السلام عليكم
انا جبت ماروتي من اسبوع بالظبط
عملت لحد دلوقتي 900كيلوا وان شاء الله النهارده هكمل الالف وانا مروح من الشغل
المهم انا هقولكم اخباها ايه
الاول هيا ب 37500 من غير اي كمليات خالص
رحت ركبت كست سي دي و انزار و سنتر في اسبير كار ب 960
ورخصت ب 960
طبعا انا كنت بسوق هيونداي ماتركس فا حسيت بفرق طبعا
بس انا هقولكم علي الحجات اللي خنقاني علي الاخر
الفتيس يحتل المرتبه الاولي ناشف شويتين تلاته
المرايات لو حد حركهالك لازم تظبطها من اول و جديد و دي حاجه غبيه جدا
كله كوم و زرار الانتظار كوم تاني مكانه سئ للغايه
بس العربيه في المجمل كويسه
لو في حد عنده حل للحجات اللي خنقاني دي ياريت يقولي اعمل ايه فيها و انا ناوي اعمل صيانه ال 1000 كيلو بكره او بعده تنصحوني التوكيل ولا الميكانيكي مع العلم اني قريب من التوكيل مش بعيد عني
شكرا ليكم و مستني النصائح