الموضوع: تيجو نعمل ريسيفر امن...ريسيفر نظيف.... زي الريسيفرات دي.

السلام عليكم ورحمة الله وبركاته.....
في حد سمع قبل كده عن الريسيفرات دي.
الفلك....المدار الأسلامي...المجد.......ركاز...... الأسرة؟
الريسيفرات دي زي ما هو واضح من اساميها انها ريسيفرات لا تحمل الا قنوات موافقة للشريعة ومحافظة ويمكن ان نضعها في البيت بأمان.
الريسيفرات دي بتتباع وبتكون متبرمجة علي قنوات موافق عليها من قبل هيئة شرعية.
لو خدنا مثال زي ريسيفر المجد هنلاقي انه بيحمل القنوات الأتية/
المجد العامة-المجد للقرأن الكريم-المجد للحديث النبوي ودي قنوات مفتوحة بتيجي علي النايل سات.
باقي باقة المجد(المجد العلمية-المجد الوثائقية-المجد العالم اليوم-المجد للأطفال-قناة روضة-قناة الطبيعية-قناة نسمة-قناة فكر-محطة راديو دال للأطفال ودي علي الراديو) والقنوات دي بتبقي بأشتراك.
الريسيفر بيتباع في جميع الدول العربية عدا مصر ...لكن بيتباع في مصر الريسيفر اللى بيفك القنوات المشفرة.....علشان الناس تشوف ماتشات كاس العالم مش اكتر وفي نفس الوقت نبقي فرحانين اننا بنتفرج علي الماتش بدون اشتراك الجزيرة.
طب لو حبينا نعمل نفس فكرة الريسيفر ونطبقها عندنا هنحط ايه ...انا هقترح قائمة.

1. قناة المجد العامة
2. المجد للقرأن الكريم
3. المجد للحديث النبوي
4. العفاسي قرأن.
5. العفاسي العامة.
6. قناة ايات.
7. قناة الفجر.
8. قناة نسائم الرحمة.
9. قناة الحكمة.
10. قناة الناس.
11. قناة صفا.
12. قناة هدي(ناطقة بالأنجليزية).
13. قناة بداية.
14. قناة الرسالة.
15. قناة اقرأ.
16. قناة شدا.
17. قناة دليل.
18. قناة الأسلام اليوم.
19. قناة القرأن الكريم(بث مباشر من الحرم المكي).
20. قناة الحديث النبوي(بث مباشرمن المسجد النبوي).
21. قناة ناشيونال جيوجرافيك ابو ظبي.

دول اللى في بالى دلوقتي بقيت القنوات الغير مرغوب فيها تتشفر ما تتمسحش علشان لما تيجي تعمل بحث عن القنوات مينزلوش تاني....عايز ردود هادفة ومافيش داعي للجدال.