تجربتي مع الفلوانس

**arakysolom** · 29-12-2011 10:41 AM

الف مبروك علي العربية
اسلوب عرضك ممتاز و يتميز بالمانه المتناهية ، عايز اقولك انت لمست مشكلتي بجد و هي التسرع في البيع بدون وجود هدف حقيقي للبيع و انا دلوقتي داخل علي شهرين بدون عربية ، انا كان معايا اوبترا مانيوال 2010 ومن ساعة ما اشتريتها و احنا مرتحناش لبعض بس دلوقتي بعض اصابع الندم علي بيعها و فعلا مش كل حاجة حتلقيها في العربية و هي بصراحة كانت مناسبة لحتياجاتي بس حقول ايه قدر الله و ما شاء فعل
انت حببتني في الفلوينس وانا بصراحة لو لقيت واحده استعمال حتوكل علي الله فيها
والف مبروك مرة تانية

**adry_adry** · 29-01-2012 07:42 AM

الله يبارك فيك يا باشا

**adry_adry** · 29-01-2012 07:49 AM

المشاركة الأصلية كتبت بواسطة arakysolom

الف مبروك علي العربية
اسلوب عرضك ممتاز و يتميز بالمانه المتناهية ، عايز اقولك انت لمست مشكلتي بجد و هي التسرع في البيع بدون وجود هدف حقيقي للبيع و انا دلوقتي داخل علي شهرين بدون عربية ، انا كان معايا اوبترا مانيوال 2010 ومن ساعة ما اشتريتها و احنا مرتحناش لبعض بس دلوقتي بعض اصابع الندم علي بيعها و فعلا مش كل حاجة حتلقيها في العربية و هي بصراحة كانت مناسبة لحتياجاتي بس حقول ايه قدر الله و ما شاء فعل
انت حببتني في الفلوينس وانا بصراحة لو لقيت واحده استعمال حتوكل علي الله فيها
والف مبروك مرة تانية

الله يبارك فيك يا باشا شكرا

**mohamedkordy** · 20-02-2012 12:45 AM

الف مبروك ياباشا بس انتا ازاى بعد ما عمل تست دريف للفورد جبت الفلونس ممكن توضحلى الفورد حاجه تانيه خالص من كل حاجه اصل انا معايا العربيتيين حاليا وبستريح للفورد اكتر العفشه الملتى لينك ديه ماشاء الله حكايه على العموم مبارك وربنا يحافظ عليك وعليها

**adry_adry** · 21-02-2012 09:59 PM

المشاركة الأصلية كتبت بواسطة mohamedkordy

الف مبروك ياباشا بس انتا ازاى بعد ما عمل تست دريف للفورد جبت الفلونس ممكن توضحلى الفورد حاجه تانيه خالص من كل حاجه اصل انا معايا العربيتيين حاليا وبستريح للفورد اكتر العفشه الملتى لينك ديه ماشاء الله حكايه على العموم مبارك وربنا يحافظ عليك وعليها

الله يبارك فيك يا باشا اولا ثانيا هو موضوع الراحه النفسيه دا بيختلف من شخص للتاني بس انا كان ليا اسبابي : 1- ان عرض فكري كانت العربيه موديل 2010 و انا كنت بشتري العربيه شهر 10 اللي فات يعني بعد شهرين هتكون عربيه موديل سنتين فاتو
2- ان الشكل الجديد بتاعها لالمفروض نازل قريب فكدا هكون جايب عربيه شكل قديم و هي جديده
3- بصراحه سحب الفلونس احسن بفرق ملحوظ عن الفوكس
4- شكل الفلوانس من بره افخم ( ده ذوق شخصي ) مع اني كنت ميال شويه للفورد من جوه وخصوصا علامة فورد اللي على الطاره تحسها اقيم من رينو كده و فعلا معاك حق الفورد الثبات فيها اعلى بس عفشتها ناشفه شويه انا عارف ان العفشات الرياضيه كدا بس انا برتاح اكتر مع العفشه الطريه خصوصا زي ما انت عارف شوارعنا الله ينور كلها نقر فطول الطريق هسمع دبدبه
5- العامل المادي كان حاسم بردوا عربيات نزلت الفلونس ل 137000 موديل 2011 و فكري 140000 و 142000 للجيا الكامله فقولت انا اولى بفرق الفلوس و السنه اتمنى تكون الصوره وضحت

**mohamedkordy** · 21-02-2012 11:17 PM

هيا نشكله الفورد انى مبعرفش اسوقها وانا حاطط بنزين 92 لازم 95 علشان العربيه تاخد وتدى معايا بس بس الفلونس حققت المعادله الصعبه بثبات كويس وعفشه ناعمه جدا ربنا يبارك ليك فيها

**Mohamed_Nafie** · 21-02-2012 11:51 PM

ان معايا ميجان 3 اللي هي برده زي الFluence بس هاتشباك .. وال عزل بصراحة ممتاز جدا .. ونفس نسبة الاستهلاك برده 10 كم / لتر .. هتلاقي الكلام ده في "Trip Computer" ... بالنسبة للسحبه هي مش تقيلة على فكرة بس العربية لسة مفتحتش معاك... نفس الكلام معايا برده بس بصراحة مرة جربت اشد ونقلت عند 5000 لفه وبصراحة أنا كنت راضي جدا .. ومكتوب في الكتالوج إنك مش هاتخد أحسن أداء إلا بعد 3000 كم... فـعند ال5000 نشوف إن شاء الله ... وألف مبروك وربنا يديك خيرها ويكفيك شرها ..

**adry_adry** · 23-02-2012 02:36 PM

المشاركة الأصلية كتبت بواسطة mohamedkordy

هيا نشكله الفورد انى مبعرفش اسوقها وانا حاطط بنزين 92 لازم 95 علشان العربيه تاخد وتدى معايا بس بس الفلونس حققت المعادله الصعبه بثبات كويس وعفشه ناعمه جدا ربنا يبارك ليك فيها

ربنا يخليك يا باشا و يباركلك في العربيتين هما الاتنين الصراحه احسن من بعض وماشاء الله اختيار موفق

**adry_adry** · 23-02-2012 02:43 PM

المشاركة الأصلية كتبت بواسطة mohamed_nafie

ان معايا ميجان 3 اللي هي برده زي الfluence بس هاتشباك .. وال عزل بصراحة ممتاز جدا .. ونفس نسبة الاستهلاك برده 10 كم / لتر .. هتلاقي الكلام ده في "trip computer" ... بالنسبة للسحبه هي مش تقيلة على فكرة بس العربية لسة مفتحتش معاك... نفس الكلام معايا برده بس بصراحة مرة جربت اشد ونقلت عند 5000 لفه وبصراحة أنا كنت راضي جدا .. ومكتوب في الكتالوج إنك مش هاتخد أحسن أداء إلا بعد 3000 كم... فـعند ال5000 نشوف إن شاء الله ... وألف مبروك وربنا يديك خيرها ويكفيك شرها ..

ماشاء الله يا باشا العربيه دي بجد تحفه انا كان نفسي فيها بس في الوقت اللي كنت بشتري فيه مكنتش موجوده و كمان انا مش ناوي ابع قريب فقلت السيدان عمليه اكتر ربنا يباركلك فيها يا رب و اديني مستني ال 5000 هانت