي اوصلهم ازاي لاني كدة انا اللي هركبهم بنفسي وانا معنديش خبرة خالص يعني اطلعهم من السماعات الي في الابواب ولا من الكاسيت ولا ازاي ؟

المشاركة الأصلية كتبت بواسطة shark_3li

طب قولي انت جبت منين التويترات والمكثف من النخيلي ولا منين ومعلش كمان هتعبك معايا لو تقدر تشرحلي اوصلهم ازاي لاني كدة انا اللي هركبهم بنفسي وانا معنديش خبرة خالص يعني اطلعهم من السماعات الي في الابواب ولا من الكاسيت ولا ازاي ؟

السماعات التويتر من عند اى واحد بتاع اكسسوارات سيارات او من سوق التوفيقيه ايهما اقرب اليك و هى من النوع الصينى الرخيص جدا الطقم اى الأثنين ب 10 جنيه ،، و المكثف من عند اى واحد بتاع الكترنيات ( زى الناس اللى فى باب اللوق ) و اسمه مكثف كيماوى قيمته 1 ميكروفاراد 50 فولت و ده ثمنه هايف جدا بحوالى 50 قرش ،، طبعا هتحتاج اتنين تركب واحد لكل سماعه .. و طريقة التوصيل ...

توصل طرف من السماعه مع طرف من السلك الخارج من الكاسيت او الجى ام للسماعات ، و الطرف الثانى قم بوضع المكثف فى الطريق قبل ما توصله مع الطرف الثانى من السلك الخارج من الكاسيت او الجى ام للسماعات اى على التوالى ..... المكثف ده بيكون له طرفين برده طرف سالب و طرف موجب الطرف السالب توصله على السماعه التويتر و الطرف الموجب على سلك الكاسيت او الجى ام الخارج للسماعات كما ذكرت .... ( الطريقه سهله جدا جدا وفى صوره توضح السماعه و نوعها و المكثف و قيمته وطريقة التوصيل ) التكلفه الكليه كلام فاضى حوالى 11 جنيه .... طبعا ممكن اى واحد يشوف التكلفه دى يضحك و يقولك يا عم صينى و رخيصه ده كلام فاضى بس بجد انا بعد ما جربت تويترات كتير و على فكره انا عندى اسبرانزا 620 و طقم الصوت فيها كينوود و تويتراتها ممتازه جدا ، بس بالمقارنه مع التويترات الصينى دى و بالتركيب ده فعلا تحفه مع رخصها ...

انا عايزك تجرب و تقولى رأيك .. ودى الصوره
http://www13.0zz0.com/2011/12/11/18/508976157.jpg

تمام يا هندسة انا هنزل مخصوص اجيب المكثف وهبلغك بنتيجة براءة الاختراع دي :)

هو كان واخدهم من واحد خادمه فيهم هبقي اسالو بكام لكن السعر الطبيعي ان شاء الله انا هنزل الحرفيين قريب اول حاجة هعملها هسالك علي سعرهم